ପାରଦ ଖସୁଛି ତଳକୁ ତଳକୁ : 11 ସହରର ତାପମାତ୍ରା 15 ଡିଗ୍ରୀ ତଳେ

11 ସହରର ତାପମାତ୍ରା 15 ଡିଗ୍ରୀ ତଳେ

ଭୁବନେଶ୍ୱର : ରାଜ୍ୟରେ ଲଗାତାର ଭାବରେ ତାପମାତ୍ରା କମିବାରେ ଲାଗିଛି । ଗତ ଶନିବାର ପାଞ୍ଚଟି ସହରର ତାପମାତ୍ରା 15 ଡିଗ୍ରୀ ତଳେ ରହିଥିଲା । ଆଜି 11ଟି ସହରର ତାପମାତ୍ରା 15 ଡିଗ୍ରୀ ତଳେ ରହିଛି । ସୋନପୁରରେ ତାପମାତ୍ରା 9.6 ଡିଗ୍ରୀ ରହିଛି ।

ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ରରୁ ମିଳିଥିବା ସୂଚନା ଅନୁସାରେ ଫୁଲବାଣୀ 10.5, ଦାରିଙ୍ଗିବାଡି 10.5, ଅନୁଗୁଳରେ 11.0, କୋରାପୁଟରେ 11.6, ଭବାନୀପାଟଣାରେ 12.2, ଝାରସୁଗୁଡାରେ 13.0, କେନ୍ଦୁଝରରେ 13.8, ବାରିପଦାରେ 14.2, ବଲାଙ୍ଗିରରେ 14.6, ସମ୍ବଲପୁରରେ 14.7 ତାପମାତ୍ରା ରେକର୍ଡ କରାଯାଇଛି । ସେହିପରି ଭୁବନେଶ୍ୱରରେ ତାପମାତ୍ରା 18.0 ଡିଗ୍ରା ରହିଥିବା ବେଳେ କଟକରେ 16.8 ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଆସନ୍ତା 9 ତାରିଖରୁ ତାପମାତ୍ରାରେ ପରିବର୍ତ୍ତନ ହେବ । ଏଥିସହ ଅନେକ ସ୍ଥାନରେ ତାପମାତ୍ରା ବଢିବ ବୋଲି ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।

English summary

Temperature Decrees in Odisha Eleven City