ଛାତ୍ରାବାସରୁ ଚିହ୍ନଟ ହେଲେ 13 କୋଭିଡ ଆକ୍ରାନ୍ତ

ସିଲଭର ସିଟିରେ କରୋନା ପୁଣି ବଢିବାରେ ଲାଗିଛି । ସହରର ଏକ ଶିକ୍ଷାନୁଷ୍ଠାନରେ ଦେଖିବାକୁ ମିଳିଛି କରୋନାର ନୂତନ ମାମଲା ।

କଟକ: ପୁଣି ଡରାଉଛି କରୋନା । ଦୀର୍ଘ ଦୁଇ ବର୍ଷ ଧରି ଲୋକଙ୍କୁ ବେହାଲ କଲାଣି ଏହି ମହାମାରୀ । ପ୍ରାୟ କିଛି ଦିନ ହେବ ଲୋକେ ଘରୁ ପଦାକୁ ଯାଇ ନିଜର ଜୀବନ ଜୀବିକା ପୁନଃ ଆରମ୍ଭ କରିଛନ୍ତି । କିଛି ଦିନର ବ୍ୟବଧାନରେ ରାଜ୍ୟରେ କାୟା ମେଲାଇବା ଆରମ୍ଭ କଲାଣି କରୋନା। ଅନେକ ରାଜ୍ୟରେ ଲୋକେ ପୁଣି କରୋନା ଜାଲରେ ଫସୁଥିବା ଦେଖିବାକୁ ମିଳିଛି । ତେବେ ସିଲଭର ସିଟିରେ କରୋନା ପୁଣି ବଢିବାରେ ଲାଗିଛି । ସହରର ଏକ ଶିକ୍ଷାନୁଷ୍ଠାନରେ ଦେଖିବାକୁ ମିଳିଛି କରୋନାର ନୂତନ ମାମଲା ।

କଟକ 59 ନଂ ୱାର୍ଡ ବମ୍ଫକୁଦଠାରେ ଥିବା ଏକ ଘରୋଇ କଲେଜ ଛାତ୍ରାବାସରେ ଏକାସହ 13 ଜଣ ଛାତ୍ର କରୋନା ପଜିଟିଭ ଚିହ୍ନଟ ହୋଇଛନ୍ତି। ଉକ୍ତ ଛାତ୍ରାବାସରେ ମୋଟ 200 ଜଣ ଅନ୍ତେବାସୀ ରୁହନ୍ତି। କିଛି ପିଲା ପ୍ରଥମେ ଜ୍ୱର ଓ ଥଣ୍ଡା ଅନୁଭବ କରିଥିଲେ। ଫଳରେ 56 ଛାତ୍ରଙ୍କର ଆଣ୍ଟିଜେନ୍ ଟେଷ୍ଟ କରାଯାଇଥିଲା । ସେମାନଙ୍କ ମଧ୍ୟରୁ 13 ଜଣଙ୍କ ରିପୋର୍ଟ ପଜିଟିଭ ଆସିଥିଲା । ଆଜି ଛାତ୍ରମାନଙ୍କର ଆରଟିପିସିଆର ପରୀକ୍ଷା କରାଯିବ ।

English summary

Corona is growing again in Silver City. A new case of corona has been found in an educational institution in the city.