Navratri 2023: ପାକିସ୍ତାନର ଏହି ସ୍ଥାନରେ ପୂଜାପାଆନ୍ତି ମା'ଦୁର୍ଗା

Navratri 2023: ମା ଆସୁଛନ୍ତି...ଶାରଦୀୟ ଦୁର୍ଗାପୂଜା ପାଇଁ ସବୁଠି ଉତ୍ସାହର ମାହୋଲ । ନବରାତ୍ରୀ 15 ଅକ୍ଟୋବରରୁ ଆରମ୍ଭ ହେବାକୁ ଯାଉଛନ୍ତି । ନବରାତ୍ରୀ ସମୟରେ ମା' ଦୁର୍ଗାଙ୍କ ମନ୍ଦିରରେ ବହୁ ସଂଖ୍ୟାରେ ଭକ୍ତ ଏକତ୍ରିତ ହୋଇ ପୂଜର୍ଚ୍ଚନା କରିଥାନ୍ତି । ଏହି ସମୟରେ ମା'ଙ୍କର 51 ଶକ୍ତିପୀଠରେ ପୂଜାର୍ଚ୍ଚନା କରାଯାଇଥାଏ ।

ନବରାତ୍ରୀ ପର୍ବ କେବଳ ଭାରତରେ ନୁହେଁ ବରଂ ପାକିସ୍ତାନରେ ମଧ୍ୟ ପାଳନ କରାଯାଏ । ମାନ୍ୟତା ରହିଛି ଯେ, ପ୍ରଥମ ଶକ୍ତିପୀଠ ଏଠାରେ ନିର୍ମାଣ କରାଯାଇଥିଲା। ଆସନ୍ତୁ ଜାଣିବା ଏହା କେଉଁ ମନ୍ଦିର ଏବଂ ଏହାର ଇତିହାସ କ'ଣ ।

ପାକିସ୍ତାନରେ ରହିଛି ମା'ଦୁର୍ଗାଙ୍କ ଶକ୍ତିପୀଠ ହିଙ୍ଗଲାଜ

ପାକିସ୍ତାନରେ ମା' ହିଙ୍ଗଲାଜଙ୍କର ଶକ୍ତିପୀଠ ରହିଛି । ମା' ଦୁର୍ଗାଙ୍କର 51ଟି ଶକ୍ତିପୀଠ ମଧ୍ୟରୁ ଏହା ପ୍ରଥମ ଶକ୍ତିପୀଠ । ହିଙ୍ଗଲାଜ ମାତା ମନ୍ଦିର ପାକିସ୍ତାନର ବାଲୁଚିସ୍ତାନ ପ୍ରଦେଶର ହିଙ୍ଗୋଲ ନଦୀ କୂଳରେ ଥିବା ଆଘୋର ପର୍ବତରେ ଅବସ୍ଥିତ। ଏହି ମନ୍ଦିର ପାକିସ୍ତାନ ଏବଂ ଆଫଗାନିସ୍ତାନର ସୀମାରେ ରହିଛି । ଏଠାରେ ଏକ ଛୋଟ ଗୁମ୍ଫାରେ ମାଟିରେ ନିର୍ମିତ ଦେବୀଙ୍କର ଏକ ମୂର୍ତ୍ତିର ପୂଜାର୍ଚ୍ଚନା କରାଯାଏ । ହିଙ୍ଗଲାଜକୁ ହିଙ୍ଗୁଲା ମନ୍ଦିର ମଧ୍ୟ କୁହାଯାଏ ଏବଂ କୋଟାରୀ ଶକ୍ତିପୀଠ ନାମରେ ମଧ୍ୟ ଜଣାଶୁଣା ।

ହିନ୍ଦୁମାନେ ଏହାକୁ ଶକ୍ତିପୀଠ ବୋଲି କହୁଥିବା ବେଳେ ମୁସଲମାନ ସମ୍ପ୍ରଦାୟର ଲୋକମାନେ ଏହାକୁ ନାନୀ କା ହଜ୍ ବୋଲି କୁହନ୍ତି । ପାକିସ୍ତାନର ମୁସଲମାନମାନେ ମଧ୍ୟ ହିଙ୍ଗଲାଜ ମାତା ଉପରେ ବିଶ୍ୱାସ କରନ୍ତି ଏବଂ ମନ୍ଦିରକୁ ସୁରକ୍ଷା ଯୋଗାନ୍ତି । ସେମାନେ ଏହି ମନ୍ଦିରକୁ ନାନୀଙ୍କ ମନ୍ଦିର ବୋଲି କହିଥାନ୍ତି । ଏହି ମନ୍ଦିରର ପରିଚାଳନା କମିଟିରେ ଉଭୟ ହିନ୍ଦୁ ଏବଂ ମୁସଲମାନ ସାମିଲ ଅଛନ୍ତି ।

ଧାର୍ମିକ ବିଶ୍ୱାସ ରହିଛି ଯେ, ଯେତେବେଳେ ଦେବୀ ସତୀ ତାଙ୍କ ଶରୀରକୁ ଅଗ୍ନିକୁନ୍ତରେ ସମର୍ପିତ କରିଥିଲେ ସେତେବେଳେ ଭଗବାନ ଶିବ ସତୀଙ୍କ ଶରୀରକୁ ଧରି ତାଣ୍ତବ ନୃତ୍ୟ କରିଥିଲେ । ଯାହା ପରେ ସାରା ବ୍ରହ୍ମାଣ୍ତରେ ଚହଳ ସୃଷ୍ଟି ହୋଇଯାଇଥିଲା । ଯାହାକୁ ପରେ ଭଗବାନ ବିଷ୍ଣୁଙ୍କୁ ଭଗବାନ ଶିବଙ୍କୁ ସାନ୍ତ କରିବା ପାଇଁ ସତୀଙ୍କ ଶରୀରକୁ ଭାଗ କରିବା ପାଇଁ ପଡିଥିଲା ମା ସତୀଙ୍କ ଶରୀରର ପ୍ରଥମ ଅଂଶ ପାକିସ୍ତାନର ଆଗୋର ପର୍ବତ ଉପରେ ପଡିଥିଲା । ଯାହାପରେ ଏଠାରେ ପ୍ରଥମ ଶକ୍ତିପୀଠ ଗଠନ କରାଯାଇଥିଲା ।

English summary

Know More About Pakistan Hinglaj Shakti Peeth