କମୁଛି ପାରଦ, ବଢୁଛି ଶୀତ: 5 ସହରରେ ତାପମାତ୍ରା 15 ଡିଗ୍ରୀ ତଳେ

ପାଞ୍ଚ ସହରରେ ତାପମାତ୍ରା 15 ଡିଗ୍ରା ତଳେ

ଭୁବନେଶ୍ୱର : ରାଜ୍ୟରେ ଦିନକୁ ଦିନ ପାରଦ ଖସିବାରେ ଲାଗିଛି । ଏଥିସହ ଅନେକ ସ୍ଥାନରେ ଶୀତର ଲହରୀ ଆରମ୍ବ ହୋଇଛି । ଭୁବନେଶ୍ୱରର ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା ଅନୁସାରେ ରାଜ୍ୟର 5ଟି ସହରର ତାପମାତ୍ରା 15 ଡିଗ୍ରୀ ତଳେ ରେକର୍ଡ କରାଯାଇଛି । ଯେଉଁଥିରେ ସୋନପୁର ସବୁଠାରୁ କମ୍ 11.8 ଡିଗ୍ରୀ ରେକର୍ଡ କରାଯାଇଛି । ଉତ୍ତର ଓ ଉତ୍ତର ପଶ୍ଚିମ ଦିଗରୁ ଥଣ୍ଡା ଓ ଶୁଷ୍କ ବାୟୁ ଓଡିଶା ମଧ୍ୟକୁ ପ୍ରବେଶ କରୁଥିବାରୁ ତାପମାତ୍ରା କ୍ରମାଗତ ଭାବେ କମୁଥିବା ପାଣିପାଗ ବିଶେଷଜ୍ଞମାନେ କହିଛନ୍ତି ।

ତେବେ ଓଡିଶାକୁ ପ୍ରବେଶ କରୁଥିବା ଶୁଷ୍କ ବାୟୁ ପ୍ରଭାବରେ ଉତ୍ତର ଓଡିଶାର ଜିଲ୍ଲା ଗୁଡିକରେ ତାପମାତ୍ରା 2ରୁ 3 ଡିଗ୍ରୀ ତଳକୁ ଖସିବା ସଂଭାବନା ରହିଛି । ସେହିପରି ସୋନପୁର ତଳକୁ ଅନୁଗୁଳ 12.6 ଡିଗ୍ରୀ, ଦାରିଙ୍ଗିବାଡି 14.0 ଡିଗ୍ରୀ, ଝାରସୁଗୁଡା 14.1 ଡିଗ୍ରୀ, ଓ କେନ୍ଦୁଝରର ତାପମାତ୍ରା 15.0 ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି । ଭୁବନେଶ୍ୱରର ତାପମାତ୍ରା 20.6 ଡିଗ୍ରୀ ସେଲସିୟସ ରେକର୍ଡ କରାଯାଇଛି ।

English summary

Temperature Decrees in Odisha Five City