ପାରାଗ୍ଲାଇଡିଂ ନେଲା ୨ ଜୀବନ

ପାରାଗ୍ଲାଇଡିଂ ସମୟରେ ଦୁର୍ଘଟଣା ଘଟି ଜଣେ ମହିଳା ପର୍ଯ୍ୟଟକ ଏବଂ ତାଙ୍କ ପ୍ରଶିକ୍ଷକଙ୍କ ମୃତ୍ୟୁ ଘଟିଛି। ଉତ୍ତର ଗୋଆରେ ଶନିବାର ସନ୍ଧ୍ୟାରେ ଏହି ଘଟଣା ଘଟିଥିବା ପୁଲିସ କହିଛନ୍ତି। ମହିଳା ଜଣକ ମହାରାଷ୍ଟ୍ରର ବୋଲି ସୂଚନା ମିଳିଛି। ଜଣେ ଅଧିକାରୀ କହିଛନ୍ତି ଯେ ଶନିବାର ସନ୍ଧ୍ୟା ପ୍ରାୟ ୫ଟାରେ କେରି ଗାଁରେ ଦୁର୍ଘଟଣା ଘଟିଥିଲା ।

ସେ କହିଛନ୍ତି ଯେ କେରି ପଠାରେ ଦୁର୍ଘଟଣାରେ ପୁଣେର ବାସିନ୍ଦା ପର୍ଯ୍ୟଟକ ଶିବାନୀ ଡେବଲେ ଏବଂ ତାଙ୍କ ପ୍ରଶିକ୍ଷକ ସୁମନ ନେପାଳୀ (୨୬)ଙ୍କ ମୃତ୍ୟୁ ହୋଇଛି । ମହିଳାଙ୍କ ପ୍ରଶିକ୍ଷକ ଜଣେ ନେପାଳୀ ନାଗରିକ ଥିଲେ । ଅଧିକାରୀ ଜଣକ କହିଛନ୍ତି ଯେ ଡେବଲ୍ ଯେଉଁ 'ଆଡଭେଞ୍ଚର ସ୍ପୋର୍ଟସ୍ କମ୍ପାନୀ' ସହିତ 'ପାରାଗ୍ଲାଇଡିଂ' ପାଇଁ ବୁକିଂ କରିଥିଲେ, ତାହା ବେଆଇନ ଭାବରେ ପରିଚାଳିତ ହେଉଥିଲା ।

ସେ କହିଛନ୍ତି ଯେ ଅଭିଯୋଗ ଅନୁଯାୟୀ, ପାରାଗ୍ଲାଇଡରଟି ଉଡ଼ାଣ ଭରିବା ପରେ ତୁରନ୍ତ ଏକ ଖାଲରେ ପଡ଼ିଯାଇଥିଲା, ଯାହା ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା । ଏହି ସମ୍ପର୍କରେ, ମାଣ୍ଡରେମ୍ ପୋଲିସ ଷ୍ଟେସନରେ କମ୍ପାନୀ ମାଲିକ ଶେଖର ରାଇଜାଦାଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି । ପୋଲିସ ଏହି ଘଟଣାର ତଦନ୍ତ କରୁଛି ।