୫ ଦିନ ପରେ ଉଦ୍ଧାର ହେଲେ ଅମ୍ରିତ

ନୟାଗଡ଼: ୫ ଦିନ ପରେ ଉଦ୍ଧାର ହେଲେ ସପ୍ତମ ଶ୍ରେଣୀ ଛାତ୍ର ଅମ୍ରିତ ପାତ୍ର । ଓଡ଼ଗାଁ ଥାନା ଅନ୍ତର୍ଗତ ନିଜ ଗାଁ କୁରାଳ ନିକଟରୁ ତାଙ୍କୁ ଉଦ୍ଧାର କରାଯାଇଛି । ବର୍ତ୍ତମାନ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ରାତିରେ ତାଙ୍କୁ କେହି ଘର ପାଖରେ ଛାଡି଼ ଦେଇଥିବା ନେଇ ସୂଚନା ରହିଛି ।

ସୂଚନାଥାଉ ଯେ, ଗତ ୫ ଦିନ ହେଲା ଟ୍ୟୁସନରୁ ଘରକୁ ଫେରିନଥିଲେ ୧୨ ବର୍ଷର ପୁଅ ଅମ୍ରିତ । ବହୁ ଖୋଜାଖୋଜି ପରେ ତାଙ୍କର କୌଣସି ପତ୍ତା ମିଳୁ ନଥିଲା । ବାଉଁଶ ବୁଦା ପାଖରୁ ମିଳିଥିଲା ଅମ୍ରିତଙ୍କ ସାଇକେଲ୍ । ପରିବାରର ସୂଚନା ଅନୁସାରେ, ୭ଟା ୧୫ ମିନିଟରେ ଅମ୍ରିତ ଟ୍ୟୁସନରୁ ବାହାରିଥିଲେ ହେଲେ ସେ ଘରେ ପହଁଚି ନଥିଲେ । ନିଖୋଜ ଶିଶୁ ଜଣଙ୍କ ହେଲେ କାଳିଆ ପାତ୍ରଙ୍କ ପୁଅ ଅମ୍ରିତ ପାତ୍ର । ତେବେ ପୁଅକୁ କେହି ଅପହରଣ କରିନେଇଥିବା ନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ପୋଲିସ ଖୋଜାଖୋଜି କରୁଥିଲେ ମଧ୍ୟ ଅମ୍ରିତଙ୍କର କୌଣସି ପତ୍ତା ମିଳି ପାରିନଥିଲା । ହେଲେ ଆଜି ସକାଳୁ କେହି ତାଙ୍କୁ ଘର ପାଖରେ ଛାଡି଼ ଦେଇଥିବା ନେଇ ସୂଚନା ରହିଛି ।

English summary

12-year-old Boy Missing case: After 5 days Amrit was rescued