ସାତକୋଶିଆକୁ ଆସିବ ୧୨ରୁ ୧୬ଟି ମହାବଳ ବାଘ

ଭୁବନେଶ୍ୱର : ସାତକୋଶିଆକୁ ଆସିବେ ମହାବଳ ବାଘ । ୧୨ରୁ ୧୬ଟି ମହାବଳ ବାଘ ଆସବେ ସାତକୋଶିଆକୁ । ଏହି ମହାବଳ ବାଘକୁ ସାତକୋଶିଆକୁ ଅଣାଯିବ । ଏନଟିସିଏର ଟାଇଗର ରିକଭରି ପ୍ଲାନ ଅନୁସାରେ ୧୨ ରୁ ୧୬ ଟି ବାଘ ଆଣିବାକୁ ଯୋଜନା କରାଯାଇଛି ବୋଲି ବନ୍ୟପ୍ରାଣୀ ପିସିସିଏଫ୍ ସୁଶାନ୍ତ ନନ୍ଦ ସୂଚନା ଦେଇଛନ୍ତି।

ମହାବଳ ବାଘ ଆଣିବା ପାଇଁ ବୈଷୟିକ ଅନୁମୋଦନ ଶେଷ ହୋଇଛି। ପ୍ରଥମ ପର୍ଯ୍ୟାରେ ଗୋଟିଏ ଅଣ୍ଡିରା ଓ ଦୁଇଟି ମାଈ ବାଘ ଅଣାଯିବ। ବାଘ ଅଣାଯାଇ ବଂଶ ବିସ୍ତାର ପାଇଁ ଯୋଜନା କରାଯାଇଛି ବୋଲି ବନ୍ୟପ୍ରାଣୀ ପିସିସିଏଫ୍ କହିଛନ୍ତି। ଅନ୍ୟପେଟ ସାତକୋଶିଆ ବ୍ୟାଘ୍ର ଅଭୟାରଣ୍ୟକୁ ୧୨ ଅତ୍ୟାଧୁନିକ ପାଟ୍ରୋଲିଂ ଭ୍ୟାନ ମିଳିଛି।

ଏହାସହ ବାଲୁଖଣ୍ଡ ଅଭୟାରଣ୍ୟ ଓ କପିଳାସ ଅଭୟାରଣ୍ୟକୁ ମଧ୍ୟ ପାଟ୍ରୋଲିଂ ଯାନ ପ୍ରଦାନ କରାଯାଇଛି। ଅଭୟାରଣ୍ୟର ରେଞ୍ଜ ଅଫିସ ଦକ୍ଷତା ବଢ଼ାଇବା ପାଇଁ ଏସବୁ ଅତ୍ୟାଧୁନିକ ପାଟ୍ରୋଲିଂ ଭେଇକିଲ୍ ଦିଆଯାଇଛି। ବନ୍ୟଜନ୍ତୁଙ୍କ ସୁରକ୍ଷା ପାଇଁ ସାତକୋଶିଆ ଅଭୟାରଣ୍ୟ ସମେତ ସମ୍ବଲପୁରସ୍ଥିତ ଡେବ୍ରିଗଡ଼ ଅଭୟରଣ୍ୟରେ ମଧ୍ୟ ଏଭଳି ଅତ୍ୟାଧୁନିକ ପେଟ୍ରୋଲିଂ ଭ୍ୟାନ୍ ଯୋଗାଇ ଦିଆଯିବ ନେଇ ବିଚାର ବମର୍ଷ ଚାଲିଛି।