• search
For Quick Alerts
Turn On Notification  
For Daily Alerts

ଆଜିଠୁ ଆରମ୍ଭ ହେଲା ୧୦ ଦିନିଆ ସ୍ପେସାଲ ଡ୍ରାଇଭ, ଅମାନିଆଙ୍କୁ ସାବାଡ କରିବ ପୋଲିସ

|

ଭୁବନେଶ୍ୱର: ଗତକାଲି ମୁଖ୍ୟମନ୍ତ୍ରୀଙ୍କ କରୋନା ସମୀକ୍ଷା ବୈଠକରେ ଆସିଥିବା ୧୦ ଦିନିଆ ସ୍ପେସାଲ ଡ୍ରାଇଭକୁ ଆଜିଠୁ କାର୍ଯ୍ୟକାରୀ କରିଛି ଓଡିଶା ପୋଲିସ । ପୋଲିସ ଡିଜ ଅଭୟଙ୍କ ନିର୍ଦ୍ଦେଶ କ୍ରମେ ରାଜ୍ୟରେ ବିଭିନ୍ନ ଜିଲ୍ଲା ଆରମ୍ଭ ହୋଇଯାଇଛି ୧୦ ଦିନିଆ ସ୍ପେସାଲ ଡ୍ରାଇଭ ଅଭିଯାନ ।

special drive

ଜନସାଧାରଣ ସ୍ଥାନ ଗୁଡିକର ପୋଲିସ କର୍ମଚାରୀମାନେ ପ୍ରହରା ଦେବା ସହିତ ଲୋକଙ୍କୁ ମାକ୍ସ ପିନ୍ଧିବା ଓ କୋଭିଡ ଗାଇଡଲାଇନ ମାନି ପାଇଁ ସଚେତନ କରାଉଛନ୍ତି । ତେବେ ନିୟମ ଉଲ୍ଲଙ୍ଘନ କଲେ ନିଆଯିବ ଦୃଢ କାର୍ଯ୍ୟାନୁଷ୍ଠାନ । ସଂକ୍ରମଣ ହ୍ରାସ କରିବାକୁ ଏଣିକି କଡ଼ାକଡ଼ି ହେବ କୋଭିଡ୍ ନିୟମ ।

ସେପଟେ ବାରମ୍ବାର ହାତଧୋଇବା, ମାସ୍କ ପିନ୍ଧିବା ଓ ସାମାଜିକ ଦୂରତା ନିୟମ ମାନିବାକୁ ଲୋକଙ୍କୁ ସଚେତନ କରାଇବ ସୂଚନା ଓ ପ୍ରସାରଣ ବିଭାଗ । ସେହିଭଳି ଛତିଶଗଡ଼ ସୀମାନ୍ତ ଜିଲ୍ଲା ଉପରେ ଅଧିକ ଫୋକସ୍ କରିଛନ୍ତି ମୁଖ୍ୟମନ୍ତ୍ରୀ । ସୀମାନ୍ତବର୍ତ୍ତୀ ଜିଲ୍ଲା ଗୁଡ଼ିକରେ କରୋନା ସଂକ୍ରମଣ ବଢ଼ୁଥିବା ଦେଖି ମୁଖ୍ୟ ଶାସନ ସଚିବ, ସ୍ବାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରମୁଖ ଗ୍ରାଉଣ୍ଡ ଜିରୋକୁ ଯାଇ ସେଠାକାର ସ୍ଥିତି ସମୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି ନବୀନ ।

ଏହା ଛଡ଼ା ପଶ୍ଚିମ ଓଡ଼ିଶାରେ ଅଧିକ ସଂଖ୍ୟକ ଡାକ୍ତର, ପାରାମେଡିକାଲ ଷ୍ଟାଫ ଓ ଲ୍ୟାବ୍ ଟେକ୍ନିସିଆନ୍ ମୁତୟନ କରିବାକୁ ନିର୍ଦ୍ଦେଶ ଦିଆଯାଇଛି । ଅକ୍ସିଜେନ୍ ସୁବିଧା ଥାଇ ଯଥେଷ୍ଟ ଆମ୍ବୁଲାନ୍ସ୍ ଯୋଗାଇଦେବାକୁ କହିଛନ୍ତି ମୁଖ୍ୟମନ୍ତ୍ରୀ ।

ସେହିପରି କରୋନା ସଂକ୍ରମଣକୁ ନେଇ ବିଏମସି କମିଶନର ପ୍ରେମଚନ୍ଦ୍ର ଚୌଧରୀ କହିଛନ୍ତି, ବିଏମସି ତରଫରୁ କରୋନା ପାଇଁ ଅନେକଗୁଡିଏ ପଦକ୍ଷେପ ନିଆଯାଉଛି । ହଷ୍ଟେଲ, ସ୍କୁଲ, ମଲ୍ ରେ ପ୍ରତିଦିନ ଏନଫୋର୍ସମେଣ୍ଟ ଜାରି ରହିଛି ।

ଆମକୁ ଫୋଲୋ କରନ୍ତୁ
Instagram Youtube
English summary
10-day special drive started today in odisha
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X