ନିଆଁ ହଜାଇଛି ନିଦ ; ୩ ମାସରେ ଜଳିଲାଣି ୩ ହଜାର ହେକ୍ଟର ଜଙ୍ଗଲ

ହୁ' ହୁ' ଜଳିଲାଣି ଜଙ୍ଗଲ । ରାଜ୍ୟର ବିଭିନ୍ନ ସ୍ଥାନରେ ଜଙ୍ଗଲରେ ନିଆଁ ଲାଗୁଥିବା ଘଟଣା ସାମ୍ନାକୁ ଆସୁଥିବା ବେଳେ ଏବେ ବିଧାନସଭାରେ ମନ୍ତ୍ରୀଙ୍କ ତଥ୍ୟ ଚିନ୍ତା ବଢାଇଛି । ରାଜ୍ୟରେ ଜଙ୍ଗଲ ଜଳିବା ସହ ସବୁଜବନାନୀ ନଷ୍ଟ ହେବାରେ ଲାଗିଛି । ଗତ ୫ ବର୍ଷର ଜଙ୍ଗଲ ନିଆଁ ତଥ୍ୟ ନିଦ ହଜାଇ ଦେଇଛି ।

ନିଆଁର ଆଁରେ ଏବେ ଓଡ଼ିଶାର ଜଙ୍ଗଲ । ନଷ୍ଟ ହେଉଛି ସବୁଜ ବଳୟ, ହେକ୍ଟର ହେକ୍ଟର ଜଙ୍ଗଲ ପୋଡି ହୋଇଯାଉଛି ପାଉଁଶ । ଜଙ୍ଗଲ ନିଆଁରେ ପ୍ରଭାବିତ ରାଜ୍ୟ ମଧ୍ୟରେ ଓଡ଼ିଶା ଦ୍ୱିତୀୟ । କାରଣ ଅଧିକାଂଶ ଜଙ୍ଗଲରେ ଲାଗୁଥିବା ନିଆଁ ମନୁଷ୍ୟକୃତ । ବିଧାନସଭାରେ ବିଭାଗୀୟ ମନ୍ତ୍ରୀ ଯେଉଁ ଉତ୍ତର ରଖିଛନ୍ତି ତାହା ଯେତିକି ଚିନ୍ତାଜନକ ତାହାଠାରୁ ଅଧିକ ଉଦବେଗଜନକ ।