ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକର ଆଉ ଜଣେ ନିର୍ଦ୍ଦେଶକଙ୍କୁ ନୋଟିସ୍

ଓଡିଶା ଇନଫ୍ରାଟେକର ଆଉ ଜଣେ ନିର୍ଦ୍ଦେଶକଙ୍କୁ ନୋଟିସ୍

Published: Saturday, November 7, 2020, 17:14 [IST]

ଖୋର୍ଧା : ସାରୁଅ ଜମି ଜାଲିଆତି ମାମଲାରେ ବୈଜୟନ୍ତ ପଣ୍ଡା ଓ ଜଗି ମଙ୍ଗତ ପଣ୍ଡାଙ୍କ କମ୍ପାନୀ ଓଡିଶା ଇଫ୍ରାଟେକର ଆଉ ଜଣେ ନିର୍ଦ୍ଦେଶକଙ୍କୁ ନୋଟିସ୍ କରିଛି କ୍ରାଇମବ୍ରାଞ୍ଚ । ନିର୍ଦ୍ଦେଶକ ନିହାର ରଞ୍ଜନ ଭୂୟାଁଙ୍କୁ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା ପଚରାଉଚରା କରିବା ପାଇଁ ନୋଟିସ୍ କରିଥିବା ଜଣାପଡିଛି । ନିହାର ଓଡିଶାଇନଫ୍ରାଟେକର ନିର୍ଦ୍ଦେଶକ ସହ ଓଟିଭିର ସିଇଓ ଭାବରେ କାର୍ଯ୍ୟରତ ଅଛନ୍ତି । ପୂର୍ବରୁ ଏହି ଜମି ଜାଲିଆତି ମାମଲାରେ କ୍ରାଇମବ୍ରାଞ୍ଚ ଦୁଇ ନିର୍ଦ୍ଦେଶକଙ୍କୁ ପଚରାଉଚରା କରି ସାରିଛି । ସେମାନେ ହେଲେ ମନୋରଞ୍ଜନ ଷଡଙ୍ଗୀ ଓ ବିଭୁ ରଥ । ତେବେ ଏହି ଦୁଇ ଜଣଙ୍କୁ ପଚରାଉଚରା ପରେ ମନୋରଞ୍ଜନ ଷଡଙ୍ଗୀକୁ ଗିରଫ କରିଛି କ୍ରାଇମବ୍ରାଞ୍ଚ । ମନୋରଞ୍ଜନ ଏବେ ଝାରପଡାର ବିଚାର ବିଭାଗୀୟ ହାଜତରେ ଅଛନ୍ତି । ମନୋରଞ୍ଜନଙ୍କୁ ଏହି ଜାଲିଆତି ମାମଲାରେ ଫସାଇ ଦିଆଯାଇଥିବା ଗତ ଶୁକ୍ରବାର ତାଙ୍କ ସମ୍ପର୍କୀୟ ଗଣମାଧ୍ୟମରେ ଅଭିଯୋଗ କରିଥିଲେ ।

ଅପରପକ୍ଷରେ ଜମି ଫେରିପାଇବା ନେଇ ସପ୍ତମ ଦିନରେ ପହଞ୍ଚିଛି ସାରୁଅ ଠିକା କର୍ମଚାରୀଙ୍କ ଧାରଣା । ପାଂଚ ଦଫା ଦାବିରେ ଠିକା କର୍ମଚାରୀମାନେ ଆନ୍ଦୋଳନ ଜାରି ରଖିଛନ୍ତି । ସେହିପରି ଡ୍ରାଇଭର ରବି ସେଠୀଙ୍କୁ ଜମି ବିକ୍ରି କରିଥିବା 22 ଜଣଙ୍କୁ କ୍ରାଇବ୍ରାଞ୍ଚର ଅର୍ଥନୈତିକ ଅପରାଧ ଶାଖା ନୋଟିସ୍ କରିଛି । ସେମାନେ ଆସନ୍ତା 9 ତାରିଖରେ ଖୋର୍ଧା ଜିଲ୍ଲା ଜଜ୍ କୋର୍ଟରେ ହାଜର ହୋଇ ସେମାନଙ୍କ ପକ୍ଷ ରଖିବେ । ସୂଚନାଥାଉକି, ରବି ସେଠୀଙ୍କୁ ଜମି ବିକ୍ରି ହେବା ଏବଂ ତାଙ୍କ ଓଡିଶା ଇଫ୍ରାଟେକ୍ ଜମି କିଣିବା ନେଇର ବଡ ଖୁଲାସା କରିଥିବା କ୍ରାଇବ୍ରାଞ୍ଚ । ଅନେକ ବେନାମୀ ଆକାଉଣ୍ଟ ଖୋଲି ଜମି କିଣାବିକାର ସମସ୍ତ କାମ ହୋଇଥିଲା ବୋଲି କ୍ରାଇବ୍ରାଞ୍ଚ କହିଥିଲା । ଏହାର ତଦନ୍ତ ପାଇଁ ଆୟକର ବିଭାଗକୁ ଚିଠି ଲେଖିଛି କ୍ରାଇବ୍ରାଞ୍ଚ ।

Published On November 7, 2020