ଆଖିରେ ପଟି ବାନ୍ଧି ଆଙ୍କୁଛନ୍ତି ଭଗବାନ ଗଣେଶଙ୍କ ଚିତ୍ର

Ganesh Puja 2024: ମହାରାଷ୍ଟ୍ରଠାରୁ ଆରମ୍ଭ କରି ଦେଶର ବିଭିନ୍ନ ସ୍ଥାନରେ ବେଶ୍ ବଡ଼ ଆକାରରେ ପାଳନ କରାଯାଏ ଗଣେଶ ପୂଜା । ବପ୍ପାଙ୍କ ପୂଜା ପାଇଁ ଲୋକମାନେ ବେଶ ଉତ୍ସାହର ସହ ପ୍ରସ୍ତୁତି କରିଥାନ୍ତି । ହେଲେ ଆଜି ଗଣେଶଙ୍କ ଏପରି ଜଣେ ଭକ୍ତଙ୍କ ବିଷୟରେ ଆମେ ଆପଣଙ୍କୁ ଜଣାଇବୁ ଯିଏ ଆଖି ବନ୍ଦ କରି ମଧ୍ୟ ତିଆରି କରି ପାରନ୍ତି ବପ୍ପାଙ୍କ ପ୍ରତିମା ।

ଭଗବାନ ଶିବ ନଗରୀ କାଶୀ ଗଙ୍ଗା ଘାଟ କୂଳରେ ରହୁଥିବା ବିଜୟ କୁମାରଙ୍କର ଭଗବାନ ଗଣେଶଙ୍କ ପ୍ରତି ଅଶେଷ ଭକ୍ତି ରଖିଛି । ଦଶନ୍ଧି ଧରି ନିଜର ଆକର୍ଷଣୀୟ ଚିତ୍ର ସହିତ ଦେଶ ତଥା ବିଶ୍ ବିଶ୍ୱରେ ପ୍ରସିଦ୍ଧି ଲାଭ କରିଥିବା ବିଜୟ କୁମାର, ଆଖି ବୁଜି ମଧ୍ୟ ଭଗବାନ ଗଣେଶଙ୍କ ପ୍ରତିମା ତିଆରି କରିବାର କଳା ଜାଣନ୍ତି।

ବିଜୟ କୁମାର ବାରାଣାସୀର ଆସି ଅଞ୍ଚଳରେ ରୁହନ୍ତି, ଯେଉଁଠାରେ ସେ 30 ବର୍ଷରୁ ଅଧିକ ସମୟ ଧରି ପେଣ୍ଟିଂ ଏବଂ ଅନ୍ୟାନ୍ୟ ବୃତ୍ତିଗତ କାର୍ଯ୍ୟ କରିଆସୁଛନ୍ତି । ତାଙ୍କ ନାମ ଲିମକା ବୁକ୍ ଅଫ୍ ରେକର୍ଡରେ ମଧ୍ୟ ସ୍ଥାନ ପାଇଛି । ବିଜୟ 50 ଘଣ୍ଟାରୁ ଅଧିକ ସମୟ ଧରି ଲଗାତାର ପେଣ୍ଟିଂ କରିବାର ରେକର୍ଡ କରିଛନ୍ତି । ବିଜୟ ଭଗବାନ ଗଣେଶଙ୍କର ଜଣେ ମହାନ ଭକ୍ତ। କେବଳ ଏତିକି ନୁହେଁ, ସେ ନିଜ ଆଖି ବୁଜି କିଛି କ୍ଷଣ ମଧ୍ୟରେ କାଗଜରେ ଭଗବାନ ଗଣେଶଙ୍କ ଚିତ୍ରକୁ ଆଙ୍କିବାର ମାହିର । ତେବେ ଭଗବାନ ଗଣେଶଙ୍କ ସମେତ ବିଭିନ୍ନ ଦେବାଦେବୀଙ୍କ ହଜାର ହଜାର ଚିତ୍ର ବିଜୟ ଦ୍ୱାରା ପ୍ରସ୍ତୁତ କରାଯାଇଛି।

ଗଣେଶ ପୂଜା 7 ସେପ୍ଟେମ୍ବରରୁ ଆରମ୍ଭ ହୋଇ 17 ସେପ୍ଟେମ୍ବର ପର୍ଯ୍ୟନ୍ତ ସାରା ଦେଶରେ ପାଳନ କରାଯିବ। ମୁଖ୍ୟତଃ 10 ଦିନ ଧରି ଏହି ପୂଜାକୁ ଉତ୍ସାହର ସହ ଭକ୍ତମାନେ ପାଳନ କରନ୍ତି । ଏଥର ବାରାଣାସୀରେ ମଧ୍ୟ ଭଗବାନ ଗଣେଶଙ୍କ ପୂଜା ନେଇ ଅନେକ ଉତ୍ସାହ ଦେଖିବାକୁ ମିଳୁଛି। ଲୋକମାନେ ବଜାରରୁ ପ୍ରତିମା କିଣୁଛନ୍ତି ଏବଂ ରୀତିନୀତି ଅନୁଯାୟୀ ଏହାକୁ ନିଜ ଘରେ ସ୍ଥାପନ କରୁଛନ୍ତି । ତେବେ ଏଥର ଗଣେଶ ପୂଜାର ବିଶେଷ ମହିମା ମହାରାଷ୍ଟ୍ର ତଥା ଧାର୍ମିକ ସହର କାଶୀରେ ମଧ୍ୟ ଦେଖାଯିବ।