ଛତିଶଗଡ଼ର ଚାଲାଖି: ଟ୍ରିବ୍ୟୁନାଲ୍ ଗସ୍ତ ପୂର୍ବରୁ ଖୋଲିଲା କଲମାର ୨୦ଟି ଗେଟ୍
ସମ୍ବଲପୁର:ମହାନଦୀ ଟ୍ରିବ୍ୟୁନାଲର ଗସ୍ତ ବେଳେ ଚାଲିକି ଦେଖାଇ କଲମାର ୨୦ଟି ଗେଟ୍ ଖୋଲିଲା ଛତିଶଗଡ଼ । କଲମା ବ୍ୟାରେଜର ମୋଟ୍ ୬୬ଟି ଗେଟ୍ ଥିବାବେଳେ ୨୦ଗେଟ୍ ଆଜି ଖୋଲାଯାଇଛି । ଅଣମୌସୁମୀ ବେଳେ କଲମା ବ୍ୟାରେଜର ଗେଟ୍ ଖୋଳିବାକୁ ନେଇ ଆଜି ସବୁଠି ଚର୍ଚ୍ଚା ଜୋର ଧରିଛି । ତେବେ କଲମା ବ୍ୟାରେଜରୁ ପାଣି ଆସୁଥିବା ନେଇ ସୂଚନା ଦେଲେ ହୀରାକୁଦ ମୁଖ୍ୟ ଯନ୍ତ୍ରୀ ।
ସୂଚନା ଅନୁସାରେ ଓଡ଼ିଶା-ଛତିଶଗଡ଼ ମଧ୍ୟରେ ଦୀର୍ଘ ଦିନ ହେବ ବିବାଦ ଲାଗି ରହିଛି । ତେବେ ଆସନ୍ତା ୨୯ ତାରିଖରେ ଟ୍ରିବ୍ୟୁନାଲ ଦ୍ୱିତୀୟ ପର୍ଯ୍ୟାୟରେ ଆସୁଥିବାରୁ ଛତିଶଗଡ଼ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି ବୋଲି ଚର୍ଚ୍ଚା ଆରମ୍ଭ ହୋଇଯାଇଛି । ଅନ୍ୟପକ୍ଷରେ ୨୦ଟି ଗେଟ୍ ଦେଇ ଯେତିକି ପରିମାଣରେ ଜଳ ନିଷ୍କାସିତ ହେଉଛି, ତାହା ହୀରାକୁଦ ଡ୍ୟାମର ଜଳସ୍ତର ବୃଦ୍ଧି କରିବାରେ କିଛି ସହାୟକ ହେବ ନାହିଁ ବୋଲି ମଧ୍ୟ ସୂଚନା ରହିଛି ।
ତେବେ ୨୦ଟି ଗେଟଦେଇ କେତେ ପରିମାଣର ପାଣି ବାହିରୁଛି ସେ ନେଇ କୌଣସି ତଥ୍ୟ ନାହିଁ ବୋଲି ମୁଖ୍ୟ ଯନ୍ତ୍ରୀ ସୂଚନା ଦେଇଛନ୍ତି । ଟ୍ରିବ୍ୟୁନାଲ ଟିମ୍ ୨୦ ତାରିଖରେ ଛତିଶଗଡ଼ ଯାଇ ପ୍ରଥମ ପର୍ଯ୍ୟାୟ କ୍ଷେତ୍ର ପରିଦର୍ଶନ କରିଦେଖିଥିଲେ । ଆସନ୍ତା ମେ ୧୦ ତାରିଖରେ ଟ୍ରିବ୍ୟୁନଲ ଟିମ୍ ହୀରକୁଦ ଡେଲଟା ଅଞ୍ଚଳ ପରିଦର୍ଶନ କରିବ ।
Click it and Unblock the Notifications
Sign in with Google