UPI Service Down: ଗୋଟିଏ ସପ୍ତାହରେ ଦ୍ୱିତୀୟ ଥର ପାଇଁ UPI Service ହେଲା ଡାଉନ୍

UPI Service Down: ବୁଧବାର ଦିନ ସାରା ଦେଶରେ ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (UPI) ସେବାରେ ଏକ ବିଭ୍ରାଟ ଦେଖାଦେଇଛି, ଯାହା ଫଳରେ ଅନେକ ଉପଭୋକ୍ତା ଡିଜିଟାଲ୍ ପେମେଣ୍ଟ କରିବାରେ ସମସ୍ୟାର ସମ୍ମୁଖୀନ ହୋଇଛନ୍ତି । ଗୋଟିଏ ସପ୍ତାହ ମଧ୍ୟରେ ଦ୍ୱିତୀୟ ଥର ପାଇଁ ୟୁପିଆଇ ସର୍ଭର ଡାଉନ୍ ହୋଇଛି । ପୂର୍ବରୁ ମାର୍ଚ୍ଚ 26 ତାରିଖରେ ମଧ୍ୟ UPI'ରେ ପେମେଣ୍ଟ କରିବାରେ ସମସ୍ୟାର ସମ୍ମୁଖୀନ ହୋଇଥିଲା।

ସୂଚନା ଅନୁସାରେ, ବୁଧବାର ରାତି 8ଟା ପର୍ଯ୍ୟନ୍ତ 449 ରୁ ଅଧିକ ଅଭିଯୋଗ କରାଯାଇଛି । ପ୍ରାୟ 53 ପ୍ରତିଶତ ୟୁଜର୍ସ ଟଙ୍କା ପଠାଇବାରେ ସମସ୍ୟା ହେଉଥିବାର ଅଭିଯୋଗ ହୋଇଛି । ସୋସିଆଲ ମିଡିଆ ପ୍ଲାଟଫର୍ମ X ରେ ଅନେକ ୟୁଜର୍ସ ଏହି ସର୍ଭର ଡାଉନ୍ ଉପରେ ନିଜର ଅସନ୍ତୋଷ ପ୍ରକାଶ କରିଛନ୍ତି।

ଜଣେ ବ୍ୟବହାରକାରୀ ଲେଖିଛନ୍ତି, "UPI ପୁଣି ଥରେ ବନ୍ଦ ହୋଇଯାଇଛି। ପେମେଣ୍ଟ ନିୟାମକ NPCI କହିଥିଲା ​​ଯେ ବୈଷୟିକ ସମସ୍ୟା ଯୋଗୁଁ UPI ଆଂଶିକ ଭାବରେ ବନ୍ଦ ଥିଲା, ଯାହା ପରେ ସମାଧାନ କରାଯାଇଛି । UPI ପ୍ଲାଟଫର୍ମ ହେଉଛି PhonePe, Google Pay ଏବଂ Paytm।

ଦିନକୁ ଦିନ UPIର ୟୁଜର୍ସଙ୍କ ସଂଖ୍ୟା ବଢିବାରେ ଲାଗିଛି । ଏପରି ସ୍ଥିତିରେ ବାରମ୍ବାର ସର୍ଭର ଡାଉନ ହେବା ଦ୍ୱାରା ଲୋକଙ୍କୁ ନା ନା ଅସୁବିଧାର ସମ୍ମୁଖୀନ ହେବା ପାଇଁ ପଡୁଛି ।