୫ ସେକେଣ୍ଡରେ ୨ ଥର ଜୀବନ ବଞ୍ଚାଇଲା ହେଲମେଟ୍, ଭିଡିଓ ଦେଖିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ

Viral vedio : ୫ ସେକେଣ୍ଡରେ ୨ ଥର ଜୀବନ ବଞ୍ଚାଇଲା ହେଲମେଟ୍ । ଗାଡ଼ିରୁ ପଡ଼ିବାର କିଛି ସେକେଣ୍ଡ ମଧ୍ୟରେ ବିଦ୍ୟୁତ୍ ଖୁଣ୍ଟ ପଡିଥିଲା ବ୍ୟକ୍ତିଙ୍କ ଉପରେ କିନ୍ତୁ ହେଲମେଟ୍ ପନ୍ଧିଥିବାରୁ ଅଳ୍ପକେ ବର୍ତ୍ତିଯାଇଛି ଜୀବନ । ଭିଡିଓ ଦେଖିବା ପରେ ଆପଣ ହେଲମେଟର ଗୁରୁତ୍ୱ ବେଶ୍ ଭଲ ଭାବେ ବୁଝି ପାରିବେ । ଲୋକଙ୍କୁ ସଚେତନ କରିବା ପାଇଁ ଏକ ୧୬ ସେକେଣ୍ତର ଭିଡିଓ ଦିଲ୍ଲୀ ପୋଲିସ ଅଫିସିଆଲ୍ ଟ୍ୱିଟର ଏକାଉଣ୍ଟରେ ସେୟାର କରିଛି ।

ବାଇକ୍ ଚଳାଇବା ସମୟରେ ହେଲମେଟ୍ ପିନ୍ଧିବା ପାଇଁ ପରିବାର ଲୋକଙ୍କ ଛଡା ପୋଲିସ ମଧ୍ୟ ସଚେତନ କରାଏ । ଆଜି ଦିଲ୍ଲୀ ପୋଲିସ ସେୟାର କରିଥିବା ଏକ ଭିଡିଓ ଯିଏ ବି ଦେଖୁଥିବେ ସମସ୍ତଙ୍କୁ ହେଲମେଟର ଗୁରୁତ୍ୱ ନିଶ୍ଚୟ ବୁଝାପଡୁଥିବ । ତେବେ ଏହି ଭିଡିଓରେ ଜଣେ ବ୍ୟକ୍ତି ପ୍ରଥମେ କାରରେ ପିଟି ହୋଇ ମୁହଁ ମାଡ଼ି ହୋଇ ତଳେ ପଡିଯାଉଛନ୍ତି । ବାଇକର ବେଗ ଅଧିକ ଥିବାରୁ ରାସ୍ତା କଡରେ ଥିବା ବିଦ୍ୟୁତ୍ ଖୁଣ୍ଟରେ ଜାଇ ଜୋରରେ ପିଟି ହୋଇଥିଲା ଗାଡ଼ିଟି । ଏପଟେ ରାସ୍ତାରେ ପଡିଥିବା ବାଇକ ଚାଳକ ଜଣକ ଉଠିବା ପାଇଁ ଚେଷ୍ଟା କରୁଥିବା ବେଳେ ବିଦ୍ୟୁତ୍ ଖୁଣ୍ଟଟି ଭାଙ୍ଗି ସିଧା ତାଙ୍କ ମୁଣ୍ତ ଉପରେ ପଡିଥିଲା । ଖୁଣ୍ଟ ପଡିବା ପରେ ବ୍ୟକ୍ତି ଜଣକ ପୁଣି ତଳେ ପଡିଯାଉଛନ୍ତି । କିନ୍ତୁ ହେଲମେଟ୍ ପାଇଁ ତାଙ୍କ ମୁଣ୍ତରେ ଆଘାତ ଲାଗି ନଥିଲା ଓ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତି ଯାଇଛନ୍ତି ବ୍ୟକ୍ତି ଜଣକ ।

God helps those who wear helmet !#RoadSafety#DelhiPoliceCares pic.twitter.com/H2BiF21DDD

— Delhi Police (@DelhiPolice) September 15, 2022

ଏହି ଭିଡିଓ ସେୟାର କରି ଦିଲ୍ଲୀ ପୋଲିସ୍ ଲେଖିଛି ଯେ' ହେଲମେଟ୍ ପିନ୍ଧିଲେ ଭଗବାନ ରକ୍ଷା କରିବେ, ହେଲମେଟ୍ ଆପଣଙ୍କୁ ଥରେ, ଦୁଇ ଥର କି ୩ ଥର ନୁହେଁ ଏକାଧିକ ଥର ରକ୍ଷା କରିପାରିବ । ସୋସିଆଲ ମିଡିଆରେ ଏହି ଭିଡିଓଟି ଭାଇରାଲ ହେବାରେ ଲାଗିଛି । ଏ ପର୍ଯ୍ୟନ୍ତ ଲକ୍ଷାଧିକ ଲୋକ ଏହାକୁ ଦେଖିବା ସହ ସେୟାର ମଧ୍ୟ କରୁଛନ୍ତି ।

English summary

Wear helmet , God saves :Delhi Police