ବଦଳିଲା ଆଧାର କାର୍ଡ ନିୟମ, ଜାଣନ୍ତୁ ଜରୁରୀ ଖବର

Aadhaar Card Rules: ଭାରତରେ ଆଧାର କାର୍ଡ ସମ୍ବନ୍ଧୀୟ ନିୟମ ପରିବର୍ତ୍ତନ କରାଯାଇଛି। ଏଣିକି ଆପଣ ଦୁଇଟି ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଆଉ ଆଧାର କାର୍ଡର ବ୍ୟବହାର କରିପାରିବେ ନାହିଁ । ତେବେ ଚାଲନ୍ତୁ ଜାଣିବା କେଉଁ କାର୍ଯ୍ୟ ପାଇଁ ଆଧାର କାର୍ଡର ବ୍ୟବହାର ହେବ ନାହିଁ ।

ଭାରତୀୟ ଲୋକଙ୍କ ପାଇଁ କିଛି ଡକ୍ୟୁମେଣ୍ଟ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଡକ୍ୟୁମେଣ୍ଟଗୁଡିକ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ହେଉଛି ଆଧାର କାର୍ଡ । ଭାରତର ଅନେକ ସ୍ଥାନରେ, ଅନେକ ଅଫିସ କାର୍ଯ୍ୟରେ ଆଧାର କାର୍ଡ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବରେ ବ୍ୟବହାର କରାଯାଏ । ଆଧାର କାର୍ଡ ବିନା ଅନେକ କାର୍ଯ୍ୟ ହୋଇପାରେ ନାହିଁ ।

2010ରେ ଭାରତରେ ପ୍ରଥମ ଆଧାର କାର୍ଡ ଜାରି କରାଯାଇଥିଲା। ବର୍ତ୍ତମାନ ପର୍ଯ୍ୟନ୍ତ, ଭାରତର ପ୍ରାୟ 90 ପ୍ରତିଶତ ଲୋକଙ୍କର ଆଧାର କାର୍ଡ ରହିଛି ଏହା ବର୍ତ୍ତମାନ ମୁଖ୍ୟ ପରିଚୟ ପତ୍ର ଭାବେ ବ୍ୟବହାର ହେଉଛି । ହେଲେ ଏବେ ଭାରତରେ ଆଧାର କାର୍ଡ ସମ୍ବନ୍ଧୀୟ ଅନେକ ନିୟମ ପରିବର୍ତ୍ତନ କରାଯାଇଛି। ନିକଟରେ ଆଧାର କାର୍ଡକୁ ନେଇ ଏକ ନୂତନ ନିୟମ ମଧ୍ୟ ଜାରି କରାଯାଇଛି।

ପୂର୍ବରୁ ଆଧାର କାର୍ଡ ନଥିଲେ ଆଧାରକାର୍ଡ ଏନରୋଲମେଣ୍ଟ ID ବ୍ୟବହାର କରାଯାଇପାରୁଥିଲା । ଏନରୋଲମେଣ୍ଟ ID ଆଧାର କାର୍ଡ ତିଆରି ପାଇଁ ଆବେଦନ ପରେ ପ୍ରଦାନ କରାଯାଉଥିଲା । କିନ୍ତୁ ବର୍ତ୍ତମାନ ଏହାକୁ କିଛି ଉଦ୍ଦେଶ୍ୟରେ ବ୍ୟବହାର କରାଯାଇପାରିବ ନାହିଁ । ବର୍ତ୍ତମାନ ଭାରତରେ ପାନ୍ କାର୍ଡ ତିଆରି କରିବା ପାଇଁ ଆଧାର କାର୍ଡ ଏନରୋଲମେଣ୍ଟ ID ବ୍ୟବହାର କରାଯାଇପାରିବ ନାହିଁ । ଯଦି ଆପଣଙ୍କର ଆଧାର କାର୍ଡ ନାହିଁ ତେବେ ଏନରୋଲମେଣ୍ଟ ID ରୁ ପାନ୍ କାର୍ଡ ତିଆରି ହୋଇ ପାରିବ ନାହିଁ ।

ସେହିପରି ପୂର୍ବରୁ ଆଧାରକାର୍ଡ ଏନରୋଲମେଣ୍ଟ ID ଦ୍ୱାରା ITR ପୂରଣ ପାଇଁ ବ୍ୟବହୃତ ହେଉଥିଲା । କିନ୍ତୁ ବର୍ତ୍ତମାନ ITR ପୂରଣ ପାଇଁ ଏନରୋଲମେଣ୍ଟ ID ବ୍ୟବହାର କରାଯାଇପାରିବ ନାହିଁ ।