ନାବାଳିକା ଗଣଦୁଷ୍କର୍ମ ମାମଲା : ଓଟିଭି ଏମଡିଙ୍କ ସମେତ କ୍ରାଇମବ୍ରାଞ୍ଚ ଓ ଭୁବନେଶ୍ୱର ଡିସିପିଙ୍କୁ ନୋଟିସ୍

ନାବାଳିକା ଗଣଦୁଷ୍କର୍ମ ଘଟଣାରେ ଓଟିଭି ଏମଡିଙ୍କ ସମେତ ଏହି ମାମଲାରେ ତଦନ୍ତ କରୁଥିବା କ୍ରାଇମବ୍ରାଞ୍ଚର ଅଧିକାରୀ ଓ ଭୁବନେଶ୍ୱର ଡିସିପିଙ୍କୁ ହାଜର ହେବା ପାଇଁ ନୋଟିସ୍ ଜାରି କରିଛନ୍ତି ।

Updated: Tuesday, November 10, 2020, 15:49 [IST]

ଭୁବନେଶ୍ୱର : ଇନଫୋସିଟି ନାବାଳିକା ଗଣଦୁଷ୍କର୍ମ ଘଟଣାରେ ଆଜି ରାଜ୍ୟ ଶିଶୁ ଅଧିକାର ଆୟୋଗ ଓଟିଭି ଏମଡିଙ୍କ ସମେତ ଅନ୍ୟ ଦୁଇ ଜଣଙ୍କୁ ନୋଟିସ୍ କରିଛନ୍ତି । ଆସନ୍ତା 18 ତାରିଖରେ ଏହି ମାମଲାର ଶୁଣାଣି ହେବାକୁ ଥିବା ବେଳେ ଏହି ମାମଲାରେ ଓଟିଭି ଏମଡିଙ୍କ ସମେତ କ୍ରାଇବ୍ରାଞ୍ଚର ତଦନ୍ତକାରୀ ଅଧିକାରୀ ଓ ଭୁବନେଶ୍ୱର ଡିସିପିଙ୍କୁ ହାଜର ହେବା ପାଇଁ ନୋଟିସ ଜାରି କରାଯାଇଛି । ନୋଟିସ୍ ସମ୍ପର୍କରେ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଗଣମାଧ୍ୟମକୁ ସୂଚନା ଦେଇଛନ୍ତି ।

ସୂଚନାଥାଉକି, ଗତ ସୋମବାର ଏହି ଗଣଦୁଷ୍କର୍ମ ଘଟଣାରେ ହାଇକୋର୍ଟ ଅସନ୍ତୋଷ ପ୍ରକାଶ କରିଥିଲେ । ଏଥିସହ ଉକ୍ତ ଘଟଣାରେ ଏକ ତାଜା ରିପୋର୍ଟ ଦେବା ପାଇଁ ରାଜ୍ୟ ପୁଲିସ ମହାନିର୍ଦ୍ଦେଶକୁ ନିର୍ଦ୍ଦେଶ ଦେଇଛନ୍ତି । ପୁଲିସ ମହାନିର୍ଦ୍ଦେଶଙ୍କୁ ହାଇକୋର୍ଟରେ ବ୍ୟକ୍ତିଗତ ହାଜର ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି । ଏହି ଘଟଣାରେ ହାଇକୋର୍ଟରେ ପିଆଇଏଲ୍ ଦାଖଲ କରିଥିଲା ଭାରତୀୟ ବିକାଶ ପରିଷଦ । ଆସନ୍ତା ନଭେମ୍ବର 18 ତାରିଖରେ ମଧ୍ୟ ଏହି ଘଟଣା ଉପରେ ପରବର୍ତ୍ତି ଶୁଣାଣି ଧାର୍ଯ୍ୟ କରାଯାଇଛି ।