Weather Update: ଉତ୍ତର ଭାରତରେ ୨୫ ଅକ୍ଟୋବର ପରେ ବଦଳିବ ପାଗ,ବଢିବ ଶୀତର ପ୍ରକୋପ

Weather Update: ଉତ୍ତର ଭାରତର ଅନେକ ରାଜ୍ୟରେ ବର୍ତ୍ତମାନ ଦିନରେ ପ୍ରବଳ ଗରମ ଅନୁଭୂତ ହେଉଥିବା ବେଳେ ରାତି ହେଲେ ଥଣ୍ତା ଲାଗୁଛି । ଆଗାମୀ କିଛି ଦିନ ମଧ୍ୟରେ ରାଜ୍ୟରେ ପାଣିପାଗ ପରିବର୍ତ୍ତନ ହେବ ଏବଂ ବଢିବ ଶୀତର ପ୍ରକୋପ ।

ଅକ୍ଟୋବରର ମାସ ମଧ୍ୟ ଭାଗରୁ ଭାରତରେ ପାଗ ବଦଳିବ । ଉତ୍ତର ଭାରତରେ ରାତିର ତାପମାତ୍ରା ହ୍ରାସ ପାଇବା ସହ ଥଣ୍ଡା ଅନୁଭବ କରୁଥିବାବେଳେ ଦକ୍ଷିଣ ଭାରତରେ ବର୍ଷା ଲୋକଙ୍କୁ ଅସୁବିଧାରେ ପକାଇଛି।

ୟୁପି: ଉତ୍ତରପ୍ରଦେଶର ଅନେକ ଜିଲ୍ଲାର ସର୍ବନିମ୍ନ ତାପମାତ୍ରା 20 ° C ତଳକୁ ଖସି ଆସିଛି। ଯେଉଁ କାରଣରୁ ଅନେକ ଜିଲ୍ଲାରେ ଥଣ୍ଡା ଅନୁଭୂତ ହେଉଛି । ପାଣିପାଗ ବିଭାଗ ଅନୁଯାୟୀ, ଅକ୍ଟୋବର ଶେଷ ସୁଦ୍ଧା ଉତ୍ତରପ୍ରଦେଶରେ ଶୀତ ଆରମ୍ଭ ହେବ।

ବିହାର: ଆସନ୍ତା 5 ଦିନ ବିହାରରେ ପାଗ ଶୁଖିଲା ରହିବ। ଏଠାରେ ତାପମାତ୍ରାରେ କୌଣସି ପରିବର୍ତ୍ତନ ହେବାର ସମ୍ଭାବନା ନାହିଁ । ରାଜ୍ୟର ଅଧିକାଂଶ ଜିଲ୍ଲାରେ ସର୍ବନିମ୍ନ ତାପମାତ୍ରା 1 ରୁ 2ଡିଗ୍ରୀ ସେଲସିୟସ ହ୍ରାସ ହେବାର ସମ୍ଭାବନା ରହିଛି।

ହରିୟାଣା: ଆସନ୍ତା ସାତ ଦିନ ହରିୟାଣାରେ ପାଗ ସ୍ପଷ୍ଟ ରହିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଜାରି କରାଯାଇଛି । ବର୍ଷା ହେବାର କୌଣସି ସମ୍ଭାବନା ନାହିଁ । ରାତିରେ ଶୀତ ଅନୁଭବ ହେବ , ସେହିପରି ସକାଳ ଓ ସନ୍ଧ୍ୟାରେ ସାମାନ୍ୟ ଥଣ୍ଡା ଅନୁଭୂତ ହେବ । ଆଗାମୀ 3-4 ଦିନରେ ଦିନରାତି ତାପମାତ୍ରା ମଧ୍ୟ ହ୍ରାସ ପାଇବା ନେଇ ସୂଚନା ରହିଛି ।

ରାଜସ୍ଥାନ: ପାଣିପାଗ ବିଜ୍ଞାନୀଙ୍କ ଅନୁଯାୟୀ ଆସନ୍ତା 2ରୁ3 ଦିନ ରାଜସ୍ଥାନରେ ପାଗ ସ୍ପଷ୍ଟ ରହିବ ଏବଂ ତାପମାତ୍ରାରେ ପରିବର୍ତ୍ତନ ହେବାର ସମ୍ଭାବନା ରହିଛି। ଜୟପୁର ପାଣିପାଗ କେନ୍ଦ୍ର ଅନୁଯାୟୀ ଅକ୍ଟୋବର 19 ପର୍ଯ୍ୟନ୍ତ ରାଜସ୍ଥାନରେ ପାଗ ଶୁଖିଲା ରହିବ । କିଛି ସ୍ଥାନରେ ତାପମାତ୍ରା ବୃଦ୍ଧି ପାଇପାରେ, କିନ୍ତୁ ବର୍ତ୍ତମାନ ରାତିରେ ସାମାନ୍ୟ ଥଣ୍ଡା ଅନୁଭୂତ ହେବ ।

ତାମିଲନାଡୁ ଏବଂ କର୍ଣ୍ଣାଟକ: ତାମିଲନାଡୁର ସମସ୍ତ ଜିଲ୍ଲାରେ ଘଡଘଡି ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି । କିଛି ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି