ଟ୍ରେନରେ ଯାତ୍ରା କଲେ ବିରାଟ କୋହଲି, ଭାଇରାଲ ହେଲା ଭିଡିଓ

Virat Kohali London: ଶ୍ରୀଲଙ୍କା ଗସ୍ତ ପରଠାରୁ ଟିମ୍ ଇଣ୍ଡିଆର ଭେଟେରାନ୍ ଖେଳାଳି ବିରାଟ କୋହଲି ବର୍ତ୍ତମାନ ବ୍ରେକରେ ଅଛନ୍ତି ଏବଂ ନିଜ ପରିବାର ସହ ସମୟ ବିତାଉଛନ୍ତି । ସୋସିଆଲ ମିଡିଆରେ ବିରାଟଙ୍କୁ ଅନେକ ଥର ନିଜ ପରିବାର ସହ ଏକାଠି ଦେଖିବା ପାଇଁ ମିଳିଥାଏ । ନିକଟରେ ତାଙ୍କର ଏକ ଭିଡିଓ ଭାଇରାଲ ହୋଇଥିଲା । ସୋସିଆଲ ମିଡିଆରେ ଦାବି କରାଯାଉଛି ଯେ ଏହି ଭିଡିଓ ଲଣ୍ତନର ।

ବର୍ତ୍ତମାନ କୋହଲି ଏବଂ ତାଙ୍କ ପତ୍ନୀ ଅନୁଷ୍କା ଶର୍ମା ନିଜ ପିଲାମାନଙ୍କ ସହିତ ଲଣ୍ଡନରେ ରହୁଛନ୍ତି । ଟି-୨୦ ବିଶ୍ୱକପ 2024ର ବିଜୟ ପରେ ବିରାଟ ଲଣ୍ଡନ ଯାଇଥିଲେ କିନ୍ତୁ ଶ୍ରୀଲଙ୍କା ବିପକ୍ଷ ODI ସିରିଜ୍ ପାଇଁ ଫେରି ଆସିଥିଲେ ।

ବର୍ତ୍ତମାନ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଭିଡିଓ କିଛି ଦିନ ପୁରୁଣା ବୋଲି ଦାବି କରାଯାଉଛି । କିନ୍ତୁ ଦାବି କରାଯାଉଛି ଯେ ଏହି ଭିଡିଓ ଲଣ୍ଡନର ବୋଲି । ଏଥିରେ କୋହଲି ରେଳ ଷ୍ଟେସନରେ ଆଉ ଏକ ବ୍ୟକ୍ତିଙ୍କ ସହ ନଜର ଆସୁଛନ୍ତି ଏବଂ କୋହଲିଙ୍କୁ ଟ୍ରେନ ପାଇଁ ଅପେକ୍ଷା କରୁଥିବାର ଦେଖିବା ପାଇଁ ମିଳିଥିଲା । ବିରାଟ ଏବଂ ଅନୁଷ୍କାଙ୍କ ବିଷୟରେ ଆଉ ଏକ ଗୁଜବ ମଧ୍ୟ ସୃଷ୍ଟି ହୋଇଥିଲା । କୁହାଯାଉଛି ଯେ, ବିରାଟ-ଅନୁଷ୍କା ସବୁଦିନ ପାଇଁ ଭାରତ ଛାଡି ଲଣ୍ତନ ପଳାଇଛନ୍ତି । କିନ୍ତୁ ଏନେଇ କୌଣସି ଅଫିସିଆଲି ସୂଚନା ପ୍ରକାଶ ପାଇ ନାହିଁ ।

ସୂଚନାଯୋଗ୍ୟ ଯେ ଶ୍ରୀଲଙ୍କା ଗସ୍ତରେ କୋହଲିଙ୍କ ଖାସ ଜଲୱା ଦେଖିବା ପାଇଁ ମିଳିନଥିଲା । ସେ ଟିମ୍ ଇଣ୍ଡିଆ ପାଇଁ 3 ଟି ODI ମ୍ୟାଚ୍ ଖେଳିଥିଲେ । କୋହଲି ମାତ୍ର 24 ରନ୍ ସ୍କୋର କରିବା ପରେ ପ୍ରଥମ ଦିନିକିଆରେ ଆଉଟ୍ ହୋଇଥିଲେ। ଦ୍ୱିତୀୟ ଦିନିକିଆରେ ସେ 14 ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ଏହା ପରେ ସେ ତୃତୀୟ ODI ରେ 20 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଏହି ତିନୋଟି ମ୍ୟାଚ୍ କଲମ୍ବୋରେ ଖେଳାଯାଇଥିଲା । ସେ ଭାରତ ପାଇଁ 295 ମ୍ୟାଚ୍ ଖେଳିଛନ୍ତି। ଏହି ଅବଧି ମଧ୍ୟରେ 13906 ରନ୍ ସ୍କୋର କରିବାରେ ସଫଳ ହୋଇଛନ୍ତି । କୋହଲି ODI ରେ 50 ଶତକ ଏବଂ 72 ଅର୍ଦ୍ଧଶତକ ହାସଲ କରିଛନ୍ତି।