Driving Licence: ଏଣିକି ଦେବାକୁ ପଡ଼ବନି ଟେଷ୍ଟ, ଏମିତି ପାଇପାରିବେ ଡ୍ରାଇଭିଂ ଲାଇସେନ୍ସ
Driving Licence: ଦୁଇ ଚକିଆ ହେଉ ଅବା କାର୍ କିମ୍ବା ଭାରୀଯାନ ଚଲାଇବା ପାଇଁ ଆମକୁ ସରକାରୀ ଡ୍ରାଇଭିଂ ଲାଇସେନ୍ସର ଆବଶ୍ୟକତା ପଡ଼ିଥାଏ । ପ୍ରଥମେ ଲର୍ଣ୍ଣର ଲାଇସେନ୍ସ ଏବଂ ପରେ ଡ୍ରାଇଭିଂ ଟେଷ୍ଟ ଦେଇ ଗାଡ଼ି ଚଲାଇବା ପାଇଁ ଲାଇସେନ୍ସ ମିଳିଥାଏ । ଏଥିଲାଗି ଆମକୁ RTO ଯାଇ ଟେଷ୍ଟ ଦେବାକୁ ପଡ଼ିଥାଏ । କିନ୍ତୁ ବର୍ତ୍ତମାନ ସରକାରଙ୍କ ପକ୍ଷରୁ ଡ୍ରାଇଭିଂ ଲାଇସେନ୍ସ ନିୟମରେ ବଡ଼ ପରିବର୍ତ୍ତନ କରାଯାଇଛି । ଏବେ ବିନା ଡ୍ରାଇଭିଂ ଟେଷ୍ଟରେ ମିଳିପାରିବ ଲାଇସେନ୍ସ । ଏଣିକି ବେସରକାରୀ ସଂସ୍ଥା ଡ୍ରାଇଭିଂ ଟେଷ୍ଟ କରିବା ଏବଂ ସାର୍ଟିଫିକେଟ୍ ଜାରି କରିବା ଲାଗି ପଞ୍ଜିକୃତ ହେବେ । ଫଳରେ ଯେଉଁମାନଙ୍କୁ ସେମାନେ ଟ୍ରେନିଂ ଦେଇଥିବେ ସେମାନଙ୍କୁ ଲାଇସେନ୍ସ ମିଳିପାରିବ ।
ଏହି ନୂଆ ନିୟମ ଆଗାମୀ ଜୁନ୍ ପହିଲାରୁ ଲାଗୁ ହେବ । ତେବେ ଏନେଇ ସରକାରଙ୍କ ପକ୍ଷରୁ ବିଜ୍ଞପ୍ତି ଜାରି କରାଯାଇଛି ।
ସରକାରଙ୍କ ଏହି ନୂଆ ନିୟମରେ ପ୍ରାୟ ୯,୦୦,୦୦୦ ପୁରୁଣା ସରକାରୀ ଯାନବାହାନନକୁ ହଟାଇ ଦିଆଯିବ । ନିୟମ ମୁତାବକ ଦ୍ରୁତ ଗତିରେ ବାହନ ଚଳାଇଲେ ୧୦୦୦-୨୦୦୦ ଟଙ୍କା ଦେବାକୁ ହେବ। ହେଲେ ଯଦି କେହି ନାବାଳକ ଗାଡ଼ି ଚଳାଇବା ଧରାପଡେ ତେବେ ୨୫୦୦୦ ଜରିମାନା ଦେବାକୁ ହେବ। ଏହା ବ୍ୟତିତ ବାହନର ମାଲିକଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ କରିଦିଆଯିବ। ୨୫ ବର୍ଷ ବୟସ ଯାଏ ଉକ୍ତ ନାବାଳକଙ୍କୁ ଲାଇସେନ୍ସ ମିଳିବ ନାହିଁ।
ଘରୋଇ ଡ୍ରାଇଭିଂ ଟ୍ରେନିଂ ସେଣ୍ଟର ପାଇଁ ଅତି କମରେ ୧ ଏକର ଜମି ରହିବା ଉଚିତ। ୪ ଚକିଆ ମୋଟର ପାଇଁ ଡ୍ରାଇଭିଂ ସେଣ୍ଟରରେ ଅତିରିକ୍ତ ୨ ଏକର ଜମି ଆବଶ୍ୟକ ହେବ। ଘରୋଇ ଡ୍ରାଇଭିଂ ତାଲିମ କେନ୍ଦ୍ରରେ ଉପଯୁକ୍ତ ପରୀକ୍ଷା ସୁବିଧା ଉପଲବ୍ଧ ହେବା ଉଚିତ। ପ୍ରଶିକ୍ଷକମାନଙ୍କ ଯୋଗ୍ୟତା ଅତିକମରେ ଏକ ଉଚ୍ଚ ବିଦ୍ୟାଳୟର ଡିପ୍ଲୋମା ଥିବା ଆବଶ୍ୟକ। ଏହା ବ୍ୟତୀତ, ସେମାନଙ୍କର ଅତି କମରେ ୫ ବର୍ଷର ଡ୍ରାଇଭିଂ ଅଭିଜ୍ଞତା ରହିବା ଉଚିତ। ପ୍ରଶିକ୍ଷକମାନେ ବାୟୋମେଟ୍ରିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ପ୍ରଣାଳୀର ମୌଳିକତା ଜାଣିଥିବା ଉଚିତ।
