ଏହି ଚାଷୀମାନେ ନିଶ୍ଚୟ କରନ୍ତୁ ଫସଲ ବୀମା ଯୋଜନା
PM Fasal Bima Yojana: ୨୦୧୬ ମସିହାରୁ ଭାରତ ସରକାର ଫସଲ ବୀମା ଯୋଜନା ଆରମ୍ଭ କରିଛନ୍ତି। ଯେଉଁଥିରୁ ଲକ୍ଷ ଲକ୍ଷ ଚାଷୀ ଉପକୃତ ହେଉଛନ୍ତି । ଭାରତ ଏକ କୃଷି ପ୍ରଧାନ ଦେଶ। ଦେଶର ମୋଟ ଜନସଂଖ୍ୟାର ଏକ ବଡ଼ ଅଂଶ ଚାଷ ଉପରେ ନିର୍ଭରଶୀଳ । ହେଲେ ଚାଷୀମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ମଧ୍ୟ ପଡିଥାଏ ।
ତେବେ ମୋଦି ସରକାର ଦେଶର କୃଷକମାନଙ୍କ ପାଇଁ ଅନେକ ପ୍ରକାରର ଯୋଜନା ଆଣିଛନ୍ତି । ଦେଶର କୋଟି କୋଟି ଚାଷୀ ଏହି ଯୋଜନାରୁ ଉପକୃତ ହେଉଛନ୍ତି । ସରକାର ଚାଷୀଙ୍କ ବିଭିନ୍ନ ଆବଶ୍ୟକତାକୁ ଦୃଷ୍ଟିରେ ରଖି ଯୋଜନା ରଖିଛନ୍ତି ।
ପ୍ରାକୃତିକ ବିପର୍ଯ୍ୟୟ ଯୋଗୁଁ ଚାଷୀଙ୍କ ଫସଲ ନଷ୍ଟ ହୋଇଯାଇଥାଏ ଯେଉଁଥି ପାଇଁ ଚାଷୀମାନଙ୍କୁ ଆର୍ଥିକ କ୍ଷତି ସହିବାକୁ ପଡ଼ିଥାଏ ଏପରିକି ଅନେକ କୃଷକ କରଜରେ ବୁଡି ରହିଥାନ୍ତି ଏବଂ ଫସଲ ନଷ୍ଟ ହେଲେ ଏହାକୁ ସହ୍ୟ ନ କରି ପାରିବେ ଆତ୍ମହତ୍ୟା ପରି ଚରମ ନିଷ୍ପତ୍ତି ନେଇଥାନ୍ତି ।
ଚାଷୀଙ୍କ ସମସ୍ୟାକୁ ଦୃଷ୍ଟିରେ ରଖି ସରକାର ଅନେକ ଯୋଜନା ଆଣିଛନ୍ତି । ଭାରତ ସରକାର ୨୦୧୬ ମସିହାରେ ଫସଲ ବୀମା ଯୋଜନା ଆରମ୍ଭ କରିଥିଲେ। ଏହି ଯୋଜନା ଅଧୀନରେ, ଭାରତ ସରକାର ଫସଲ ନଷ୍ଟ ହେଲେ ଚାଷୀମାନଙ୍କୁ ବୀମା ପ୍ରଦାନ କରନ୍ତି ।
ଯେଉଁ ଚାଷୀମାନେ କ୍ଷୁଦ୍ର ସ୍ତରରେ ଚାଷ କରନ୍ତି, ସେମାନେ ନିଶ୍ଚିତ ଭାବରେ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ଲାଭ ଉଠାଇ ପାରିବେ । ଏହି ଯୋଜନା ସୀମାନ୍ତ ଚାଷୀଙ୍କ ପାଇଁ ବହୁତ ଲାଭଦାୟକ । କାରଣ ଯଦି ସେମାନଙ୍କର ଫସଲ ନଷ୍ଟ ହୋଇଯାଏ ତେବେ ସରକାର ଏହାର କ୍ଷତିପୂରଣ ଦେବେ।
ଯେଉଁ ଚାଷୀମାନେ ଭାଗଚାଷ କରନ୍ତି ବା ଯେଉଁମାନଙ୍କର ନିଜସ୍ୱ ଜମି ନାହିଁ ସେମାନେ ମଧ୍ୟ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ଲାଭ ଉଠାଇପାରିବେ। ତେଣୁ ଯେଉଁମାନେ ଚାଷ ପାଇଁ ଋଣ ନେଇଛନ୍ତି। ସେମାନଙ୍କ ପାଇଁ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଅଧୀନରେ ଆବେଦନ କରିବା ମଧ୍ୟ ଆବଶ୍ୟକ।
ଫସଲ ବୀମା ମାଧ୍ୟମରେ, ବନ୍ୟା, ମରୁଡ଼ି, କୁଆପଥର ବର୍ଷା, ଘୂର୍ଣ୍ଣିଝଡ଼ ଏବଂ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ଯୋଗୁଁ ଫସଲ କ୍ଷତି ହେଲେ, ସରକାର ଏହାର କ୍ଷତିପୂରଣ ଦିଅନ୍ତି। ତେଣୁ, ପ୍ରଧାନମନ୍ତ୍ରୀ ଫସଲ ବୀମା ଯୋଜନା ପାଇଁ ଆବେଦନ କରିବା ଏକ ଉତ୍ତମ ପଦକ୍ଷେପ ।
Click it and Unblock the Notifications
Sign in with Google