ମହିଳା ପୋଲିସଙ୍କ ହାତରେ ପ୍ରଧାନମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା

International Women's Day: ପ୍ରଥମ ଥର ପାଇଁ ଦେଶର ପ୍ରଧାନମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା ରହିଛି ମହିଳା ପୋଲିସଙ୍କ ହାତରେ । ଅନ୍ତର୍ଜାତୀୟ ମହିଳା ଦିବସ ଅବସରରେ ମହିଳାଙ୍କ ପ୍ରତି ବିଶ୍ୱାସ, ସମ୍ମାନ ଏବଂ ସମାନତାର ଗୁରୁତ୍ୱ କେତେ ଅଧିକ ତାହା ମୋଦିଙ୍କର ଏହି ନିଷ୍ପତ୍ତି ହିଁ ବଖାଣୁଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଆଜି ପ୍ରଧାନମନ୍ତ୍ରୀ ୨ ଦିନିଆ ଗୁଜୁରାଟ ଗସ୍ତରେ ଯାଇଛନ୍ତି ।

#WATCH | Gujarat: Women police officials take charge of the security arrangements of the Lakhpati Didi Program in Navsari, where PM Modi will participate today. pic.twitter.com/CRX6MrJDMk

— ANI (@ANI) March 8, 2025

ଆଜି ମୋଦି ଅନ୍ତର୍ଜାତୀୟ ମହିଳା ଦିବସ ଅବସରରେ ଆୟୋଜିତ ଲକ୍ଷପତି ଦିଦି ସମାରୋହରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମରେ ମହିଳାଙ୍କ ପାଇଁ କିଛି ବଡ଼ ଘୋଷଣା ମଧ୍ୟ କରାଯାଇ ପାରେ । ସେହିପରି ଗୁରୁତ୍ୱପୂର୍ଣ୍ଣ କଥା ହେଲା ଆଜି ମୋଦିଙ୍କ ଗସ୍ତ ବେଳେ ତାଙ୍କ ସୁରକ୍ଷା ଠାରୁ ଆରମ୍ଭ କରି କାର୍ଯ୍ୟକ୍ରମସ୍ଥଳ ଯାଏଁ ସମସ୍ତ ସୁରକ୍ଷା ବ୍ୟବସ୍ଥା ମହିଳା ପୋଲିସଙ୍କ ହାତରେ ରହିବ ।

ଗୁରୁତ୍ୱପୂର୍ଣ୍ଣ କଥା ହେଲା ପ୍ରଧାନମନ୍ତ୍ରୀଙ୍କ ସୁରକ୍ଷାରେ ମହିଳା ପୋଲିସ ରହିବା ଏହା ଦେଶର ପ୍ରଥମ ଘଟଣା । ତେବେ ଏହା ମହିଳା ଦିବସର ଅବସରରେ ଏକ ଶ୍ରେଷ୍ଠ ଉପହାର କରିବା ଭୁଲ ହେବ ନାହିଁ ।