ଭିଡ଼ରୁ ଦୂରରେ ବୁଲି ଯାଆନ୍ତୁ ଏହି ଅଫ୍ ବିଟ ହିଲ୍ ଷ୍ଟେସନ

ପାହାଡିଆ ଅଞ୍ଚଳ ବୁଲିବା କାହାକୁ ବା ପସନ୍ଦ ନୁହେଁ। ଏଠିକାର ପ୍ରାକୃତିକ ପରିବେଶ ମନକୁ ଶାନ୍ତ କରିଦିଏ। କିନ୍ତୁ ଭାରତର ଅଧିକ ହିଲ୍ ଷ୍ଟେସନ ପର୍ଯ୍ୟଟକରେ ଭରି ରହିଥାଏ। କିନ୍ତୁ ଏପରି କିଛି ଜାଗା ଅଛି ଯେଉଁଠି ଆପଣଙ୍କୁ ବହୁତ୍ ଶାନ୍ତି ମିଳିବ।

Published: Friday, August 5, 2022, 16:46 [IST]

ମୁମ୍ବାଇ: ପାହାଡିଆ ଅଞ୍ଚଳ ବୁଲିବା କାହାକୁ ବା ପସନ୍ଦ ନୁହେଁ। ଏଠିକାର ପ୍ରାକୃତିକ ପରିବେଶ ମନକୁ ଶାନ୍ତ କରିଦିଏ। କିନ୍ତୁ ଭାରତର ଅଧିକ ହିଲ୍ ଷ୍ଟେସନ ପର୍ଯ୍ୟଟକରେ ଭରି ରହିଥାଏ। କିନ୍ତୁ ଏପରି କିଛି ଜାଗା ଅଛି ଯେଉଁଠି ଆପଣଙ୍କୁ ବହୁତ୍ ଶାନ୍ତି ମିଳିବ। ଲୋକଙ୍କ ଭିଡ ମଧ୍ୟ ନଥିବ। ତେବେ ଆସନ୍ତୁ ଜାଣିବା କେଉଁଠି ରହିଛି ଏହି ହିଲ୍ ଷ୍ଟେସନ।

ଲୋନାର :

କୁହାଯାଏ ମହାରାଷ୍ଟ୍ରର ଲୁନାର ଝିଲ ବା ଲୁନାର ହ୍ରଦ କୌଣସି ଏକ ଉଲ୍କାପିଣ୍ଡ ପଡ଼ିବା ପରେ ସୃଷ୍ଟି ହୋଇଛି। ଆଉ ହ୍ରଦ ଚାରିପାଖେ ସବୁଜୀମାରେ ଭରପୁର। ନିକଟରେ ପୁରୁଣା ମନ୍ଦିର । କୁହାଯାଏ ଏହି ମନ୍ଦିର ଦ୍ବୟ ଷଷ୍ଠ ଓ ଦ୍ଵାଦଶ ଶତାବ୍ଦୀରେ ନିର୍ମାଣ କରାଯାଇଛି ।
ଏଠାରେ ଆପଣ ବାର୍ଡ ୱାଚିଂ, ଫୋଟୋଗ୍ରାଫି, ଆଉଟ୍ ଡୋର କ୍ୟାମ୍ପିଂ ଏବଂ କିଛି ସ୍ମାରକ ବୁଲାବୁଲି କରି ପାରିବେ। ଏହି ଜାଗା ଟି ପୁନେ ଠାରୁ ମାତ୍ର 390 କିଲୋମିଟର ଦୂରରେ।

ସିଂହଗଡ:

ଏହା ଏପରି ଏକ ସ୍ଥାନ, ଯେଉଁଠି ଆପଣଙ୍କ ଗାଁର ସମ୍ପୂର୍ଣ୍ଣ ମଜା ନେଇ ପାରିବେ। ମନଲୋଭା ପ୍ରାକୃତିକ ପରିବେଶ ଏଠିକି ଆସିବା ପାଇଁ ଲୋକଙ୍କୁ ବେଶୀ ଆକର୍ଷିତ କରିଥାଏ। ଏଠାରେ ଆପଣ ଟ୍ରେକିଂ , କ୍ୟାମ୍ପିଙ୍ଗ ଆଦି କରିପାରିବେ । ପୁଣେରୁ ମାତ୍ର 37 କିଲୋମିଟର ଦୂରରେ ଅବସ୍ଥିତ ଏହି ସ୍ଥାନ । ପୂର୍ବରୁ ପ୍ଲାନ ନକରି ହଠାତ ଆପଣ ଏହି ଜାଗାକୁ ଆସି ମନ ଶାନ୍ତିରେ ବୁଲାବୁଲି କରିପାରିବେ ।

