ପ୍ରାଣ ପ୍ରତିଷ୍ଠା ପରେ ଯୋଗୀ କହିଲେ 'ଆଜି ଜୀବନ ଧନ୍ୟ ହୋଇଗଲା'
ଅଯୋଧ୍ୟା : ଭାରତର ସ୍ୱର୍ଣ୍ଣିମ ଇତିହାସରେ ଜାନୁଆରୀ ୨୨ ତାରିଖ ସବୁ ବେଳେ ଅମର ହୋଇ ରହିବ । ୫୦୦ ବର୍ଷର ଲମ୍ବା ଅପେକ୍ଷା ପରେ ରାମଲାଲା ତାଙ୍କର ଭବ୍ୟ ମନ୍ଦିରରେ ପ୍ରବେଶ କରିଛନ୍ତି । ଆଜି ଅଯୋଧ୍ୟା ସହ ସାରା ଦେଶ ହୋଇଛି ରାମମୟ । ମନ୍ଦିରର ସମର୍ପଣ ସମାରୋହରେ ଅଯୋଧ୍ୟାରେ ପହଞ୍ଚିଥିବା ସ୍ୱତନ୍ତ୍ର ଅତିଥିମାନଙ୍କୁ ସମ୍ବୋଧିତ କରି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ, ମୁଁ ଆପଣ ସମସ୍ତଙ୍କୁ ସ୍ୱାଗତ କରୁଛି ।
ସେ ରାମ ମନ୍ଦିରକୁ ଜାତୀୟ ମନ୍ଦିର ଭାବରେ ବର୍ଣ୍ଣନା କରି କହିଛନ୍ତି ଯେ ଶ୍ରୀ ରାମ ଜନ୍ମଭୂମି ଦୁନିଆରେ ପ୍ରଥମ ଏପରି ଅନନ୍ୟ ଘଟଣା ଯେଉଁଠାରେ ଏକ ଜାତିର ଅଧିକାଂଶ ସମ୍ପ୍ରଦାୟ ଜନ୍ମସ୍ଥାନରେ ଏକ ମନ୍ଦିର ନିର୍ମାଣ ପାଇଁ ଏତେ ବର୍ଷ ଧରି ସଂଗ୍ରାମ କରିଥଲେ ।
ଅନ୍ୟପଟେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପରେ ଭାବୁକ ଯୋଗୀ ଆଦିତ୍ୟନାଥ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟ କରିଛନ୍ତି । ସିଏମ ଲେଖିଛନ୍ତି, ଅଯୋଧ୍ୟା ଧାମର ଏହି ଦୃଶ୍ୟ ଦେଖି ମୁଁ ଭାବପ୍ରବଣ ଏବଂ ଆନନ୍ଦିତ ଅଟେ ।
୫୦୦ ବର୍ଷ ଅପେକ୍ଷା କରିବା ପରେ ଆମ ପ୍ରଭୁ ଶ୍ରୀ ରାମଲାଲାଙ୍କ ଭବ୍ୟ ମନ୍ଦିରରେ ବିରାଜମାନ ହେବା ଭାରତର ସାଂସ୍କୃତିକ ସମୃଦ୍ଧିର ଏକ ନୂତନ ଅଧ୍ୟାୟର ଆରମ୍ଭ ଅଟେ । ଜୟ ଜୟ ଶ୍ରୀରାମ । ମୁଖ୍ୟମନ୍ତ୍ରୀ କହିଛନ୍ତି , ଆଜି ଜୀବନ ଧନ୍ୟ ହୋଇଯାଇଛି । ଶତାବ୍ଦୀ ଧରି ଅପେକ୍ଷା, ଶପଥ ଓ ପ୍ରାର୍ଥନା ଅଯୋଧ୍ୟା ଧାମରେ ପ୍ରଭୁ ରାମଲାଲାଙ୍କ ନୂତନ ପ୍ରତିମାର ପ୍ରାଣ ପ୍ରତିଷ୍ଠା ସହିତ ସମାପ୍ତ ହୋଇଛି ।
ରାମଲାଲାଙ୍କ ନୂତନ ପ୍ରତିମୂର୍ତ୍ତିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ସମସ୍ତ ସମ୍ମାନିତ ଅତିଥି ଏବଂ ଭକ୍ତମାନଙ୍କୁ ହୃଦୟରୁ କୃତଜ୍ଞତା ଜଣାଉଛି ।
Click it and Unblock the Notifications
Sign in with Google