ବାତ୍ୟା 'ମୋନ୍ଥା' ବେଳେ ୧୩୬ ଶିଶୁ ଜନ୍ମ,୬୭ ପୁଅ ଓ ୬୯ ଝିଅ

ବାତ୍ୟା 'ମୋନ୍ଥା' ବେଳେ କୋରାପୁଟ ଜିଲ୍ଲାରେ ୧୩୬ ଶିଶୁ ଜନ୍ମ , ଜନ୍ମ ହୋଇଥିବା ୧୩୬ ଶିଶୁଙ୍କ ମଧ୍ୟରୁ ୬୭ ପୁଅ ଓ ୬୯ ଝିଅ। ସମସ୍ତ ନବଜାତ ଶିଶୁ ଓ ମା' ସୁସ୍ଥ ଅଛନ୍ତି । ମିଳିଥିବା ସୂଚନାରୁ ଜଣାଯାଇଛି ଯେ, ବାତ୍ୟା ମୋନ୍ଥା ଚାଲିଥିବା ବେଳେ ଜିଲାର ବିଭିନ୍ନ ମେଡିକାଲ ଓ ମା' ଘରେ ମୋଟ୍‌ ୩୩୨ ଜଣ ଗର୍ଭବତୀ ମା'ଙ୍କୁ ରଖାଯାଇଥିଲା।

ସେଥିମଧ୍ୟରୁ ମା' ଘରେ ୧୬୦ ଜଣଙ୍କୁ ଓ ବିଭିନ୍ନ ସ୍ବାସ୍ଥ୍ୟକେନ୍ଦ୍ରରେ ୧୭୨ ଜଣଙ୍କୁ ରଖାଯାଇଥିଲା। ଗତ ୨୬ ଓ ୨୮ ତାରିଖରେ ଏହି ୧୩୬ ଜଣ ଶିଶୁ ଜନ୍ମ ହୋଇଥିବାବେଳେ ଶିଶୁମାନଙ୍କ ମଧ୍ୟରେ ୨ଟି ଜାଆଁଳା ରହିଥିବା ସେ ସୂଚନା ଦେଇଛନ୍ତି ।