ସ୍ୱାଧିନତା ଦିବସରେ ଏହି ଭାରତୀୟ ଷ୍ଟକ୍ କିଣନ୍ତୁ, ଯାହା ଦେବ ବମ୍ପର ରିଟର୍ଣ୍ଣ

Independence Day Special Top 5 Indian Stocks: ଭାରତ 78 ତମ ସ୍ୱାଧୀନତା ଦିବସ ପାଳନ କରିବାକୁ ଯାଉଛି । ଗତ କିଛି ବର୍ଷ ମଧ୍ୟରେ ଭାରତର ଅର୍ଥନୈତିକ ସ୍ତରରେ ବହୁ ପରିବର୍ତ୍ତନ ଦେଖିବାକୁ ମିଳିଛି। ଭାରତ ବିଶ୍ୱର ଏକ ଅଗ୍ରଣୀ ଦେଶ ଭାବରେ ଉଭା ହୋଇଛି। ଏହି ଯାତ୍ରାର ଏକ ଗୁରୁତ୍ୱପୂର୍ଣ୍ଣ ଅଂଶ ହେଉଛି ଆମର ଅନନ୍ୟ ସାଂସ୍କୃତିକ ଏବଂ ଅର୍ଥନୈତିକ ପରିଚୟ, ଯାହା ଆମକୁ ବିଶ୍ୱବ୍ୟାପୀ ଭିନ୍ ପରିଚୟୟ ଦେଇଛି । ଅନେକ ଭାରତୀୟ କମ୍ପାନୀ ଏବେ ଟପରେ ରହିଛି ।

ଏହି କମ୍ପାନୀଗୁଡିକ ଦେଶର ବିକାଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି । ଚାଲନ୍ତୁ ଜାଣିବା କିଛି ମେଡ୍ ଇନ୍ ଇଣ୍ଡିଆ କମ୍ପାନୀଗୁଡିକ ବିଷୟରେ ଯାହା ଷ୍ଟକ୍ ମାର୍କେଟରେ ନିଜର ଶକ୍ତି ପ୍ରଦର୍ଶନ କରିଛି ଏବଂ ନିବେଶକମାନଙ୍କୁ ଭଲ ରୋଜଗାର ମଧ୍ୟ ଦେଇଛି ।

ଇଣ୍ଡିଗୋ

ଇଣ୍ଡିଗୋ ଏୟାରଲାଇନ୍ସ ହେଉଛି ଭାରତର ସର୍ବବୃହତ ବଜେଟ୍ ବିମାନ, ଯାହାର ବଜାର ଅଂଶ ପ୍ରାୟ 47.5% ରହିଛି। ରାହୁଲ ଭାଟିଆ ଏବଂ ରାକେଶ ଗାଙ୍ଗୱାଲଙ୍କ ପ୍ରତିଷ୍ଠା ଦିନଠାରୁ କମ୍ପାନୀର ସେୟାର 765 ଟଙ୍କାରୁ ଆରମ୍ଭ ହୋଇ ଆଜି ଏହାର ମୂଲ୍ୟ 4220 ଟଙ୍କାରେ ପହଞ୍ଚିଛି।

KEI ଇଣ୍ଡଷ୍ଟ୍ରିଜ୍

ଏହି କମ୍ପାନୀ ଭାରତର ସ୍ୱଦେଶୀ କମ୍ପାନୀ ତାଲିକାରେ ବିପୁଳ ଲାଭ ଦେଇଛି । ଏହି କମ୍ପାନୀ ଲୋକଙ୍କୁ ସୁଲଭ ମୂଲ୍ୟରେ ବୈଦ୍ୟୁତିକ ଉତ୍ପାଦ ଯୋଗାଇଥାଏ । ଯେଉଁଥିରେ କେବୁଲ, ସୁଇଚ୍ ଠାରୁ ଆରମ୍ଭ କରି ଅନେକ ଜିନିଷ ସାମିଲ ରହିଛି । ଏହି କମ୍ପାନୀ ଗତ ଦଶ ବର୍ଷ ମଧ୍ୟରେ ରେକର୍ଡ ବ୍ରେକ୍ କରିଛି । 2014 ରେ, ଏହାର ସେୟାରର ମୂଲ୍ୟ ମାତ୍ର 11 ଟଙ୍କା ଥିଲା, କିନ୍ତୁ ଆଜି ଏହି କମ୍ପାନୀର ସେୟାର 4292 ଟଙ୍କାରେ ପହଞ୍ଚିଛି।

ସିଡିଏସ୍ଏଲ୍

ସେଣ୍ଟ୍ରାଲ ଡିପୋଜିଟୋରି ସର୍ଭିସେସ ଲିମିଟେଡ ହେଉଛି ଭାରତର ଏକମାତ୍ର ତାଲିକାଭୁକ୍ତ ଜମାକାରୀ କମ୍ପାନୀ, ଯାହା ଫେବୃଆରୀ 1999 ରେ କାର୍ଯ୍ୟ କରିବାକୁ SEBI ଅନୁମୋଦନ ଲାଭ କରିଥିଲା ​​। ଡିମାଟ୍ ସେଗମେଣ୍ଟରେ ଏହାର ବଜାର ଅଂଶ 71% ରୁ ଅଧିକକୁ ବୃଦ୍ଧି ପାଇଛି । 2019 ରେ କମ୍ପାନୀର ସେୟାର ମୂଲ୍ୟ ମାତ୍ର 200 ଟଙ୍କା ଥିଲା, ଯାହା ଆଜି 2554 ଟଙ୍କା ଅତିକ୍ରମ କରିଛି ।

ଜୟ କର୍ପ
ଜୟ କର୍ପ 1985 ରେ ଇସ୍ପାତ ଏବଂ ପ୍ଲାଷ୍ଟିକ ବ୍ୟବସାୟରେ ଆରମ୍ଭ କରିଥିଲା । କିନ୍ତୁ ବର୍ତ୍ତମାନ ସ୍ୱତନ୍ତ୍ର ଅର୍ଥନୈତିକ ଜୋନ୍ (SEZ) ଏବଂ ରିଏଲ୍ ଇଷ୍ଟେଟ୍ ଉଦ୍ୟୋଗ ଉପରେ ଧ୍ୟାନ ଦେଇଛନ୍ତି କମ୍ପାନୀର ଷ୍ଟକ୍ ମାତ୍ର ପାଞ୍ଚ ବର୍ଷ ମଧ୍ୟରେ ପାଞ୍ଚ ଗୁଣ ବୃଦ୍ଧି ପାଇଛି। ବର୍ତ୍ତମାନ କମ୍ପାନୀର ସେୟାର 345 ଟଙ୍କାରେ କାରବାର କରୁଛି।