ହ୍ୱାଟ୍ସଆପ୍ ଆଣିଲା ନୂଆ ଫିଚର୍

WhatsApp Group Chat Feature: ମେସେଜିଂ ପ୍ଲାଟଫର୍ମ ହ୍ୱାଟ୍ସଆପ୍ ଲଞ୍ଚ କଲା ଆଉ ଏକ ନୂଆ ଫିଚର୍ । ବର୍ତ୍ତମାନ ଉପଭୋକ୍ତାମାନଙ୍କ ପାଇଁ କମ୍ପାନୀ ଏକ ଜବରଦସ୍ତ ଫିଚର୍ ଆଣିଛି ଯେଉଁଥିରେ ଗ୍ରୁପ୍ ଚାଟ୍ ବର୍ତ୍ତମାନ ଅଧିକ ରୋମଞ୍ଚକ ହୋଇପାରିବ । ପୂର୍ବରୁ ଏହି ଫିଚର୍ କେବଳ କମ୍ୟୁନିଟି ପାଇଁ ରହିଥିଲା ହେଲେ ଏବେ ରେଗୁଲାର୍ ଗ୍ରୁପରେ ମଧ୍ୟ ଏହି ନୂଆ ଫିଚରର ବ୍ୟବବହାର ପାରିବେ ୟୁଜର୍ସ ।

ପ୍ରତ୍ୟେକ ଥର ପରି, ଏଥର ମଧ୍ୟ WABetaInfo ଏହି ନୂତନ ଫିଚର୍ ବିଷୟରେ ସୂଚନା ଦେଇଛି । ଏହା ସହିତ ଏକ ସ୍କ୍ରିନସଟ୍ ମଧ୍ୟ ସେୟାର କରାଯାଇଛି ଯେଉଁଥିରେ ଲେଖାଯାଇଛି, ହ୍ୱାଟ୍ସଆପ୍ ଗ୍ରୁପ୍ ଚାଟ୍ ପାଇଁ ଏକ ନୂତନ ଇଭେଣ୍ଟ ଫିଚର୍ ଆଡ କରାଯାଇଛି । ଉପଭୋକ୍ତାମାନେ ଗ୍ରୁପ୍ ଚାଟରେ ଯେ କୌଣସି ଇଭେଣ୍ଟ କ୍ରିଏଟ୍ କରିପାରିବେ ।

ଆପଣଙ୍କୁ ଇଭେଣ୍ଟର ନାମ, ବିଷୟବସ୍ତୁ, ତାରିଖ ଏବଂ ସ୍ଥାନ ବିବରଣୀ ପ୍ରଦାନ କରିବାକୁ ପଡିବ । ଏହା ସହିତ, ଆପଣ ଇଭେଣ୍ଟ ପାଇଁ ଭଏସ୍ କିମ୍ବା ଭିଡିଓ କଲ୍ ପାଇଁ ଅନ୍ୟ ଗ୍ରୁପ ସଦସ୍ୟମାନଙ୍କୁ ସୂଚିତ କରିପାରିବେ । ଏହାପୂର୍ବରୁ ହ୍ୱଟ୍ସଆପ୍ ୟୁଜର୍ସଙ୍କୁ ଏକ ନୂଆ ଫିଚର ବିଷୟରେ ସୂଚନା ଦେଇଥିଲା । ଯେଉଁଥିରେ ୟୁଜର୍ସମାନେ ଇନ୍- ଆପ୍ ଡାଏଲର୍ ପାଇବେ ଯାହା ମାଧ୍ୟମରେ ଉପଭୋକ୍ତାମାନେ ନମ୍ବର ନଥିଲେ ମଧ୍ୟ ଅଡିଓ କିମ୍ବା ଭିଡିଓ କଲିଂ କରିପାରିବେ।