କରୋନାର ନୂଆ ଭାରିଆଣ୍ଟ ନିଓକୋଭ୍ : ପ୍ରତି ତିନି ଜଣରେ ଜଣଙ୍କ ମୃତ୍ୟୁ

ନୂଆଦିଲ୍ଲୀ: କରୋନାଭାଇରସର ଆଉ ଏକ ନୂତନ ପ୍ରଜାତି ନିଓକୋଭକୁ ନେଇ ବିଶ୍ବରେ ସୃଷ୍ଟି ହୋଇଛି ଆତଙ୍କ । ଏହି ନୂତନ ଭାଇରସର ସନ୍ଧାନ ମିଳିଛି ଦକ୍ଷିଣ ଆଫ୍ରିକାରେ । ଏହି ପ୍ରଜାତି ଶ୍ଵାସକ୍ରିୟା ସିଣ୍ଡ୍ରୋମ MERS-COV ସହିତ ଜଡିତ ଥିବା ଜଣାଯାଇଛି। ରୁସ ନ୍ୟୁଜ୍ ଏଜେନ୍ସି ରିପୋର୍ଟ ଅନୁଯାୟୀ ନିୟକୋଭ ପ୍ରଥମେ ଦକ୍ଷିଣ ଆଫ୍ରିକାର କେତେକ ବାଦୁଡିମାନଙ୍କଠାରେ ମିଳିଥିଲା। ଏହି ଭାଇରସରେ ଆକ୍ରାନ୍ତଙ୍କ ମୃତ୍ୟୁହାର ଯଥେଷ୍ଟ ଅଧିକ ବୋଲି କୁହାଯାଉଛି । ସେହିପରି ଏହାର ସଂକ୍ରମଣହାର ମଧ୍ୟ ଅନ୍ୟ ଭୂତାଣୁ ପ୍ରଜାତି ଠାରୁ ଅଧିକ ବୋଲି ବୈଜ୍ଞାନିକମାନେ ଦାବି କରିଛନ୍ତି ।

ତେବେ ସମ୍ପୃକ୍ତ ନ୍ଯୁଜ ଏଜେନ୍ସି ଦାବି କରିଛି ଯେ, ନିଓକୋଭ୍ 2012 ଏବଂ 2015ରେ ମଧ୍ୟ ଥିଲା ଏବଂ ଏହା ନୁଆ ନୁହେଁ, ଏହା ମଧ୍ୟ-ପ୍ରାଚ୍ୟ ଦେଶ ଗୁଡିକରେ ଆବିଷ୍କୃତ ହୋଇଥିଲା। MERS-CoVର ଉଚ୍ଚ ମୃତ୍ୟୁ ହାର ଅତ୍ୟନ୍ତ ସଂବେଦନଶୀଳ କାରଣ ପ୍ରତି ତିନି ଜଣରେ ହାରାହାରି ଜଣେ ସଂକ୍ରମିତ ମୃତ୍ୟୁବରଣ କରନ୍ତି। ଚିନ୍ତାର ବିଷୟ ହେଉଛି ବର୍ତ୍ତମାନ ସୁଦ୍ଧା ଅବିଷ୍କୃତ ଟୀକା ଆଣ୍ଟିବଡି କିମ୍ବା ପ୍ରୋଟିନ୍ ଅଣୁ ଦ୍ୱାରା ନିଓକୋଭ୍ରୁ କେହି ଆରୋଗ୍ୟ ହୋଇପାରିବେ ନାହିଁ ।

ଅନୁସନ୍ଧାନ ପରେ ରୁଷର ଷ୍ଟେଟ ଭାଇରୋଲୋଜି ଏବଂ ବାୟୋଟେକ୍ନୋଲୋଜି ରିସର୍ଚ୍ଚ ସେଣ୍ଟରର ବିଶେଷଜ୍ଞମାନେ ଏକ ବିବୃତ୍ତି ଜାରି କରି କହିଛନ୍ତି ଯେ ନିଓକୋଭ୍ ଜନିତ ସମ୍ଭାବ୍ୟ ବିପଦଗୁଡିକ ଅଧ୍ୟୟନ ଏବଂ ଅନୁସନ୍ଧାନ କରାଯିବା ଆବଶ୍ୟକ। ଏଠାରେ ସୂଚନା ଯୋଗ୍ୟ ଯେ, କୋଭିଡ୍ -19 ଉପରେ ବିଶ୍ଵ ସ୍ୱାସ୍ଥ୍ୟ ସଂଗଠନର ମାରିଆ ଭାନ୍ କେର୍ଖୋଭ ଦାବି କରିଛନ୍ତି ଯେ ଓମିକ୍ରନ୍ ପ୍ରଜାତି କରୋନାଭାଇରସର ଶେଷ ପ୍ରଜାତି ନୁହେଁ ଏବଂ ଭବିଷ୍ୟତରେ ଆହୁରି ଅନେକ ପ୍ରଜାତି ଦେଖାଦେଇପାରେ। "ଏହି ଭୂତାଣୁ ଏବେ ବି ବିକାଶ ଏବଂ ପରିବର୍ତ୍ତନ ହେଉଛି ଏବଂ ଆମେ ସେହି ଅନୁସାରେ ପରିବର୍ତ୍ତନ ଏବଂ ଆଡଜଷ୍ଟ କରିବା ଆବଶ୍ୟକ ।

English summary

Wuhan lab warns: One in three die in the new Covid variant neoCov