ସେୟାର ବଜାରରେ ଝଡ଼,୩୩୦୦ ପଏଣ୍ଟ ହ୍ରାସ ପାଇଲା ସେନସେକ୍ସ

Stock Market Crash: ଟ୍ରମ୍ପଙ୍କ ଟାରିଫ ଘୋଷଣା ପରେ ସେୟାର ବଜାରରେ ସୃଷ୍ଟି ହୋଇଛି ଝଡ଼ । ସୋମବାର ସକାଳେ ବଜାର ଖୋଲିବା ମାତ୍ରେ ସେନସେକ୍ସ ପ୍ରାୟ 3300 ପଏଣ୍ଟ ହ୍ରାସ ପାଇଥିଲା। ଅର୍ଥାତ୍ ପ୍ରାୟ 4.70 ପ୍ରତିଶତ ହ୍ରାସ ପାଇଛି। ସେହିପରି ନିଫ୍ଟି ପ୍ରାୟ 1000 ପଏଣ୍ଟ ହ୍ରାସ ପାଇଛି। BSEରେ ତାଲିକାଭୁକ୍ତ କମ୍ପାନୀଗୁଡ଼ିକର ବଜାର ପୁଞ୍ଜି 19.39 ଲକ୍ଷ କୋଟି ଟଙ୍କା ହ୍ରାସ ପାଇଛି। ଏହାର ଅର୍ଥ ହେଉଛି ବଜାର ଖୋଲିବା ମାତ୍ରେ ନିବେଶକଙ୍କ ସମ୍ପତ୍ତି ୧୯.୩୯ ଲକ୍ଷ କୋଟି ଟଙ୍କା ହ୍ରାସ ପାଇଛି।

ଅଷ୍ଟ୍ରେଲିଆର S&P 200 6.5 ପ୍ରତିଶତ ହ୍ରାସ ପାଇ 7184.70 ରେ ପହଞ୍ଚିଛି, ଦକ୍ଷିଣ କୋରିଆର Kospi 5.5 ପ୍ରତିଶତ ହ୍ରାସ ପାଇ 2328.52 ରେ ପହଞ୍ଚିଛି। ଏହା ପୂର୍ବରୁ, ଶୁକ୍ରବାର ଦିନ ଆମେରିକାର ନାସଡାକ୍ ବଜାର ପ୍ରାୟ 7 ପ୍ରତିଶତ ହ୍ରାସ ସହିତ ବନ୍ଦ ହୋଇଥିଲା। ବିଶେଷଜ୍ଞଙ୍କ ଅନୁସାରେ ଯଦି ପରିସ୍ଥିତିକୁ ନିୟନ୍ତ୍ରଣ କରାନଯାଏ ତେବେ ଆମେରିକୀୟ ମାର୍କେଟ ଅବସ୍ଥା 1987 ମସିହାରେ ଘଟିଥିବା ପରି ହୋଇପାରେ।

ପୂର୍ବରୁ, ଶୁକ୍ରବାର ଦିନ ଆମେରିକାର ଷ୍ଟକ୍ ବଜାର ପ୍ରାୟ 6 ପ୍ରତିଶତ ହ୍ରାସ ପାଇଥିଲା, ଯାହା 2020 ପରଠାରୁ ସେଠାକାର ବଜାର ପାଇଁ ସବୁଠାରୁ ଖରାପ ସପ୍ତାହ ଥିଲା। ମାଷ୍ଟର ଟ୍ରଷ୍ଟ ଗ୍ରୁପ୍ ନିର୍ଦ୍ଦେଶକ ପୁନିତ ସିଂଘାନିଆ କହିଛନ୍ତି, "ଏହି ସପ୍ତାହ ବିଶ୍ୱ ଏବଂ ଭାରତୀୟ ବଜାର ପାଇଁ ଅସ୍ଥିର ହେବାକୁ ଯାଉଛି, କାରଣ ଆମେରିକା ରାଷ୍ଟ୍ରପତି ଟ୍ରମ୍ପ ବିଶ୍ୱର ବିଭିନ୍ନ ଦେଶ ଉପରେ ଶୁଳ୍କ ଲଗାଇଛନ୍ତି, ଯାହା ଏକ ବ୍ୟାପକ ବାଣିଜ୍ୟ ଯୁଦ୍ଧ ଏବଂ ବିଶ୍ୱ ଅର୍ଥନୈତିକ ମାନ୍ଦାବସ୍ଥାର ଆଶଙ୍କା ସୃଷ୍ଟି କରିଛି।