ରାସ୍ତା ମଝିରେ ହୁ ହୁ ହୋଇ ଜଳିଗଲା ଲମ୍ବୋର୍ଗିନି କାର୍

Lamborghini Catches Fire: ରାସ୍ତା ମଝିରେ ହୁ ହୁ ହୋଇ ଜଳିଗଲା ଲମ୍ବୋର୍ଗିନି କାର୍ । ମୁମ୍ବାଇ ରାସ୍ତାରେ ଏପରି ଦୃଶ୍ୟ ଦେଖିବା ପାଇଁ ମିଳିଛି, ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଏହି ଦୁର୍ଘଟଣାର କୌଣସି ବ୍ୟକ୍ତିଙ୍କର କିଛି କ୍ଷୟ କ୍ଷତି ହୋଇ ନାହିଁ। ହେଲେ ବର୍ତ୍ତମାନ ପ୍ରଶ୍ନ ଉଠୁଛି ଯେ, ଏତେ ମହଙ୍ଗା ଗାଡି ଅତ୍ୟ ଆଧୁନିକ ଫିଚର୍ ସତ୍ୱେ କାରଗୁଡିକ ଲୋକଙ୍କ ସୁରକ୍ଷାର ଗ୍ୟାରେଣ୍ଟି ଦେଉଛି ନାହିଁ ।

ଡିସେମ୍ବର 25, ବୁଧବାର ଦିନ ଖ୍ରୀଷ୍ଟମାସ ରାତିରେ ଲମ୍ବୋର୍ଗିନି ଅଗ୍ନିକାଣ୍ଡ ଘଟିଛି । ଏହି ଘଟଣାର ଭିଡିଓ ଦି ରେମଣ୍ଡ ଲିମିଟେଡର ପ୍ରତିଷ୍ଠାତା ତଥା ସିଇଓ ଗୌତମ ସିଘାଂନିଆ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି। ଭିଡିଓ ପୋଷ୍ଟ କରିବା ସହିତ ଗୌତମ ସିଘାଂନିଆ ମଧ୍ୟ ଲୋକଙ୍କ ସୁରକ୍ଷା ନେଇ ଚିନ୍ତା ପ୍ରକାଶ କରିଛନ୍ତି ।

Spotted by me: A Lamborghini engulfed in flames on Coastal Road, Mumbai. Incidents like this raise serious concerns about the reliability and safety standards of Lamborghini. For the price and reputation, one expects uncompromising quality—not potential hazards.@MumbaiPolice… pic.twitter.com/lIC7mYtoCB

— Gautam Singhania (@SinghaniaGautam) December 25, 2024

ଗୌତମ ସିଙ୍ଘାନିଆ ସେୟାର କରିଥିବା ଭିଡିଓରେ ଏହା ଦେଖିବାକୁ ମିଳୁଛି ଯେ, ପ୍ରଥମେ ଲମ୍ବୋର୍ଗିନିରୁ ଧୂଆଁ ବାହାରୁଛି ଏବଂ ଅଳ୍ପ ସମୟ ମଧ୍ୟରେ ପୁରା କାରରେ ନିଆଁ ଲାଗିଯାଉଛି । ଭିଡିଓରେ ଜଣେ ବ୍ୟକ୍ତି ଏହି କାରରେ ନିଆଁ ଲିଭାଇବାକୁ ଚେଷ୍ଟା କରୁଥିବା ମଧ୍ୟ ଦେଖିବାକୁ ମିଳିଛି। ଏହି ବିଳାସପୂର୍ଣ୍ଣ କାର ହେଉଛି ଲମ୍ବୋର୍ଗିନି ରେଭଲ୍ଟୋ । ଏହି କାରର ସୋରୁମ୍ ମୂଲ୍ୟ 8.89 କୋଟି ଟଙ୍କା ।

ନିକଟରେ କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଏକ ଭୋଲଭୋ କାର ଉପରେ ଏକ କଣ୍ଟେନର ଖସିପଡିବାରୁ ଗାଡ଼ିରେ ବସିଥିବା ସମସ୍ତ ଲୋକଙ୍କର ମୃତ୍ୟୁ ହୋଇଛି । ଏହି କାରଟି ଭଲଭୋ XC90 ଥିଲା, ଯାହା ଦୁନିଆର ସବୁଠାରୁ ସୁରକ୍ଷିତ କାର ଭାବରେ ଜଣାଯାଏ ।