୫୧ ବର୍ଷ ବୟସରେ ତୃତୀୟ ଥର ପାଇଁ ପିତା ହେବାକୁ ଯାଉଛନ୍ତି ବିଜେପି ନେତା ମନୋଜ ତିୱାରୀ

ମୁମ୍ବାଇ: ଭୋଜପୁରୀ ଇଣ୍ଡଷ୍ଟ୍ରି ସୁପରଷ୍ଟାର, ଗାୟକ ତଥା ବିଜେପି ନେତା ମନୋଜ ତିୱାରୀ ୫୧ ବର୍ଷ ବୟସରେ ତୃତୀୟ ଥର ପାଇଁ ପିତା ହେବାକୁ ଯାଉଛନ୍ତି । ସେ ତାଙ୍କ ଦ୍ୱିତୀୟ ପତ୍ନୀ ସୁରବୀଙ୍କର baby shower ଭିଡିଓ ସୋସିଆଲ ମିଡିଆରେ ସେୟାର କରି ସୂଚନା ଦେଇଛନ୍ତି । ଏହି ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।

ଚଳଚ୍ଚିତ୍ର ଜଗତଠୁ ଦୁରେଇ ରହିବା ସତ୍ୱେ ମନୋଜ ତିୱାରୀ ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁନ୍ତି ଏବଂ ନିଜ ଜୀବନର ପ୍ରତିଟି ଖବକ ପ୍ରଶଂସକଙ୍କ ସହ ସେୟାର କରନ୍ତି । ଦ୍ୱିତୀୟ ପତ୍ନୀ ସୁରବୀଙ୍କର baby shower ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି ବିଜେପି ନେତା ମନୋଜ ତିୱାରୀ । ଏହି ଭିଡିଓରେ ତାଙ୍କ ପତ୍ନୀ ବୋହୂ ପରି ସଜେଇ ହୋଇଛନ୍ତି । ଭିଡିଓ ସେୟାର କରିବା ସହ କ୍ୟାପସନରେ ଲେଖିଛନ୍ତି, ' ଖୁସିକୁ ଶବ୍ଦରେ ବର୍ଣ୍ଣନା କରିପାରିବୁ ନାହିଁ ... ଆମେ କେବଳ ଅନୁଭବ କରିପାରିବା ...' ଭୋଜପୁରୀ ତାରକା ତଥା ବିଜେପି ନେତାଙ୍କ ଏହି ଭିଡିଓ ସେୟାର କରିବା ପରେ ପ୍ରଶଂସକମାନେ ମଧ୍ୟ ଅଭିନନ୍ଦନ ଜଣାଇବା ଆରମ୍ଭ କରିଛନ୍ତି । ଏଥିସହିତ ଭୋଜପୁରୀର ଇଣ୍ତଷ୍ଟ୍ରିର ଅନେକ କଳାକାର ମଧ୍ୟ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ମନୋଜ ତିୱାରୀ ଦୁଇଟି ବିବାହ କରିଛନ୍ତି । ସେ ପ୍ରଥମେ ୧୯୯୯ ରେ ରାନୀଙ୍କୁ ବିବାହ କରିଥିଲେ, କିନ୍ତୁ ୧୩ ବର୍ଷ ପରେ ସେମାନେ ପରଷ୍ପରଠୁ ଅଲଗା ହେବାର ନିଷ୍ପତ୍ତି ନେଇଥିଲେ । ୨୦୨୦ ମସିହାରେ ଲଗଡାଉନ୍ ସମୟରେ ସୁରଭି ତିୱାରୀଙ୍କୁ ବିବାହ କରିଥିଲେ ।

English summary

BJP Leader Manoj Tiwari Going To Be a Father Third Time