ଥରକରେ ୫ଟି ଶିଶୁଙ୍କୁ ଜନ୍ମ ଦେଲେ ୨୫ ବର୍ଷୀୟ ମହିଳା

Woman Delivers 5 Babies:ଥରକରେ ୫ଟି ଶିଶୁଙ୍କୁ ଜନ୍ମ ଦେଲେ ୨୫ ବର୍ଷୀୟ ମହିଳା

ରାଜସ୍ଥାନ: ଗୋଟିଏ କି ଦୁଇଟି ନୁହେଁ ଥରକରେ ୫ଟି ଶିଶୁଙ୍କୁ ଜନ୍ମ ଦେଲେ ୨୫ ବର୍ଷୀୟ ମହିଳା । ସାଧାରଣତଃ ଆପଣ ଦୁଇଟି ଶିଶୁଙ୍କୁ ଜନ୍ମଦେବା ଘଟଣା ଅନେକ ଥର ଶୁଣି ଥିବେ । ହେଲେ ଏବେ ୫ଟି ଶିଶୁଙ୍କୁ ଜନ୍ମ କରିବା ଭଳି ବିରଳ ଘଟଣା ଘଟିଛି ରାଜସ୍ଥାନ କରୋଲି ଅଞ୍ଚଳରେ । ଥରକରେ ୫ଟି ଶିଶୁଙ୍କୁ ଜନ୍ମ ଦେଇ ଚର୍ଚ୍ଚାରେ ୨୫ ବର୍ଷୀୟ ମହିଳା । ମହିଳା ଜଣଙ୍କ ହେଉଛନ୍ତି ରେସ୍ମା । ତାଙ୍କ ସ୍ୱାମୀ ଅସ୍କ ଅଲ୍ଲି ବ୍ୟକ୍ତି କେରଳରେ ରହି କାମ କରୁଥିଲେ ।

ଉଭୟ ୨୦୧୫ରେ ବିବାହ କରିଥିଲେ ହେଲେ ବିବାହର ୭ ବର୍ଷ ପରେ ମଧ୍ୟ କୌଣସି ସନ୍ତାନସନ୍ତତି ହେଉନଥିଲା । ଡାକ୍ତରଙ୍କ ପରାମର୍ଶ ପରେ ଖୁବ କଷ୍ଟରେ ରେସ୍ମା ମାତୃତ୍ୱଲାଭ କରିବାରେ ସଫଳ ହୋଇଥିଲେ । ରେସ୍ମା ଥରକରେ ୫ଟି ଶିଶୁଙ୍କୁ ଜନ୍ମ ଦେଇଥିଲେ ଯେଉଁଥିଲେ । ଏକରୁ ଦୁଇ ମିନିଟ୍ ବ୍ୟବଧାନରେ ୫ଶିଶୁଙ୍କର ଜନ୍ମ ହୋଇଥିଲା । ଜନ୍ମ ସମୟରେ ଶିଶୁଙ୍କ ଓଜନ ୩୦୦ ରୁ ୬୦୦ ଗ୍ରାମ ପର୍ଯ୍ୟନ୍ତ ଥିଲା । ଏଥିମଧ୍ୟରୁ ଦୁଇଟି ପୁଅ ଥିବାବେଳେ ୩ଟି ଝିଅ ଜନ୍ମ ନେଇଥିଲେ । ଯେଉଁଥି ପାଇଁ ବେଶ ଖୁସ୍ ମଧ୍ୟ ଥିଲେ ଉଭୟ ସ୍ୱାମା ସ୍ତ୍ରୀ । ୭ ମାସରେ ଜନ୍ମ ହୋଇଥିଲେ ଅର୍ଥାତ୍ ପ୍ରି-ମ୍ୟାଚୋର ବେବି ହୋଇଥିବାରୁ ସମସ୍ତ ଶିଶୁଙ୍କ ସ୍ୱାସ୍ଥ୍ୟବସ୍ଥା ଦୁର୍ବଳ ଥିଲା ।ଅଧିକ ଚିକିତ୍ସା ପାଇଁ ସମସ୍ତଙ୍କୁ ଶିଶୁମାନଙ୍କୁ ଜୟପୁରସ୍ଥିତ ଜେକେ ଲନ୍ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ହେଲେ ରାସ୍ତାରେ ହିଁ ସମସ୍ତ ଶିଶୁଙ୍କର ମୃତ୍ୟୁ ହୋଇଥିଲା ।

English summary

Woman Delivers 5 Babies