ହରିହରେଶ୍ବର:

ଏଠାରେ ଆପଣ ବିଚ ସାଇଟ କ୍ୟାମ୍ପିଙ୍ଗର ମଜା ନେଇ ପାରିବେ । ୱିକେଣ୍ଡରେ ଯାଇ ମନଇଛା ମସ୍ତି କରିପାରିବେ । ପରିବାର ଏବଂ ସାଙ୍ଗସାଥିଙ୍କ ସହିତ ଏହି ସ୍ଥାନକୁ ବୁଲି ଯାଇପାରିବେ । ୱାଟର ସ୍ପୋର୍ଟ୍ସ ମଧ୍ୟ କରିପାରିବେ । ଏହା ପୁଣେରୁ 190 କିଲୋମିଟର ଦୂରରେ ଅବସ୍ଥିତ । ଆପଣ ଏଠାକୁ ଟ୍ରେନ କିମ୍ବା ବସ ସାହାଯ୍ୟରେ ପହଞ୍ଚିପାରିବେ ।
ରାଜମଚୀ:

ଆବଡା ଖାବଡା ପାହାଡିଆ ରାସ୍ତାରେ ଆଗକୁ ଯିବା ପରେ ଏଠାରେ ରହିଛି ଅନେକ ଗୁମ୍ଫା। ଭିଡ ଜାଗାରୁ ବାହାରିବା ପାଇଁ ହେଲେ ଏହି ସ୍ଥାନକୁ ବୁଲିବା ପାଇଁ ନିଶ୍ଚୟ ଆସନ୍ତୁ । ଦେଖିବେ ଆପଣଙ୍କୁ ନିଶ୍ଚୟ ପସନ୍ଦ ଆସିବ । ଏଠାରେ ଟ୍ରେକିଂ ସହିତ ଆପଣ ସଫାରୀ,ବାର୍ଡ ୱାଚିଂ ସହିତ ଫଟୋଗ୍ରାଫି କରିପାରିବେ । ଏହି ସ୍ଥାନଟି ୱାଇଲ୍ଡ ଫଟୋଗ୍ରାଫର ମାନଙ୍କର ପସନ୍ଦ ନିଶ୍ଚୟ ଆସିବ । କାରଣ ଶାନ୍ତ ପରିବେଶ ସହିତ ପକ୍ଷୀଙ୍କର ଦୈନନ୍ଦିନ ଜୀବନକୁ ନିଜ କ୍ୟାମେରା ଲେନ୍ସରେ କଏଦ କରିବାରେ ସହଜ ହେବ ଫଟୋଗ୍ରାଫରଙ୍କୁ । ଏହି ସ୍ଥାନ ପୁଣେ ଠାରୁ 80 କିଲୋମିଟର ଦୂରରେ ଅବସ୍ଥିତ । ସାଧାରଣତଃ ଯୁବପିଢି ବାଇକ ମାଧ୍ୟରେ ଅନେକ ସ୍ଥାନରୁ ଏଠାକୁ ଆସିଥାନ୍ତି । କିନ୍ତୁ ଏଠାରେ ପହଞ୍ଚିବା ପାଇଁ ଟ୍ରେନ ଏବଂ ବସର ସାହାଯ୍ୟ ନେଇ ପାରିବେ ପର୍ଯ୍ୟଟକ ।

ଲେନୌଦ୍ରୀ

ସୁନ୍ଦର ମନଲୋଭା ସବୁଜ ବନାନୀ ଭିତରେ ରହିଛି ଏହି ଛୋଟ ହ୍ରଦଟିଏ । ନିକଟରେ ରହିଛି ପ୍ରସିଦ୍ଧ ଅଷ୍ଟବିନାୟକ ମନ୍ଦିର । ଏଠାରେ ଆପଣ ଆଉଟଡୋର କ୍ୟାମ୍ପିଙ୍ଗ, ଟ୍ରେକିଂ ଏବଂ ଫଟୋଗ୍ରାଫି କରି ସମୟ ବିତାଇ ପାରିବେ । ଏଠାକୁ ଯିବାକୁ ହେଲେ ପ୍ରଥମେ ଆପଣଙ୍କୁ ଟ୍ରେନରେ ପୁଣେ ପହଞ୍ଚିବା ପାଇଁ ହେବ । ଏହାପରେ ଆପଣ ମୋଟରସାଇକେଲ କିମ୍ବା କାରରେ 90 କିଲୋମିଟର ଦୂରରେ ଅବସ୍ଥିତ ଏହି ସ୍ଥାନରେ ପହଞ୍ଚି ପାରିବେ ।

Published On August 5, 2022