ହିଟ୍ ୱେଭ ପାଇଁ 2020ରେ ଯାଇଛି 12 ଜଣଙ୍କର ଜୀବନ: 'ପାଣି ବୋତଲ ନେଇ ପିଲା ଆସନ୍ତୁ ସ୍କୁଲ'

ବିଗତ ବର୍ଷମାନଙ୍କରେ ରାଜ୍ୟ ସରକାରଙ୍କର ସଚେତନା ଭିତରେ ଏହି ଜୀବନ ହାନିର ମାତ୍ରାରେ ବ୍ୟାପକ ହ୍ରାସ ଘଟିଛି ।

ଭୁବନେଶ୍ବର: ରାଜ୍ୟରେ ଧିରେ ଧିରେ ଆରମ୍ଭ ହୋଇଗଲାଣି ଗ୍ରୀଷ୍ମ ପ୍ରବାହ। ଖରା ସାଙ୍ଗକୁ ଝାଞ୍ଜି ପବନ ଜନଜୀବନ ଅସ୍ତବ୍ୟସ୍ତ କରିବା ଆରମ୍ଭ କଲାଣି । ହିଟୱେଭ୍ ପାଇଁ ମଧ୍ୟ ପ୍ରତି ବର୍ଷ ଯାଉଛି ଅନେକ ଜୀବନ । ତେବେ ବିଗତ ବର୍ଷମାନଙ୍କରେ ରାଜ୍ୟ ସରକାରଙ୍କର ସଚେତନା ଭିତରେ ଏହି ଜୀବନ ହାନିର ମାତ୍ରାରେ ବ୍ୟାପକ ହ୍ରାସ ଘଟିଛି ।

1998ରେ ହିଟ ୱେଭ ପାଇଁ 2042 ଜଣଙ୍କ ଜୀବନ ଯାଇଥିଲା । ହେଲେ ବ୍ୟାପକ ସଚେତନତା ଯୋଗୁ ଏହା କମିଛି । ଗତବର୍ଷ ଅର୍ଥାତ 2020ରେ ହିଟ୍ ଓ୍ୱେଭରେ 12 ଜଣଙ୍କ ମୃତ୍ୟ ହୋଇଥିଲା । ସେହିପରି 2016 ରେ 54, 2017ରେ 45, 2018ରେ 60, 2019ରେ 50 ଜଣଙ୍କ ଜୀବନ ହିଟ ୱେଭ ପାଇଁ ଯାଇଥିବା ନେଇ ଗଣମାଧ୍ୟମକୁ ସୂଚନା ଦେଇଛନ୍ତି ଡିଆରସି ପ୍ରଭାତ ମହାପାତ୍ର ।

ସେହିପରି ଗ୍ରୀଷ୍ମ ପ୍ରବାହକୁ ଆଖି ଆଗରେ ରଖି ସ୍କୁଲ ଛାତ୍ରଛାତ୍ରୀଙ୍କ ପାଇଁ ମଧ୍ୟ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି । ଏଣିକି ଛାତ୍ରଛାତ୍ରୀମାନେ ସ୍କୁଲକୁ ପାଣି ବୋତଲ ନେଇ ଯିବା ପାଇଁ ପରାମର୍ଶ ଦିଆଯାଇଛି । ପ୍ରତି ପିଲା ପାଣି ବୋତଲ ନେଇ ସ୍କୁଲ ଆସିବେ । ଅଭିଭାବକମାନେ ଏହା ଉପରେ ଧ୍ୟାନ ଦେବାକୁ କହିଛନ୍ତି ଶ୍ରୀ ମହାପାତ୍ର । କୋଭିଡ ଗାଇଡଲାଇନକୁ ନେଇ କିଛି କ୍ଲାସ ଏବେ ବି ଚାଲିଛି । ସ୍କୁଲରେ ପାଣିର ପର୍ଯ୍ୟାପ୍ତ ବ୍ୟବସ୍ଥା ପାଇଁ ନିର୍ଦ୍ଦେଶ ରହିଛି ବୋଲି ସେ କହିଛନ୍ତି । ସେହିପରି ଯେଉଁ ଗାଁରେ ପାଣିର ଅଭାବ ରହିଛି, ତାକୁ ତୁରନ୍ତ ଚିହ୍ନଟ କରି ଜଳ ଯୋଗାଇ ଦିଆଯିବ ବୋଲି ନିର୍ଦ୍ଦେଶ ଦିଆଯାଇଥିବା କହିଛନ୍ତି ପ୍ରଭାତ ।

English summary

12 people have died in 2020 for the hit wave