ଚଳିତ ବର୍ଷ ହେବନି ଭୁବନେଶ୍ୱର ବାଲିଯାତ୍ରା

କୋଭିଡ୍ ମହାମାରୀକୁ ଆଖି ଆଗରେ ରଖି ଚଳିତ ବର୍ଷ ଭୁବନେଶ୍ୱର ବାଲିଯାତ୍ରାକୁ ବନ୍ଦ କରାଯାଇଛି । ଏହାକୁ ସମର୍ଥନ କରିଛି ବାଲିଯାତ୍ରା ମହୋତ୍ସବ କମିଟି ।

Updated: Monday, November 9, 2020, 20:49 [IST]

ଭୁବନେଶ୍ୱର : କୋଭିଡ୍ ମହାମାରୀକୁ ଆଖି ଆଗରେ ରଖି ଚଳିତ ବର୍ଷ ଭୁବନେଶ୍ୱର ବାଲିଯାତ୍ରା ବନ୍ଦ କରି ଦିଆଯାଇଛି । ବାଲିଯାତ୍ରା ମହୋତ୍ସବ କମିଟି ସହ ପୁଲିସ କମିଶନରଙ୍କ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି । ଚଳିତ ବର୍ଷ ବାଲିଯାତ୍ରା ନ ହେବା ନେଇ କମିଶନରେଟ୍ ପୁଲିସ ପକ୍ଷରୁ ସୂଚନା ଦିଆଯାଇଛି । ଆହୁରି ମଧ୍ୟ ଯଦି ଆସନ୍ତା ବର୍ଷ ସ୍ଥିତି ସ୍ୱଭାବିକ ରୁହେ ତେବେ ବାଲିଯାତ୍ରା ପୂର୍ବପରି ଅନୁଷ୍ଠିତ ହେବ ବୋଲି କୁହାଯାଇଛି।

ନୌବାଣିଜ୍ୟର ପ୍ରତିକ ଐତିହାସିକ ବାଲିଯାତ୍ରା। ତେବେ ଗତକିଛି ବର୍ଷ ହେବ ଭୁବନେଶ୍ୱରରେ ଅନୁଷ୍ଠିତ ହୋଇ ଆସୁଥିବା ଏହି ବାଲିଯାତ୍ରା ପ୍ରତି ରାଜ୍ୟ ବାସୀଙ୍କର ଦୁର୍ବଳତା ରହିଛି । ପ୍ରତିବର୍ଷ ଲକ୍ଷାଧିକ ଲୋକଙ୍କ ସମାଗମ ହୁଏ ବାଲିଯାତ୍ରାରେ । ବେପାର ଯମେ । ରାଜ୍ୟ ଓ ରାଜ୍ୟ ବାହାରୁ ଅନେକ ଲୋକ ଏହି ବାଲିଯାତ୍ରା ଦେଖିବା ପାଇଁ ଆସନ୍ତି । ତେବେ କୋଭିଡ୍ ମହାମାରୀ ପାଇଁ ଏନେଇ ଉତ୍ସବରେ ତାଲା ପଡିଥିଲା । ଅନଲକ୍ ଆରମ୍ଭ ହୋଇଥିବା ବେଳେ କୌଣସି ଉତ୍ସବ ପାଳନ ନେଇ ସଂପୃକ୍ତ ସରକାର ଓ ଜିଲ୍ଲା ପ୍ରଶାସନକୁ ଦାଇତ୍ତ୍ୱ ଦିଆଯାଇଥିଲା । 200 ଲୋକଙ୍କୁ ଅନୁମତି ପ୍ରଦାନ କରାଯାଇଥିଲା । ତେବେ ବାଲିଯାତ୍ରାରେ ପ୍ରତିବର୍ଷ ଭିଡ ନିୟନ୍ତ୍ରଣ କରିବା କମିଶନରେଟ୍ ପୁଲିସ ପାଇଁ ଚ୍ୟାଲେଞ୍ଜନର ବିଷୟ ପାଲଟେ । ଶୀତ ବଢିଲେ କରୋନା ସଂକ୍ରମଣ ଅଧିକ ହେବା ନେଇ ପୂର୍ବରୁ ଆକଳନ କରାଯାଉଥିବା ବେଳେ ବାଲିଯାତ୍ରା ଏହାର କାରଣ ନ ପାଲଟୁ ସେ ଦିଗରେ ସମସ୍ତ ଆଲୋଚନା ଜାରି ରହିଥିଲା । ଶେଷରେ ଚଳିତବର୍ଷ ବାଲିଯାତ୍ରା ନ କରିବା ସପକ୍ଷରେ ବାଲିଯାତ୍ରା ମହୋତ୍ସବ କମିଟି ସମ୍ମତି ପ୍ରଦାନ କରିଛି ।