ଧରାବତରଣ କରିବେ ପ୍ରଭୁ ଯୀଶୁ, ସବୁଆଡେ ଉତ୍ସବର ମାହୋଲ

Christmas 2024: ରାତି ପାହିଲେ ପବିତ୍ର ବଡଦିନ ଅର୍ଥାତ ଖ୍ରୀଷ୍ଟମାସ । ପ୍ରଭୁ ଯୀଶୁଙ୍କ ଜନ୍ମଦିନି । ଖ୍ରୀଷ୍ଟ ଧର୍ମରେ ସବୁଠାରୁ ପବିତ୍ର ମନେ କରାଯାଇଥାଏ ଏହି ଦିନକୁ। ଶାନ୍ତି, ଐକ୍ୟ ଓ ପ୍ରେମର ବାର୍ତ୍ତା ନେଇ ୨୪ ତାରିଖ ମଧ୍ୟରାତ୍ରୀରେ ଧରାବତରଣ କରିଥାନ୍ତି ପ୍ରଭୁ ଯୀଶୁ। ଧରାପୃଷ୍ଠରେ ପ୍ରଭୁଙ୍କ ସ୍ୱାଗତ ଲାଗି ଚର୍ଚ୍ଚଗୁଡ଼ିକ ଆଲୋକମାଳାରେ ସଜ୍ଜାଯିବା ସହ ସାରା ବିଶ୍ୱ ବର୍ତ୍ତମାନ ଉତ୍ସାହର ମାହୋଲ ।

ରାଜ୍ୟର ସମସ୍ତ ଚର୍ଚ୍ଚକୁ ରଙ୍ଗ ବେରଙ୍ଗ ଲାଇଟରେ ସଜା ଯାଇଛି । ସେହିପରି ଖ୍ରୀଷ୍ଟ ଧର୍ମର ଲୋକଙ୍କ ଘରେ ସାଜସଜ୍ୱା କରାଯାଇଛି ଏବଂ ଆସନ୍ତାକାଲି ପାଇଁ ସୁସ୍ୱାଦ ଖାଦ୍ୟ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ଭୁବନେଶ୍ୱର, ରେଉରକେଲା, କନ୍ଧମାଳ ପରି ବିଭିନ୍ନ ଚର୍ଚ୍ଚରେ ପ୍ରଭୁ ଯୀଶୁଙ୍କ ସ୍ୱାଗତ ପାଇଁ ବ୍ୟାପକ ବନ୍ଦୋବସ୍ତ କରାଯାଇଛି ।

ଧରାପୃଷ୍ଠରେ ପ୍ରଭୁଙ୍କ ସ୍ୱାଗତ ଲାଗି ଚର୍ଚ୍ଚଗୁଡ଼ିକ ଆଲୋକମାଳାରେ ସଜ୍ଜାଯିବା ସହ ସାରା ବିଶ୍ୱ ଆଜିଠୁ ଉତ୍ସବମୁଖର । ଡିସେମ୍ବର ୨୫ରେ ଖ୍ରୀଷ୍ଟିଆନ ଧର୍ମର ଭଗବାନ ଯୀଶୁଙ୍କ ଜନ୍ମ ହୋଇଥିଲା । ଏଥିପାଇଁ ସମଗ୍ର ବିଶ୍ୱରେ ଖ୍ରୀଷ୍ଟିଆନ ଧର୍ମର ଅନୁଗାମୀମାନେ ୨୫ ଡିସେମ୍ବରରେ ପ୍ରଭୁ ଯୀଶୁଙ୍କ ଜନ୍ମଦିନ ପାଳନ କରନ୍ତି । ହେଲେ ବର୍ତ୍ତମାନ ସମସ୍ତ ଧର୍ମର ଲୋକମାନେ ଖ୍ରୀଷ୍ଟମାସ ପାଳନ କରନ୍ତି । ଏହି ଦିନ ଚର୍ଚ୍ଚକୁ ରଙ୍ଗବେରଙ୍ଗୀ ଲାଇଟ୍‌ରେ ସଜାଇବା ସହ ପ୍ରାର୍ଥନା କରାଯାଏ । ଲୋକମାନେ ଉପହାର ଏବଂ ମିଠା ଦେଇ ପରସ୍ପରକୁ ଶୁଭ ଖ୍ରୀଷ୍ଟମାସ କାମନା କରନ୍ତି ।