ଦୋଳି ସାଜିଲା କାଳ
13-year old girl dies of heart attack .ଦୋଳିରୋ ବସିବା ପରେ ହୃଦଘାତର ଶିକାର ହୋଇଥିଲେ ନାବାଳିକା ।
କୋରାପୁଟ: ରଥାଯାତ୍ରାରେ ବେଶ ଖୁସିରେ ଘରୁ ମିନାବଜାର ବୁଲିଯିବା ପାଇଁ ବାହାରିଥିଲା ୧୩ ବର୍ଷିୟ ଆଲଫିଆ ବାନ । ହେଲେ ଏହି ଖୁସୀ ଥିଲା ମାତ୍ରେ କିଛି କ୍ଷଣ ପାଇଁ ।ରଥଯାତ୍ରା ପାଇଁ କୋରାପୁଟ ଜିଲ୍ଲା କୋଟପାଡ଼ରେ ମିନାବଜାର ଆୟୋଜନ କରାଯାଇଛି । ଭଳିକି ଭଳି ଦୋଳି ଲାଗିଥିବା ବେଳେ ବ୍ରେକଡ୍ୟାନ୍ସର ମଜାନେବା ପାଇଁ ପହଁଚିଥିଲା କୋଟପାଡ଼ ମିର୍ଗାନସାହି ନିବାସୀ ମହମ୍ମଦ ୟାକୁବଙ୍କ ୧୩ ବର୍ଷର ଝିଅ ଆଲଫିଆ ବାନ । ହେଲେ ଦୋଳିରେ ବସିବା ପରେ ହୃଦଘାତର ଶିକାର ହୋଇଥିଲେ ନାବାଳିକା ।
ତାଙ୍କୁ ତୁରନ୍ତ କୋଟପାଟ ହସ୍ପିଟାଲକୁ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।ତେବେ ଦୋଳିରେ ଗୋଟୋ ରାଉଣ୍ତ ବୁଲିବା ପରେ ସେ ଅସୁସ୍ଥ ଅନୁଭବ କରିଥିଲେ । ଝୁଲା ଅଟକିବା ପୂର୍ବରୁ ହିଁ ସେ ଚେତାଶୂନ୍ୟ ହୋଇପଡିଥିଲେ । ଏଭଳି ଘଟଣା ଅଭାବନୀୟ ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
Click it and Unblock the Notifications
Sign in with Google