ହାଲୁକା ଯାନ ତାଲିମ ୪ ସପ୍ତାହ (ସର୍ବନିମ୍ନ ୨୯ ଘଣ୍ଟା) ମଧ୍ୟରେ ସମ୍ପୂର୍ଣ୍ଣ ହେବା ଜରୁରୀ। ପ୍ରଶିକ୍ଷଣକୁ ଅତି କମରେ ଦୁଇଟି ବିଭାଗରେ ବିଭକ୍ତ କରିବାକୁ ପଡିବ - ତଥ୍ୟ ଏବଂ ପରୀକ୍ଷା। ଏଥିରେ ତଥ୍ୟ ବିଭାଗ ୮ ଘଣ୍ଟାର ହୋଇଥିବାବେଳେ ପରୀକ୍ଷା ୨୧ ଘଣ୍ଟାର ହେବା ଉଚିତ।
ଭାରୀ ମୋଟର ଯାନ ପାଇଁ ୩୮ ଘଣ୍ଟା ତାଲିମ ରହିବ, ଯେଉଁଥିରେ ୮ ଘଣ୍ଟା ତଥ୍ୟଭିତ୍ତିକ ଶିକ୍ଷା ଏବଂ ୩୧ ଘଣ୍ଟା ବ୍ୟବହାରିକ(ପରୀକ୍ଷା) ପ୍ରସ୍ତୁତି ଅନ୍ତର୍ଭୁକ୍ତ ହେବ। ଏହି ତାଲିମ ୬ ସପ୍ତାହ ମଧ୍ୟରେ ଶେଷ ହେବ। ଏହି ନିୟମଗୁଡିକର ଉଦ୍ଦେଶ୍ୟ ହେଉଛି ବେସରକାରୀ ଡ୍ରାଇଭିଂ ଟ୍ରେନିଂ ସେଣ୍ଟରଗୁଡ଼ିକ ଉଭୟ ହାଲୁକା ଏବଂ ଭାରୀ ଯାନର ଡ୍ରାଇଭରମାନଙ୍କ ପାଇଁ ଉଚ୍ଚ ମାନ ବଜାୟ ରଖିବା ନିଶ୍ଚିତ କରିବା।
ଲର୍ନର ଲାଇସେନ୍ସ ପାଇଁ ୨୦୦ ଟଙ୍କା ଫି ଲାଗିବ । ଏହା ସହ ଲର୍ନର ଲାଇସେନ୍ସ ନବୀକରଣ ପାଇଁ ପୁଣି ୨୦୦ ଟଙ୍କା ଦେବାକୁ ହେବ । ଆନ୍ତର୍ଜାତୀୟ ଲାଇସେନ୍ସ ପଇବାକୁ ହେଲେ ୧୦୦୦ ଟଙ୍କା ଦେୟ ରହିଛି । ସେହିପରି ସ୍ଥାୟୀ ଲାଇସେନ୍ସ ପାଇଁ ୨୦୦ ଟଙ୍କା ଦେବାକୁ ହେବ ।
ଅମିତି କରନ୍ତୁ ଆବେଦନ:
- ପ୍ରଥମେ (https://parivahan.gov.in) ପୋର୍ଟାଲକୁ ଯାଆନ୍ତୁ
- ମେନ୍ ପେଜ୍ ରେ ଡ୍ରାଇଭିଂ ଲାଇସେନ୍ସ ଆବେଦନ ଉପରେ କ୍ଲିକ କରନ୍ତୁ
- ଆବେଦନ ଫର୍ମରେ ଆବଶ୍ୟକୀୟ ସୂଚନା ସଠିକ ଭାବରେ ପୁରଣ କରନ୍ତୁ
- ଫର୍ମରେ ଉଲ୍ଲେଖ କରାଯାଇଥିବା ଡକ୍ୟୁମେଣ୍ଟ ଅପଲୋଡ କରନ୍ତୁ
- ଆପଣ ନିଜ ପସନ୍ଦ ଅନୁଯାୟୀ ଉଭୟ ଅନଲାଇନ କିମ୍ବା ଅଫଲାଇନ ଆବେଦନ କରିପାରିବେ।
- ଆବେଦନ ପ୍ରକ୍ରିୟା ସମାପ୍ତ ହେବା ପରେ, ଆବଶ୍ୟକ ଡକ୍ୟୁମେଣ୍ଟ ଦାଖଲ କରିବାକୁ ଏବଂ ଆପଣଙ୍କର ଡ୍ରାଇଭିଂ କୌଶଳ ପ୍ରମାଣ ପ୍ରଦାନ କରିବାକୁ ଆର୍ଟିଓ ପରିଦର୍ଶନ କରନ୍ତୁ।
- ସମସ୍ତ ପଦକ୍ଷେପ ସମାପ୍ତ କରିବା ପରେ ଆପଣ ଏକ ଲାଇସେନ୍ସ ପାଇବେ।
Click it and Unblock the Notifications
Sign in with Google