ଜାଣନ୍ତୁ କାହିଁକି ମାର୍ଚ୍ଚ ୮ ତାରିଖରେ ପାଳନ କରାଯାଏ ଆନ୍ତର୍ଜାତୀୟ ମହିଳା ଦିବସ

Women's Day 2025: ପ୍ରତିବର୍ଷ ୮ ମାର୍ଚ୍ଚରେ ସାରା ବିଶ୍ୱରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଏ। ମହିଳାମାନଙ୍ ପ୍ରତି ସମ୍ମାନ, ଅଧିକାର, ସମାନତା ଏବଂ ସାମାଜିକ, ଆର୍ଥିକ ଏବଂ ସଶକ୍ତିକରଣକୁ ପ୍ରୋତ୍ସାହିତ କରିବା ପାଇଁ ଏବଂ ପ୍ରତ୍ୟେକ କ୍ଷେତ୍ରରେ ମହିଳାଙ୍କ ପ୍ରତି ଭେଦଭାବକୁ ବନ୍ଦ କରିବା ପାଇଁ ଏହି ଦିନକୁ ପାଳନ କରାଯାଏ ।

ମହିଳା ଅଧିକାର ଏବଂ ସମାନତା ପ୍ରତି ସଚେତନତା ବୃଦ୍ଧି କରିବା ପାଇଁ ଆନ୍ତର୍ଜାତୀୟ ମହିଳା ଦିବସ ମଧ୍ୟ ଏକ ବିଶେଷ ଅବସର। ଅନ୍ତର୍ଜାତୀୟ ମହିଳା ଦିବସ କେବେ ଏବଂ କିପରି ଆରମ୍ଭ ହୋଇଥିଲା ଏବଂ ଏହା ସହିତ, ଏହାର ଗୁରୁତ୍ୱ କ'ଣ ରହିଛି ।

ଅନ୍ତର୍ଜାତୀୟ ମହିଳା ଦିବସ ୧୯୭୫ ମସିହାରେ ଆରମ୍ଭ ହୋଇଥିଲା। ଦୁଇ ବର୍ଷ ପରେ, ୧୯୭୭ ମସିହାରେ, ଜାତିସଂଘ ସାଧାରଣ ସଭାରେ ୮ ମାର୍ଚ୍ଚ ତାରିଖକୁ 'ମହିଳା ଦିବସ' ଭାବରେ ଘୋଷଣା କରାଯାଇଥିଲା । ଗଣମାଧ୍ୟମ ରିପୋର୍ଟ ଅନୁସାରେ, ମହିଳା ଦିବସର ଇତିହାସ ଏହାଠାରୁ ବହୁତ ପୁରୁଣା। ଆମେରିକାର ସମାଜବାଦୀ ପାର୍ଟି ପ୍ରଥମ ଥର ପାଇଁ ୨୮ ଫେବୃଆରୀ ୧୯୦୯ ରେ ଏହାକୁ ପାଳନ କରିଥିଲା। ଏହା ପରେ, ମହିଳା ଦିବସ ସମ୍ପର୍କରେ ସଂଘର୍ଷ ଏବଂ ଆନ୍ଦୋଳନର ଏକ ଲମ୍ବା ପ୍ରକ୍ରିୟା ଚାଲିଥିଲା, ଯେଉଁଥିରେ ମହିଳାମାନେ ସେମାନଙ୍କର ଅଧିକାରର ସୁରକ୍ଷା ପାଇଁ ସ୍ୱର ଉଠାଇଲେ। କେବଳ ଏତିକି ନୁହେଁ, ୧୯୦୮ ମସିହାରେ ପ୍ରାୟ ୧୫ ହଜାର ମହିଳା କମ କାର୍ଯ୍ୟ ଘଣ୍ଟା, ଉତ୍ତମ ଦରମା ଏବଂ ଭୋଟଦାନ ଅଧିକାର ପାଇଁ ଶୋଭାଯାତ୍ରା କରିଥିଲେ।

୧୯୧୧ ମସିହା ମାର୍ଚ୍ଚ ୧୯ ତାରିଖରେ ଅଷ୍ଟ୍ରିଆ, ଡେନମାର୍କ, ଜର୍ମାନୀ ଏବଂ ସ୍ୱିଜରଲ୍ୟାଣ୍ଡରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା। କିନ୍ତୁ, ୮ ମାର୍ଚ୍ଚ ୧୯୭୧ରେ ରୁଷୀୟ ମହିଳାମାନଙ୍କ ଧର୍ମଘଟ ପରେ, ମହିଳା ଦିବସର ତାରିଖକୁ ୮ ମାର୍ଚ୍ଚକୁ ପରିବର୍ତ୍ତନ କରାଯାଇଥିଲା। ସେବେଠାରୁ, ମାର୍ଚ୍ଚ ୮ ତାରିଖକୁ ବିଶ୍ୱସ୍ତରୀୟ ଅନ୍ତର୍ଜାତୀୟ ମହିଳା ଦିବସ ଭାବରେ ପାଳନ କରାଯାଇ ଆସୁଛି ।
ସମାଜରେ ମହିଳାମାନଙ୍କ ଭୂମିକାକୁ ସଶକ୍ତ କରିବା ଏବଂ ସେମାନଙ୍କ ପ୍ରତି ହେଉଥିବା ଭେଦଭାବକୁ ଦୂର କରିବା ଲକ୍ଷ୍ୟରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଏ।