ଗୁମର ଖୋଲିଲେ ରବିନ୍ଦ୍ର ସେଠୀ : ସାରୁଅ ଜମି ଦୁର୍ନୀତି ନେଇ ଦେଲେ ବିସ୍ଫୋରକ ବୟାନ

ଓଡିଶା ଇନଫ୍ରାଟେକ୍ ପ୍ରାଇଭେଟ୍ ଲିମିଟେଡ୍ ତାଙ୍କ ନାଁରେ ବେଆଇନ୍ ଭାବରେ ସାରୁଅ ଜମି କିଣିଥିବା ରବିନ୍ଦ୍ର ଜାରି କରିଥିବା ଭିଡିଓରେ କହିଛନ୍ତି ।

ଭୁବନେଶ୍ୱର : ଖୋର୍ଧା ସାରୁଅ ଜମି ଦୁର୍ନୀତି ନେଇ ଆଜି ମୁହଁ ଖୋଲିଛନ୍ତି ଡ୍ରାଇଭର ରବିନ୍ଦ୍ର ସେଠୀ । ମୁହଁ ଖୋଲି ସେ ଯେଉଁ ବୟାନ ଦେଇଛନ୍ତି ତାହା ବିସ୍ଫୋରକ ପରିସ୍ଥିତି ଯେ ଆଗାମୀ ଦିନରେ ସୃଷ୍ଟି କରିବ ତାହା ଆକଳନ କରାଯାଉଛି । ଓଡିଶା ଇନଫ୍ରାଟେକ୍ ପ୍ରାଇଭେଟ୍ ଲିମିଟେଡ୍ ତାଙ୍କ ନାଁରେ ବେଆଇନ୍ ଭାବରେ ସାରୁଅ ଜମି କିଣିଥିବା ରବିନ୍ଦ୍ର ଜାରି କରିଥିବା ଭିଡିଓରେ କହିଛନ୍ତି । ରବି ସେଠୀ ନାଁରେ ଜମି କିଣିବା ପାଇଁ କମ୍ପାନୀ କର୍ତ୍ତୃପକ୍ଷ କହିବା ସମୟରେ ସେ ମନା କରିଥିଲେ ହେଲେ କର୍ତ୍ତୃପକ୍ଷ ତାଙ୍କ ଚାକିରି ଛଡେଇ ନେବାର ଧମକ ଦେଇ ଜମି କିଣିଛନ୍ତି ବୋଲି କହିଛନ୍ତି ।

ଚାକିରି ରାଲି ଯିବା ଭୟରେ କମ୍ପାନୀ କର୍ତ୍ତୃପକ୍ଷ ଯେଉଁଠି କହିଲେ ସେଇଠି ସେ ଦସ୍ତଖତ କରିଥିଲେ । ବେଆଇନ୍ ଜମି କିଣିବା ନେଇ ସେ ଖୋର୍ଧା ଜିଲ୍ଲାପାଳଙ୍କୁ ଲିଖିତ ଆକାରରେ ଅଭିଯୋଗ କରିଥିଲେ । ଜାରି ହୋଇଥିବା ଭିଡିଓରେ ରବିନ୍ଦ୍ର କହିଛନ୍ତି ସେ 2000 ମସିହାରୁ 2017 ଯାଏଁ ଡ୍ରାଇଭର୍ ଭାବରେ କାମ କରୁଥିଲେ । ସେ ଜଣେ ଅନୁସୂଚିତ ଜାତିର ବ୍ୟକ୍ତି ହୋଇଥିବାରୁ ତାଙ୍କ ନାଁରେ ଜମି କିଣିବାକୁ ଓଡିଶା ଇନଫ୍ରାଟେକ୍ ପ୍ରାଇଭେଟ୍ ଲିମିଟେଡ୍ କର୍ତ୍ତୃପକ୍ଷ ବାଧ୍ୟ କରିଥିଲେ । ଯେହେତୁ ସାରୁଅ ଜମି ଅନୁସୂଚିତ ଜାତିର ଲୋକଙ୍କର ତେଣୁ ତାଙ୍କର ଜମି କିଣାଯାଇଥିଲା ବୋଲି ସେ କହିଛନ୍ତି । ଆହୁରି ମଧ୍ୟ ପୁରୀରେ ତାଙ୍କ ନାଁରେ କମ୍ପାନୀ ଜମି କିଣିଥିବା ସେ ଜାରି ହୋଇଥିବା ଭିଡିଓରେ କହିଛନ୍ତି । ତାଙ୍କୁ ବେଆଇନ୍ ଭାବରେ କମ୍ପାନୀ ବ୍ୟବହାର କରିବା ସହ ପୁରୀରେ ଜମି କିଣିବା ବାବଦରେ ତାଙ୍କୁ ଜଣା ନାହିଁ ବୋଲି କହିଛନ୍ତି । ସୂଚନାଥାଉକି, ସାରୁଅରେ ଓଡିଶା ଇନଫ୍ରାଟେକ୍ ଜମି ଜାଲିଆତି କରିଥିବା କ୍ରାଇବ୍ରାଞ୍ଚ ସ୍ପଷ୍ଟ କରିଛି । ରବିନ୍ଦ୍ର ସେଠୀଙ୍କ ନାଁରେ ପ୍ରଥମେ ଜମି କିଣାଯାଇଥିଲା । ପରବର୍ତ୍ତି ସମୟରେ ସେହି ଜମିକୁ ରବିନ୍ଦ୍ର ସେଠୀଙ୍କ ଠାରୁ କମ୍ପାନୀ କିଣିଥିଲା । ହେଲେ ଏହି କିଣାବିକାରେ କୌଣସି ଟଙ୍କା ରବିନ୍ଦ୍ର ପାଇନଥିଲେ । ଅନେକ ବେନାମୀ ଆକାଉଣ୍ଟରେ ଏହି ଜମି କିଣାବିକା ହୋଇଥିବା ତଦନ୍ତରୁ କ୍ରାଇବ୍ରାଞ୍ଚର ଅର୍ଥନୈତିକ ଅପରାଧ ଶାଖା ଜାଣିବାକୁ ପାଇଥିଲା। ଫଳରେ ଏହାର ତଦନ୍ତ ପାଇଁ ଆୟକର ବିଭାଗକୁ ଚିଠି ଲେଖିଥିଲା ।

English summary

Sarua Land Fraud Case Driver Rabi Sethi Alleged Against OTV