2025 ମହଙ୍ଗା ହେବ ସ୍ମାର୍ଟଫୋନ୍ !

Smartphones Price Hike: ସାରା ବିଶ୍ୱରେ ବୃଦ୍ଧି ପାଉଛି ସ୍ମାର୍ଟଫୋନ୍ ଚାହିଦା । ପ୍ରାୟ ପ୍ରତ୍ୟେକ ଦିନ ଅନେକ କମ୍ପାନୀ ନୂଆ ନୂଆ ସ୍ମାର୍ଟଫୋନ୍ ମାର୍କେଟରେ ଲଞ୍ଚ୍ କରୁଛନ୍ତି । ହେଲେ ମାର୍କଟରେ ବଢୁଥିବା ଚାହିଦାକୁ ନଜରରେ ରଖି ଆସନ୍ତା ବର୍ଷ ଅର୍ଥାତ୍ ୨୦୨୫ରେ ସ୍ମାର୍ଟଫୋନ୍ ଆହୁରି ମହଙ୍ଗା ହୋଇପାରେ । ଏହା ପଛରେ ତିନୋଟି ବଡ କାରଣ ରହିଛି। ଯେପରି ଧିରେ ଧିରେ AI ର ବ୍ୟବହାର ବଢୁଛି । ବଡ ଟେକ୍ କମ୍ପାନୀଗୁଡିକ AI ଉପରେ ଅଧିକ ଗୁରୁତ୍ୱ ଦେଉଛନ୍ତି । ଏହା ହିଁ ଫୋନର ମୂଲ୍ୟ ବୃଦ୍ଧି ପାଇବାର ମୁଖ୍ୟ କାରଣ ହୋଇପାରେ ।

2025 ମସିହାରେ ସ୍ମାର୍ଟଫୋନର ମୂଲ୍ୟ ବୃଦ୍ଧି ପଛରେ ତିନୋଟି କାରଣ ରହିଛି । ପ୍ରଥମତଃ ଭଲ ଉପାଦାନଗୁଡ଼ିକର ମୂଲ୍ୟ ବୃଦ୍ଧି, ଦ୍ୱିତୀୟରେ, 5G ନେଟୱାର୍କର ଆଗମନ ହେତୁ ଖର୍ଚ୍ଚରେ ବୃଦ୍ଧି ଏବଂ ତୃତୀୟରେ, AI'ର ବ୍ୟବହାର ବୃଦ୍ଧି । କାଉଣ୍ଟରପଏଣ୍ଟ ରିସର୍ଚ୍ଚ ଅନୁଯାୟୀ ସ୍ମାର୍ଟଫୋନର ହାରାହାରି ମୂଲ୍ୟ 2024 ରେ 3% ଏବଂ 2025 ରେ 5% ବୃଦ୍ଧି ହୋଇପାରେ। ଏହାର କାରଣ ହେଉଛି ଲୋକମାନେ ବର୍ତ୍ତମାନ ଅଧିକ ଶକ୍ତିଶାଳୀ ପ୍ରୋସେସର୍ ଏବଂ ଏଇ ସହିତ ମହଙ୍ଗା ଫୋନ୍ କିଣିବାରେ ଅଧିକ ରୁଚି ରଖୁଛନ୍ତି ।

ଜେନେରେଟିଭ୍ AI ହେତୁ ସ୍ମାର୍ଟଫୋନ୍ ମହଙ୍ଗା ହେଉଛି । ଆଜି ତାରିଖରେ ଲୋକେ ଏଧିକ AI"ଫିଚରକୁ ପସନ୍ଦ କରନ୍ତି ।
ତେଣୁ, ସ୍ମାର୍ଟଫୋନ୍ ଉତ୍ପାଦନକାରୀ କମ୍ପାନୀଗୁଡିକ ଅଧିକ ଶକ୍ତିଶାଳୀ CPU, NPU ଏବଂ GPU ସହିତ ଚିପ୍ସ ପ୍ରସ୍ତୁତ କରୁଛନ୍ତି ।ଏହି ଚିପ୍ସର ମୂଲ୍ୟ ସାଧାରଣତଃ ବହୁତ ଅଧିକ ରହିଛି । ଯେଉଁଥିପାଇଁ ଫୋନର ମୂଲ୍ୟ ମଧ୍ୟ ବଢିବାର ଆଶଙ୍କା ରହିଛି ।

ଟେକ୍ନୋଲୋଜି ଅଗ୍ରଗତି କରୁଥିବାରୁ ସ୍ମାର୍ଟଫୋନକୁ ମଧ୍ୟ ଅପଗ୍ରେଡ୍ କରାଯାଉଛି ।ଏଭଳି ପରିସ୍ଥିତିରେ ମୂଲ୍ୟ ବୃଦ୍ଧି ସହିତ ଭଲ ଫୋନ୍ ମଧ୍ୟ ବଜାରକୁ ଆସୁଛି। ଏଥିରେ ଏକ ଉତ୍ତମ କ୍ୟାମେରା ଏବଂ ଅଧିକ ଫିଚର୍ ରହୁଛି । ତେବେ ଆଗାମୀ ଦିନରେ ଭଲ ଫୋନ ସାଙ୍ଗକୁ ଉଚ ଦରରେ ସ୍ମାର୍ଟଫୋନ୍ ମାର୍କେଟକୁ ଆସିବାର ସମ୍ଭାବନା ରହିଛି ।

English summary

Smartphones may become expensive in the year 2025.