ମୁହାଁ ମୁହିଁ ହେବେ କଙ୍ଗନା-ୟାମି !
ନୂଆଦିଲ୍ଲୀ : ହିମାଚଳ ପ୍ରଦେଶର ମଣ୍ଡି ସଂସଦୀୟ ନିର୍ବାଚନମଣ୍ଡଳୀରୁ ବଲିଉଡ ଅଭିନେତ୍ରୀ କଙ୍ଗନା ରାଣାୱତଙ୍କୁ ଭାଜପା ପ୍ରାର୍ଥୀ କରିଛି । ତେବେ କଙ୍ଗନାଙ୍କ ବିପକ୍ଷରେ କଂଗ୍ରେସ ଅଭିନେତ୍ରୀ ୟାମି ଗୌତମଙ୍କୁ ଟିକେଟ ଦେବା ନେଇ ଚର୍ଚ୍ଚା ହେଉଛି । ବର୍ତ୍ତମାନ ହିମାଚଳ କଂଗ୍ରେସ ଏହି ଆଲୋଚନାକୁ ଗୁଜବ ବୋଲି କହିଛି ।
ହିମାଚଳ କଂଗ୍ରେସର ବିଶ୍ୱସ୍ତ ସୂତ୍ରରୁ ପ୍ରକାଶ ଯେ ବର୍ତ୍ତମାନ ପର୍ଯ୍ୟନ୍ତ ୟାମି ଗୌତମଙ୍କ ସହ କୌଣସି ଆଲୋଚନା ହୋଇନାହିଁ । ମଣ୍ଡି ସଂସଦୀୟ ନିର୍ବାଚନମଣ୍ଡଳୀରୁ ପ୍ରତୀଭା ସିଂ ଦୃଢ ଚେହେରା ଏବଂ ଦଳ ଚାହୁଁଛି ଯେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତୁ । ହିମାଚଳ କଂଗ୍ରେସ ସୂତ୍ରରୁ ପ୍ରକାଶ, ବୁଧବାର ଚଣ୍ଡିଗଡ଼ରେ ଅନୁଷ୍ଠିତ ହେବାକୁ ଥିବା ଦଳ ସମନ୍ୱୟ କମିଟି ବୈଠକରେ ପ୍ରତିଭା ସିଂଙ୍କୁ ମଧ୍ୟ ପ୍ରତିଦ୍ୱନ୍ଦ୍ୱିତା କରିବାକୁ କୁହାଯିବ ।
ପ୍ରତିଭା ସିଂ ମଧ୍ୟ ହିମାଚଳ ପ୍ରଦେଶ କଂଗ୍ରେସର ସଭାପତି । ବର୍ତ୍ତମାନ ମଣ୍ଡିରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ନେଇ ତାଙ୍କ ପକ୍ଷରୁ କିଛି ସ୍ପଷ୍ଟ କରାଯାଇନାହିଁ । ସୂଚନାଯୋଗ୍ୟ ଯେ ହିମାଚଳର ମାଣ୍ଡିରୁ ଅଭିନେତ୍ରୀ କଙ୍ଗନା ରାନାୱତଙ୍କୁ ବିଜେପି ମଇଦାନକୁ ଓହ୍ଲାଇଛି । ଏହା ପରେ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେଟଙ୍କ ଏକ ପୋଷ୍ଟ ବିବାଦ ସୃଷ୍ଟି କରିଛି । ଏ ସମ୍ପର୍କରେ ବିଜେପି କ୍ରମାଗତ ଭାବେ କଂଗ୍ରେସ ଉପରେ ଆକ୍ରମଣ କରୁଛି ।
ଏସବୁ ମଧ୍ୟରେ ମଙ୍ଗଳବାର ରାତିରେ କଙ୍ଗନା ରାଣାୱତ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନାଡାଙ୍କୁ ତାଙ୍କ ବାସଭବନରେ ଭେଟିଥିଲେ । ଏହି ସମୟ ମଧ୍ୟରେ ଦଳ ତାଙ୍କୁ ଏକ ବାର୍ତ୍ତା ଦେଇଥିଲା ଯେ ଦଳ ତାଙ୍କ ସହ ଦୃଢ଼ ଭାବରେ ଛିଡା ହୋଇଛି । ଦିଲ୍ଲୀର ବିଜେପି ଜାତୀୟ ଜେପି ନଡ୍ଡାଙ୍କ ବାସଭବନରେ ଅନୁଷ୍ଠିତ ଏହି ବୈଠକ ପ୍ରାୟ ୫୦ ମିନିଟ୍ ଧରି ଚାଲିଥିଲା । ଏହାପୂର୍ବରୁ ମଙ୍ଗଳବାର ଅପରାହ୍ନରେ କଙ୍ଗନା କହିଥିଲେ ଯେ ବିଜେପି ସଭାପତି ଜେପି ନାଡା ତାଙ୍କୁ ଦିଲ୍ଲୀ ଡାକିଛନ୍ତି ।
ଏଥିସହିତ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେଟଙ୍କ ସୋସିଆଲ ମିଡିଆ ଆକାଉଣ୍ଟରୁ କଙ୍ଗନାଙ୍କ ବିଷୟରେ ଆପତ୍ତିଜନକ କଥା କୁହାଯାଇଥିଲା । ଏହା ଉପରେ କଙ୍ଗନା କହିଛନ୍ତି ଯେ ସେ ଏହାର ଉତ୍ତର ଦେଇସାରିଛନ୍ତି । ଏହି ପ୍ରସଙ୍ଗରେ ଆଇନଗତ କାର୍ଯ୍ୟାନୁଷ୍ଠାନ କିମ୍ବା ଅନ୍ୟାନ୍ୟ ପ୍ରସଙ୍ଗରେ କଙ୍ଗନା କହିଛନ୍ତି ଯେ ଦଳର ସଭାପତିଙ୍କୁ ଭେଟିବା ପରେ ଅନ୍ୟ କିଛି ପ୍ରତିକ୍ରିୟା ଦେଇ ପାରିବେ ।
Click it and Unblock the Notifications
Sign in with Google