ଆଜି ପବିତ୍ର 'ଇଦ ଉଲ୍ ଫିତର', ସାରା ଦେଶରେ ଉତ୍ସାହର ମାହୋଲ

ଭୁବନେଶ୍ୱର:ଇଦ୍ ମୁବାରକ...ଆଜି ପବିତ୍ର 'ଇଦ ଉଲ୍ ଫିତର' । ଇସଲାମ ଧର୍ମାବଲମ୍ବୀଙ୍କ ବଡ଼ ପର୍ବ । ସାରା ଦେଶରେ ବେଶ୍ ଧୂମଧାମରେ ହର୍ଷ ଉଲ୍ଲାସର ସହ ପାଳନ ହେଉଛି ଏହି ପର୍ବ । ମାସକର ରମଜାନ ପରେ ଆଜି ବେଶ୍ ଉତ୍ସାହର ସହ ଇଦ୍ ପାଳୁଛନ୍ତି ଲକ୍ଷାଧିକ ମୁସଲିମ୍ ଭାଇ ଭଉଣୀ ।

ଇଦ୍ ଅବସରରେ ଲୋକମାନେ ପରସ୍ପରକୁ ଅଭିନନ୍ଦନ ଜଣାଉଛନ୍ତି । ୨୧ ଏପ୍ରିଲ ସନ୍ଧ୍ୟାରେ ଇଦ୍ ଚାନ୍ଦ ଭାରତରେ ଦୃଶ୍ୟମାନ ହୋଇଥିଲା । ଯାହା ସହ ଶେଷ ହୋଇଥିଲା ରମଜାନ ମାସ । ଗତକାଲି ଶେଷ ରୋଜା ପରେ ଆଜି ସାରା ଦେଶରେ ଉତ୍ସାହର ସହ ପାଳନ ହେଉଛି ଇଦ୍ । ଆଜି ଦିଲ୍ଲୀ, କଲିକତା, ଚେନ୍ନାଇ, ମୁମ୍ବାଇ ସମେତ ଓଡ଼ିଶାରେ ମଧ୍ୟ ପାଳନ ହେଇଛି ଇଦ୍ । ନମାଜ ପାଠ କରିବା ପରେ ଦାନ ଧର୍ମ କରି ପାଳନ ହେଉଛି ଇଦ ।

ଇଦ୍ ପାଳନ ପାଇଁ କଟକ, ଭଦ୍ରକ ସମେତ ସମ୍ବଲପୁରରେ ମଧ୍ୟ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଛି । ମହସଜିଦ ଓ ଆଖପାଖ ଅଞ୍ଚଳରେ ପୋଲିସ ଫୋର୍ସ ମୁତୟନ କରାଯାଇଛି । ସେପଟେ ଆଜି ସକାଳୁ ଦିଲ୍ଲୀ ଜାମା ମସଜିଦରେ ସମୁହ ନମାଜ ପାଠ ହୋଇଛି ।

English summary

Eid Ul Fitr 2023:Eid Being Celebtated In India Today.