ସବଧାନ ! ଆସୁଛି ବାତ୍ୟା 'ମୋକା', ରୁହନ୍ତୁ ସାବଧାନ, କରନ୍ତୁ ନାହିଁ ଏହି କାର୍ଯ୍ୟ

Updated: Thursday, May 11, 2023, 17:18 [IST]

Cyclone Mocha 2023: ବଙ୍ଗୋପସାଗରରେ ସୃଷ୍ଟି ହେଲା ବାତ୍ୟା 'ମୋକା' । ଯାହା ଆଜି ରାତି ସୁଦ୍ଧା ନେଇପାରେ ଭୟଙ୍କ ରୂପ । ଯେଉଁ କାରଣରୁ ଅନେକ ରାଜ୍ୟରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି । ଏହି ବାତ୍ୟାର ନାମ ୟେମେନ ଦେଶ ଦ୍ୱାରା ନାମତ କରାଯାଇଛି । ଏହି ବାତ୍ୟାକୁ ବହୁତ ଶକ୍ତିଶାଳୀ ବୋଲି କୁହାଯାଉଛି । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ଏହା ହେଉଛି ବର୍ଷର ପ୍ରଥମ ସାଇକ୍ଲୋନନ୍ ।

ବାତ୍ୟା ହେଉଛି ଏକ ପ୍ରାକୃତି ଘଟଣା । ଯାହାରୁ ଅଟକାଯାଇ ପାରିବ ନାହିଁ । ହେଲେ ବାତ୍ୟା ସମୟରେ ସତର୍କ ରହିବା ଦ୍ୱାରା ଅନେକ ଅଘଟଣକୁ ଏଡାଯାଇ ପାରିବ । ଏପରକି ସାଇକ୍ଲୋନନ୍ ପରେ ମଧ୍ୟ କିଛି ସତର୍କତା ଅବଲମ୍ବନ କରିବା ଉଚିତ । ତେବେ ଚାଲନ୍ତୁ ଜାଣିବା ବାତ୍ୟା ସୟରେ କ'ଣ କରିବା ଉଚିତ୍ ।

ବାତ୍ୟା ସୟରେ କରନ୍ତୁ ନାହିଁ ଏହି କାର୍ଯ୍ୟ

ବାତ୍ୟା ସୟରେ ଦିଆଯାଇଥିବା ଚେତାବନୀକୁ ଅତି ଗୁରୁତର ସହ ନିଆଯିବା ଉଚିତ୍ ।
ବାତ୍ୟା ସମୟରେ ସତର୍କ ରହିବା ସହ ଘର ବାହରକୁ ନ ଯିବା ପାଇଁ ଚେଷ୍ଟା କରିବା ଉଚିତ୍ ।
ଜରୁରୀ ପରିସ୍ଥିତି ଥିଲେ ସାବଧାନ ସହ ଘର ବାହାରକୁ ଯାଆନ୍ତୁ ଏବଂ ଯଥାଶୀଘ୍ର ଘରକୁ ଫେରିବା ପାଇଁ ଚେଷ୍ଟା କରନ୍ତୁ ।
ଯଦି ଆପଣ ଘର ବାହାରେ ଅଛନ୍ତି ଏବଂ ଆପଣ ବାତ୍ୟା ଆଲର୍ଟ ବିଷୟରେ ସୂଚନା ପାଇଛନ୍ତି କିନ୍ତୁ ଘରଠୁ ବହୁ ଦୂରରେ ଅଛନ୍ତି ତେବେ ଆପଣ ଯେଉଁ ସ୍ଥାନରେ ଅଛନ୍ତି ସେଠାରେ ରହିବାକୁ ଚେଷ୍ଟା କରନ୍ତୁ ।
ପବନ ବର୍ଷା ସମୟରେ ଛାତ ଉପରକୁ ଯାଆନ୍ତୁ ନାହିଁ ।
ବାତ୍ୟା ସମୟରେ ବିଦ୍ୟୁତିକ ସାମଗ୍ରୀଠାରୁ ଦୂରରେ ରୁହନ୍ତୁ, ଯଦି ସମ୍ଭବ, ମାଇକ୍ରୋୱେଭ୍, ଫ୍ରିଜ୍, ୱାସିଂ ମେସିନ୍, ଟିଭି ପରି ସାମଗ୍ରୀର ପାୱାର୍ ପ୍ଲଗ୍ କାଢି ଦିଅନ୍ତୁ ।
ଯଦି ଆପଣ ଘର ବାହାରେ ଅଛନ୍ତି, ତେବେ ବର୍ଷା-ପବନ ସମୟରେ କୌଣସି ଗଛ କିମ୍ବା ଘର ତଳେ ଠିଆ ହୁଅନ୍ତୁ ନାହିଁ ।
ଯଦି ଆପଣ ଗାଡି ଚଳାଉଛନ୍ତି ତେବେ ସମୁଦ୍ର କୂଳ, ଗଛ,ବିଦ୍ୟୁତ୍ ପୋଲ ତଳେ ପାର୍କିଂ କରନ୍ତୁ ନାହିଁ ।

ବାତ୍ୟା ପରେ କରନ୍ତୁ ଏହି କାର୍ଯ୍ୟ

ବାତ୍ୟା ବା ପବନ ବର୍ଷା ବନ୍ଦ ହେବା ପରେ ତୁରନ୍ତ ଘର ବାହାରକୁ ଯାଆନ୍ତୁ ନାହିଁ ।ଯଦି ଆପଣ ଘରୁ ବାହାରେ ଅଛନ୍ତି ତେବେ ସର୍ଟକଟ୍ ନିଅନ୍ତୁ ନାହିଁ ସବୁବେଳେ ଖୋଲା ରାସ୍ତାରେ ଯିବା ପାଇଁ ଚେଷ୍ଟା କରନ୍ତୁ ।
ଛିଡି ଯାଇଥିବା ବିଦ୍ୟୁତ ତାରକୁ ଛୁଅନ୍ତୁ ନାହିଁ ସେହିପରି ଭାଙ୍ଗି ଯାଇଥିବା ପୋଲ ଉପରେ ଯାତାୟତ କରନ୍ତୁ ନାହିଁ ।
ପ୍ରାୟତଃ ବର୍ଷା ସମୟରେ ଅନେକ ସାପ ମଧ୍ୟ ବାହାରକୁ ଆସନ୍ତି ତେଣୁ ସାବଧାନ ରୁହନ୍ତୁ ।
ଆପଣଙ୍କ ଘରର ଆଖପାଖକୁ ସଫା ରଖିବା ପାଇଁ ଚେଷ୍ଟା କରନ୍ତୁ ଏବଂ କୀଟନାଶକ ଔଷଧ ସ୍ପ୍ରେ କରନ୍ତୁ ଏବଂ ପାଣି ଜମା ହେବା ପାଇଁ ଦିଅନ୍ତୁ ନାହିଁ । କାରଣ ଏହା ମଶା ବଂଶ ବୃଦ୍ଧି କରିବା ସହ ଯାହା ରୋଗ ସୃଷ୍ଟି କରିଥାଏ ।