ମୁମ୍ବାଇକୁ ଜୀକା ଭାଇରସ୍ ଭୟ: ଚିହ୍ନଟ ହେଲେ ଜଣେ ସଂକ୍ରମିତ, ବଢିଲା ଅନ୍ୟ ରାଜ୍ୟର ଚିନ୍ତା

Updated: Saturday, August 26, 2023, 17:40 [IST]

ମୁମ୍ବାଇ: କରୋନା ପରେ ଏବେ ଦେଶକୁ ଜୀକା ଭାଇରସ୍ ଭୟ । ମୁମ୍ବାଇରେ ଏକ ଆକ୍ରାନ୍ତ ଚିହ୍ନଟ ହେବା ପରେ ଆଲର୍ଟରେ ଅନ୍ୟ ସମସ୍ତ ରାଜ୍ୟ । ମୁମ୍ବାଇର ଚମ୍ବୁର ସ୍ଥିତ ଅଞ୍ଚଳର ଜଣେ ବ୍ୟକ୍ତି ଏହି ଭାଇରାସ ପଜେଟିଭ୍ ଥିବା ସୂଚନା ରହିଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ଏହି ଭାଇରସ ମଶା ଦ୍ୱାରା ବ୍ୟାପିଥାଏ । ଏହି ଭାଇରସ୍ ଡେଙ୍ଗୁ ପରି ।

ଜୀକି ଭାଇରସର ଲକ୍ଷଣ
ଏହି ଭାଇରସରେ ଆକ୍ରାନ୍ତ ଲୋକକୁ ଜ୍ୱର ଆସିବା ସହ ତ୍ୱଚା ଲାଲ ପଡିଯାଇଥାଏ । ଏଥିସହିତ ମୁଣ୍ତ ଏବଂ ଦେହ ହାତ ପ୍ରବଳ ବିନ୍ଧା ହୋଇଥାଏ । ଏହି ଭାଇରସ ମଶା ଦ୍ୱାରା ବ୍ୟାପିଥାଏ । ଏହି ଭାଇାରସ୍ ଗର୍ଭବତୀ ମା'ଠୁ ଶିଶୁକୁ ମଧ୍ୟ ବ୍ୟାପିଥାଏ ।

ସୂଚନା ଅନୁସାରେ, ମୁମ୍ବାଇ ଚମ୍ବୁର ଅଞ୍ଚଳରେ ରହୁଥିବା ଜଣେ ବ୍ୟକ୍ତି ଜୀକା ଭାଇରସ ପଜିଟିଭ୍ ଚିହ୍ନଟ ହୋଇଛନ୍ତି । ବର୍ତ୍ତମାନ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ଚିକିତ୍ସା ଜାରି ରହିଛି । ତାଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ନେଇ ଖବର ରହିଛି । ମୁମ୍ବାଇର ଏହି ଭାଇରସ ଚିହ୍ନଟ ହେବା ପରେ ଅନ୍ୟ ରାଜ୍ୟକୁ ସତର୍କ ସୂଚନା ଜାରି କରାଯାଇଛି ।

ଜୀକା ଭାଇରାସ ମଶା ଦ୍ୱାରା ବ୍ୟାପିଥାଏ । ୧୯୪୭ ମସିହାରେ ପ୍ରଥମ ଥର ୟୁଗାଣ୍ତାରେ ଏହି ଭାଇରାଲ ଚିହ୍ନଟ ହୋଇଥିଲା । ସେହି ସମୟରେ ଏହି ଭାଇରାସ ଅନେକଙ୍କ ଜୀବନ ନେଇଥିଲା । ଗର୍ଭବତୀ ମହିଳା ମାନେ ଅଧିକା ଆକ୍ରାନ୍ତ ହୋଇଥିଲେ ।