ମଶା ଧୂଆଁରୁ ଲାଗିଗଲା ନିଆଁ ! ପୁଲିସ ବାରାକରେ ଅଗ୍ନିକାଣ୍ଡ ଘଟି 3 ଯବାନ ଗୁରୁତର

ଭଦ୍ରକର ପୁରୁଣା ବଜାର ଥାନା ପୁଲିସ ବାରାକରେ ଅଗ୍ନିକାଣ୍ଡ ଘଟି 3 ଯବାନ ଗୁରୁତର

Published: Monday, November 9, 2020, 13:06 [IST]

ଭଦ୍ରକର ପୁରୁଣା ବଜାର ଥାନା ପୁଲିସ ବାରାକରେ ଅଗ୍ନିକାଣ୍ଡ ଘଟିଛି । ଗତ ରବିବାର ରାତିରେ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି । ଏଥିରେ ତିନି ଜଣ ଯବାନ ଗୁରୁତର ଆହତ ହୋଇଛନ୍ତି । ଆହତ ଯବାନମାନଙ୍କୁ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଯାଇଛି । ସେମାନେ ହେଲେ ଗଣେଷ ନାୟକ, ସଂଗ୍ରାମ ଟୁଡୁ ଓ ମନୋରଞ୍ଜନ ଘଡେଇ ।

ମିଳିଥିବା ସୂଚନା ଅନୁସାରେ ଗତକାଲି ଡ୍ୟୁଟି ସାରି ରାତିରେ ଯବାନମାନେ ବାରାକରେ ଶୋଇଥିଲେ । ସେଠାରେ ମଶାଧୂଆଁରୁ ନିଆଁ ଲାଗିବା ପରେ ପାଖରେ ପୂର୍ବରୁ ଥିବା ବାରୁଦକୁ ଏହି ନିଆଁ ବ୍ୟାପିଥିଲା । ଫଳରେ ଏଥିରେ ତିନି ଜଣ ଯବାନ ନିଆଁରେ ପୋଡି ଆହତ ହୋଇଥିଲେ । ଖବର ପାଇ ଦମକଳବାହିନୀ ଘଟଣାସ୍ଥଳରେ ପହଞ୍ଚିବା ସହ ନିଆଁକୁ ଆୟତ୍ତ କରିଥିଲା । ଆହତମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା ।

Published On November 9, 2020