Children's Day: ଏହା ଥିଲା ଜବାହାରଲାଲ ନେହେରୁଙ୍କ ଶେଷ ଇଛା, ଯାହା ହେଲା ନାହିଁ ପୂରଣ !

Children's Day 2024: ସ୍ୱାଧୀନ ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁ ଜନ୍ମଦିନକୁ ଶିଶୁ ଦିବସ ଭାବେ ପାଳନ କରାଯାଏ । ଆଜି ଅର୍ଥାତ୍ ୧୪ ନଭେମ୍ବର ହେଉଛି ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ଜନ୍ମଦିନ । ୧୮୮୯ ମସିହା ନଭେମ୍ବର ମାସ ୧୪ ତାରିଖ ଦିନ ଆହ୍ଲାବାଦର ଆନନ୍ଦ ଭବନରେ ଜନ୍ମ ଗ୍ରହଣ କରିଥିଲେ ଜବାହାରଲାଲ ନେହେରୁ ।

ତାଙ୍କ ପିତାଙ୍କ ନାମ ମୋତିଲାଲ ନେହେରୁ ଓ ମାତାଙ୍କ ନାମ ସ୍ବରୂପା ରାଣୀ ଥିଲେ । ପରେ, ଜବାହାରଲାଲ ନେହେରୁ ସମଗ୍ର ବିଶ୍ୱରେ ଅନେକ ଖ୍ୟାତି ଅର୍ଜନ କରିଥିଲେ । ସେ ଭାରତର ପ୍ରଥମ ପ୍ରଧାନମନ୍ତ୍ରୀ ହୋଇଥିଲେ। କେବଳ କଂଗ୍ରେସ ଦଳର ନେତା ନୁହଁନ୍ତି ଅନ୍ୟ ଦଳର ନେତାମାନେ ମଧ୍ୟ ଜବାହରଲାଲ ନେହେରୁଙ୍କୁ ସମ୍ମାନ କରୁଥିଲେ ।

ଦେଶର ପିଲାମାନେ ପଣ୍ଡିତ ନେହେରୁଙ୍କୁ ବହୁତ ଭଲ ପାଉଥିଲେ, ଏବଂ ତାଙ୍କୁ ଚାଚା ନେହେରୁ ବୋଲି ଡାକୁଥିଲେ । ତାଙ୍କ ଦେହାନ୍ତ ପୂର୍ବରୁ ପଣ୍ଡିତ ନେହେରୁ ତାଙ୍କର ଶେଷ ଇଚ୍ଛା ସମସ୍ତଙ୍କ ଆଗରେ ରଖିଥିଲେ।

ଯେତେବେଳେ ପଣ୍ଡିତ ଜବାହରଲାଲ ନେହେରୁଙ୍କ ସ୍ୱାସ୍ଥ୍ୟ ଖରାପ ହେବାକୁ ଲାଗିଥିଲା ସେତେବେଳେ ସେ ତାଙ୍କ ଶେଷ ଇଚ୍ଛା ବିଷୟରେ ମଧ୍ୟ କହିଥିଲେ । ଜବାହାରଲାଲ ନେହେରୁ ତାଙ୍କ ଇଚ୍ଛାରେ ସ୍ପଷ୍ଟ ଭାବରେ ଲେଖିଛନ୍ତି ଯେ ତାଙ୍କ ଅନ୍ତିମ ସଂସ୍କାରରେ କୌଣସି ଧାର୍ମିକ ରୀତିନୀତି ପାଳନ କରାଯିବା ନାହିଁ । ହେଲେ ନେହେରୁଙ୍କର ମୃତ୍ୟୁ ପରେ ତାଙ୍କର ଶେଷ ରୀତିନୀତି ହିନ୍ଦୁ ରୀତିନୀତି ଅନୁଯାୟୀ କରାଯାଇଥିଲା।

ହେଲେ ଏହି ନିଷ୍ପତ୍ତି ତାଙ୍କ ଝିଅ ତଥା ଦେଶର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ନିଷ୍ପତ୍ତିରେ କରାଯାଇଥିଲା । ଇନ୍ଦିରା ଗାନ୍ଧୀଙ୍କ ଜୀବନୀ ଲେଖିଥିବା କ୍ୟାଥରିନ୍ ଫ୍ରାଙ୍କଙ୍କ ଅନୁଯାୟୀ ସେ କହିଛନ୍ତି ଯେ ତାଙ୍କ ପିତାଙ୍କ ଶେଷ ଇଚ୍ଛାକୁ ସମ୍ମାନ ଦେଇ ନ ଥିବାରୁ ଅନୁତାପ କରୁଛନ୍ତି ।

ଇନ୍ଦିରା ଗାନ୍ଧୀଙ୍କ ନେହେରୁଙ୍କ ଇଚ୍ଛା ବିରୋଧରେ ଯିବା ପାଇଁ ଚାହୁଁନଥିଲେ ଏପରି କରିବାରୁ ତାଙ୍କୁ ଖୁବ୍ କଷ୍ଟ ଲାଗିଥିଲା ହେଲେ କିନ୍ତୁ କେତେକ ଧାର୍ମିକ ନେତା ଓ ରାଜନେତା ତାଙ୍କ ଉପରେ ଚାପ ପକାଇଥିଲେ। ସେ କହିଛନ୍ତି ଯେ ଭାରତର ଲୋକମାନେ ଧର୍ମନିରପେକ୍ଷ ସମାଧି ପସନ୍ଦ କରିବେ ନାହିଁ। ଏବଂ ଏହି କାରଣରୁ ହିନ୍ଦୁ ରୀତିନୀତି ଅନୁଯାୟୀ ତାଙ୍କର ଶେଷ ରୀତିନୀତି କରାଯାଇଥିଲା ।।