ପ୍ରେମିକା ସହ ବ୍ରେକଅପ୍ ପରେ ଲାଇଭ୍ ଭିଡିଓରେ ପିଇଲେ ବିଷ

Viral News: ବ୍ରେକଅପ୍ ପରେ ବିଷ ପିଇଲେ ଯୁବକ,ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ । ଏପରି ଘଟଣା ଆଗ୍ରାରେ ଘଟିଛି, ଭାଇରାଲ ହେଉଥିବା ଭିଡିଓରେ ଯୁବକ ଜଣକ ବିଷ ପିଉଥିବାର ନଜର ଆସୁଛନ୍ତି । ତେବେ ଭିଡିଓଟି ସୋସିଆଲ ମିଡିଆରେ ପୋଷ୍ଟ କରାଯାଇଛି । ତେବେ ନିଜ ପ୍ରେମିକା ସହ ବ୍ରେକ୍ ଅପ ପରେ ଯୁବକ ଜଣକ ବିଷ ପିଇ ଆତ୍ମହତ୍ୟା କରିବା ପାଇଁ ଚେଷ୍ଟା କରିଛନ୍ତି ।

ଇନଷ୍ଟାଗ୍ରାମରେ ଲାଇଭ ଭିଡିଓ ଦେଖି ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କ ଜୀବନ ରକ୍ଷା କରିଥିଲା ​​ଏବଂ ଯୁବକଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠାରେ ତାଙ୍କର ଚିକିତ୍ସା ଜାରି ରହିଛି ।

ଏହି ଘଟଣା ପୋଲିସ ଷ୍ଟେସନ ଟ୍ରାନ୍ସ ଯମୁନା ଅଞ୍ଚଳର, ଯେଉଁଠାରେ ସୋସିଆଲ ମିଡିଆ ସାଇଟ ଇନଷ୍ଟାଗ୍ରାମରେ ଲାଇଭ ଭିଡିଓ ଦେଖିବାକୁ ମିଳୁଛି ଏବଂ ଲାଇଭ ଭିଡିଓରେ ଜଣେ ଯୁବକ କିଛି ରାସାୟନିକ ପଦାର୍ଥ ଖାଉଥିବା ଦେଖିବାକୁ ମିଳିଛି। ଭିଡିଓଟି ଭାଇରାଲ ହେବା ପରେ ଆଗ୍ରା ପୋଲିସ୍ କମିଶନରଙ୍କ ମିଡିଆ ସେଲ୍ ଇନଷ୍ଟାଗ୍ରାମର ଲାଇଭ୍ ଭିଡିଓ ଦେଖିଥିଲା ଏବଂ ତୁରନ୍ତ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପୋଲିସ କବାଟ ଭାଙ୍ଗି ଯୁବକକୁ ବାହାରକୁ ଆଣି ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲା, ସେଠାରେ ଡାକ୍ତର ତାଙ୍କୁ ଚିକିତ୍ସା କରିଥିଲେ।

ତେବେ ପୋଲିସର ସଜାଗତା ଏବଂ ତତ୍ପରତା କାରଣରୁ ଯୁବକଙ୍କ ଜୀବନ ବଞ୍ଚିଯାଇଛି। ଚିକିତ୍ସା ପରେ ଯୁବକଙ୍କୁ ପଚରାଉଚରା କରିବା ବେଳେ ଉକ୍ତ ଯୁବ ଯୁବକ ଜଣକ କହିଥିଲେ ଯେ, ତାଙ୍କ ପ୍ରେମିକାଙ୍କ ସହ ବ୍ରେକଅପ୍ ପରେ ସେ ଆଉ ବଞ୍ଚିବାକୁ ଚାହୁଁ ନାହାଁନ୍ତି ଏବଂ ତେଣୁ ଇନଷ୍ଟାଗ୍ରାମରେ ଏକ ଭିଡିଓ କରି ଆତ୍ମହତ୍ୟା କରିବାର ନିଷ୍ପତ୍ତି ନେଇଥିଲେ ।