ନୂଆ ବର୍ଷରେ ୩.୫୦ ଲକ୍ଷ ବିରିୟାନୀ ଡେଲିଭର କଲା 'ସ୍ୱିଗି'
ନୂଆ ବର୍ଷରେ ୩.୫୦ ଲକ୍ଷ ବିରିୟାନୀ ଡେଲିବର କଲା 'ସ୍ୱିଗି'
ନୂଆଦିଲ୍ଲୀ: ନୂତନ ବର୍ଷ ଆରମ୍ଭ ପୂର୍ବରୁ, ଖାଦ୍ୟ ବିତରଣ କମ୍ପାନୀ 'ସ୍ୱଗି' ୩୧ ଡିସେମ୍ବର ସନ୍ଧ୍ୟା ସୁଦ୍ଧା ୩.୫୦ ଲକ୍ଷ ବିରିୟାନୀ ବିତରଣ କରି ସାରିଥିଲା । ନୂଆ ବର୍ଷ ଅବସରରେ, ଲକ୍ଷ ଲକ୍ଷ ଅର୍ଡର ପାଇବା ପରେ 'ସ୍ୱିଗି'ର ବିରିୟାନୀ ପ୍ୟାକେଟ୍ ଗ୍ରାହକଙ୍କୁ ବହୁ ପରିମାଣରେ ବିତରଣ କରାଯାଇଥିଲା । ସ୍ୱିଗି ଦେଇଥିବା ସୂଚନା ଅନୁସାରେ, ହାଇଦ୍ରାବାଦ ବିରିୟାନୀର ଡିମାଣ୍ତ ଅଧିକ ରହିଥିଲା । ଟ୍ୱିଟରରେ କରାଯାଇଥିବା ସର୍ଭେ ଆଧାରରେ କମ୍ପାନୀ ଏହି ଦାବି କରିଛି ।
'ସ୍ୱିଗି' ସର୍ବେକ୍ଷଣ ଅନୁଯାୟୀ, କମ୍ପାନୀର ହାଇଦ୍ରାବାଦ ବିରିୟାନୀ ପାଇଁ ୭୫.୪% ଅର୍ଡର ଆସିଥିଲା, ଏହା ପରେ ଲକ୍ଷ୍ନୌ ବିରିୟାନୀ ପାଇଁ ୧୪.୨% ସେହିପରି କୋଲକାତା ବିରିୟାନୀ ପାଇଁ ୧୦.୪% । କମ୍ପାନୀ ସୂତ୍ର ଅନୁଯାୟୀ, ଖାଦ୍ୟ ବିତରଣ ଆପ୍ ସ୍ୱିଗି ଶନିବାର ଦିନ ୩.୫୦ ଲକ୍ଷ ବିରିୟାନି ବିତରଣ କରିସାରିଛି ଏବଂ ରାତି ୧୦.୨୫ ପର୍ଯ୍ୟନ୍ତ ୬୧ ହଜାରରୁ ଅଧିକ ପିଜା ବିତରଣ କରାଯାଇଥିଲା । ନ୍ୟୁଜ୍ ଏଜେନ୍ସି PTI-Bhasha ଏହି ସୂଚନା ପ୍ରକାଶ ପାଇଛି ।
ସ୍ୱିଗି ଏହା ମଧ୍ୟ ସୂଚନା ଦେଇଛି ଯେ, ୩୧ ଡିସେମ୍ବର ୨୦୨୨ ଶନିବାର ଦିନ ସନ୍ଧ୍ୟା ୭ ଟା ସୁଦ୍ଧା ସ୍ୱିଗି ଇନଷ୍ଟାମାର୍ଟରେ ୧.୭୬ ଲକ୍ଷ ପ୍ୟାକେଟ୍ ଚିପ୍ସ ଅର୍ଡର କରାଯାଇଛି । କମ୍ପାନୀ କହିଛି ଯେ ଶନିବାର ଦିନ ସନ୍ଧ୍ୟା ୭.୨୦ ରେ ସେମାନଙ୍କର ଆପ୍ ବିରିୟାନୀର ୧.୬୫ ଲକ୍ଷ ଅର୍ଡର ପ୍ରଦାନ କରିଛି । ସ୍ୱିଗି ଅଧିକାରୀମାନେ ଦାବି କରିଛନ୍ତି ଯେ ସେମାନଙ୍କ କମ୍ପାନୀର ଆପରୁ ନୂତନ ବର୍ଷ (2023 ର ପୂର୍ବରୁ) ରେ ସର୍ବାଧିକ ସଂଖ୍ୟକ ବିରିୟାନୀ ବିତରଣ କରାଯାଇଥିଲା ।