ଏଥର କେଉଁ ତାରିଖରେ ପାଳନ କରିବେ ଜନ୍ମାଷ୍ଟମୀ, ଜାଣନ୍ତୁ ପୂଜା ମୁହୂର୍ତ୍ତ

Krishna Janmashtami 2022:ଏଥର କେଉଁ ତାରିଖରେ ପାଳନ କରିବେ ଜନ୍ମାଷ୍ଟମୀ, ଜାଣନ୍ତୁ ପୂଜା ମୁହୂର୍ତ୍ତ

Published: Wednesday, August 17, 2022, 12:00 [IST]

ଭୁବନେଶ୍ୱର: ଭାଦ୍ରବ ମାସ କୃଷ୍ଣପକ୍ଷର ଅଷ୍ଟମୀ ତିଥି‌ରେ ଶ୍ରୀକୃଷ୍ଣଙ୍କ ଜନ୍ମଦିନ ପାଳନ କରାଯାଏ । ହିନ୍ଦୁ ଧର୍ମ ବିଶ୍ୱାସ ଅନୁଯାୟୀ ଭଗବାନ କୃଷ୍ଣ ଏହି ଦିନ ଜନ୍ମ ହୋଇଥିଲେ । ଭଗବାନ କୃଷ୍ଣ ଭାଦ୍ରବ ମାସର କୃଷ୍ଣପକ୍ଷ ଅଷ୍ଟମୀ ତିଥି ରୋହିଣୀ ନକ୍ଷତ୍ରରେ ଜନ୍ମଗ୍ରହଣ କରିଥିଲେ । ଶ୍ରୀକୃଷ୍ଣ ଭଗବାନ ବିଷ୍ଣୁଙ୍କ ଅଷ୍ଟମ ଅବତାର । ତେବେ ଜନ୍ମାଷ୍ଟମୀ ଦିନ ଶ୍ରୀକୃଷ୍ଣ ଲଡୁଗୋପାଳ ରୂପରେ ପୂଜା ପାଆନ୍ତି ।

ଆସନ୍ତା ଅର୍ଥାତ୍ ଅଗଷ୍ଟ ୧୮ ତାରିଖରେ ସାରା ଦେଶ ପାଳନ କରିବ ଜନ୍ମାଷ୍ଟମୀ । କାଲି ପ୍ରତ୍ୟକ ସ୍ଥାନରେ ବେଶ୍ ଧୁମଧାମରେ ପାଳନ କରାଯିବ କାହ୍ନାଙ୍କ ଜନ୍ମଦିନ । ତେବେ ଚଳିତବର୍ଷ ମଧ୍ୟ ଜନ୍ମାଷ୍ଟମୀ ଉଭୟ ୧୮ ଓ ୧୯ ତାରିଖରେ ପଡୁଥିବା ସୂଚନା ରହିଛି । ଅଷ୍ଟମୀ ତିଥି ଅଗ‌ଷ୍ଟ ୧୮ ତାରିଖ ରାତି ୯ଟାରେ ଆରମ୍ଭ ହେଉଥିବାରୁ ଏହି ଦିନ ବ୍ରତ ପାଳନ କରିବା ଉଚିତ ବୋଲି ଜ୍ୟୋତିଷମାନେ ସୂଚନା ଦେଇଛନ୍ତି । ଚଳିତ ବର୍ଷ ଭାଦ୍ରବ ମାସ କୃଷ୍ଣପକ୍ଷର ଅଷ୍ଟମୀ ତିଥି‌ ୧୮ ଅଗଷ୍ଟ ଦିନ ୯.୨୦ ରୁ ଆରମ୍ଭ ହୋଇ ପରଦିନ ଅର୍ଥାତ୍ ୧୯ ଅଗଷ୍ଟ ରାତି ୧୦ଟା ୫୯ ମିନିଟ୍ ପର୍ଯ୍ୟନ୍ତ ରହିବ । ଏଥର କୃଷ୍ଣ ଜନମାଷ୍ଟମୀ ପର୍ବ ଅଗଷ୍ଟ ୧୮ ଗୁରୁବାର ଦିନ ପାଳନ କରାଯିବ। ଏହି ଦିନ ଭଗବାନ କୃଷ୍ଣଙ୍କ ଭକ୍ତମାନେ ଉପବାସ କରି ମନ୍ଦିରକୁ ଯାଇ ତାଙ୍କୁ ପୂଜା କରନ୍ତି । ରାତି ପୂଜା ପାଇଁ ଅଗଷ୍ଟ ୧୮ ତାରିଖ ରାତି ୧୨ଟାରୁ ୧୨ଟା ୪୭ ଉଚିତ ସମୟ । ରାତି ପୂଜା ଏହି ସମୟରେ କଲେ ଭଲ ଫଳ ମିଳିଥାଏ ବୋଲି ମାନ୍ୟତା ରହିଛିି । ଏଥର ଅନେକ ସ୍ଥାନରେ ଜନ୍ମାଷ୍ଟମୀ ୧୮ ତାରିଖରେ ପାଳନ କରାଯାଉଥିବା ବେଳେ କିଛି କିଛି ସ୍ଥାନରେ ୧୯ ତାରିଖରେ ମଧ୍ୟ ଜନ୍ମାଷ୍ଟମୀ କରାଯିବ ।

ଜନ୍ମାଷ୍ଟମୀ ପୂଜାବିଧି

ଏହି ପୂଜା ଅଷ୍ଟମୀ ତିଥିରୁ ଆରମ୍ଭ ହୋଇଯାଇଥାଏ । ସକାଳେ ସ୍ନାନ ପରେ ମନ୍ଦିରରେ କିମ୍ବା ଘରେ ମଧ୍ୟ ଆପଣ ପୂଜା କରିପାରିବେ । ଶ୍ରୀକୃଷ୍ଣଙ୍କ ମୂର୍ତ୍ତି ରଖି ପୂଜା କରନ୍ତୁ । କ୍ଷୀର କିମ୍ବା ଗଙ୍ଗାଜଳରେ ପ୍ରଥମେ ଆପଣ ଭଗବାନଙ୍କୁ ସ୍ନାନ କରାଇପାରିବେ । ଏହାପରେ ଚନ୍ଦନ ସିନ୍ଦୁର ,ଫୁଲ ଦେଇ ଭଗବାନ କୃଷ୍ଣଙ୍କୁ ସେଜାଇବେ । କୃଷ୍ଣଙ୍କର ପ୍ରିୟ ଲହୁଣି ଭୋଗ ଦେବାକୁ ଭୁଲିବେ ନାହିଁ । ରାତି ୧୨ଟାରେ ଭଗବାନ କୃଷ୍ଣଙ୍କର ଜନ୍ମୋତ୍ସବ ପାଇଁ ପୂଜା କରନ୍ତୁ । ରାତି ୧୨ଟାରେ ଶ୍ରୀକୃଷ୍ଣଙ୍କ ଜନ୍ମୋତ୍ସବ କରାଇ ଗୀତ ସଙ୍ଗୀତ ପରେ ପ୍ରସାଦ ବିତରଣ କରନ୍ତୁ । ତେବେ ଜନ୍ମାଷ୍ଟମୀରେ ସୂର୍ଯ୍ୟ, ସୋମ, ଯମ, କାଳ, ସଂଧି, ଭୂତ, ପବନ, ଭୂମି, ଆକାଶ ଓ ବ୍ରହ୍ମା ଆଦିଙ୍କୁ ନମସ୍କାର କରିବା ଭୁଲନ୍ତୁ ନାହିଁ ।

Published On August 17, 2022