ରାଏବରେଲି ଆସନ ଛାଡ଼ିବେ କି ସୋନିଆ? କଣ ପାଇଁ ଉଠିଲା ଏଭଳି ପ୍ରଶ୍ନ
ନୂଆଦିଲ୍ଲୀ: ଲୋକସଭା ନିର୍ବାଚନକୁ ନେଇ ଦେଶରେ ରାଜନୈତିକ ମାହୋଲ ଉଷ୍ମ ରହିଥିବା ବେଳେ ତେଲେଙ୍ଗାନା କଂଗ୍ରେସ ସୋନିଆ ଗାନ୍ଧୀଙ୍କ ସମ୍ପର୍କରେ ଏକ ପ୍ରସ୍ତାବ ପାରିତ କରିଛି । କଂଗ୍ରେସର ପୂର୍ବ ଅଧ୍ୟକ୍ଷ ସୋନିଆ ଗାନ୍ଧି ତେଲେଙ୍ଗାନାରୁ ନିର୍ବାଚନ ଲଢ଼ିବା ସମ୍ପର୍କରେ ଏକ ସଂକଳ୍ପ ପାରିତ ହୋଇଛି । ଏହାକୁ ନେଇ ବର୍ତ୍ତମାନ ଆଲୋଚନା ହେଉଛି କି ସୋନିଆ ଗାନ୍ଧୀ ରାଏବରେଲି ଆସନ ଛାଡିପାରନ୍ତି ।
ସୋନିଆ ଗାନ୍ଧୀ ତେଲେଙ୍ଗାନାର ମେଡାକ ସିଟରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି ବୋଲି ଏବେ କଳ୍ପନାଜଳ୍ପନା ଚାଲିଛି । ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ମଧ୍ୟ ଏହି ଆସନରୁ ନିର୍ବାଚନ ଲଢ଼ିଛନ୍ତି । କଂଗ୍ରେସ ନେତା ମଧୁ ୟାକ୍ସି ଗୌର କହିଛନ୍ତି ଯେ ସୋନିଆ ଗାନ୍ଧୀ ତେଲେଙ୍ଗାନାରୁ ନିର୍ବାଚନ ଲଢ଼ିବା ପେଇ ପ୍ରସ୍ତାବ ପାରିତ ହୋଇଛି । ଆଉ ସେ ଏଠାରୁ ନିର୍ବାଚନ ଲଢ଼ିଲେ ସମଗ୍ର ଦକ୍ଷିଣ ଭାରତରେ ଦଳ ପାଇଁ ଲାଭଦାୟକ ହେବ ।
ସୋନିଆ ଗାନ୍ଧୀ ବର୍ତ୍ତମାନ ରାଏବରେଲିର ସାଂସଦ ଅଛନ୍ତି । ରାଏବରେଲି ଆସନ କଂଗ୍ରେସର ଏକ ଗଡ଼ ପାଲଟିଛି । ଗତ ଚାରିଟି ନିର୍ବାଚନରେ ସୋନିଆ ଏଠାରୁ ନିର୍ବାଚିତ ହୋଇ ଆସୁଛନ୍ତି । ସେ ଏଠାରେ ପ୍ରତ୍ୟେକ ନିର୍ବାଚନରେ ୫୦ ପ୍ରତିଶତରୁ ଅଧିକ ଭୋଟ୍ ପାଇଛନ୍ତି । ଏହି ଆସନ ଐତିହାସିକ ଭାବେ କେବଳ କଂଗ୍ରେସ ପାଖରେ ରହିଆସିଛି ।
ଦେଶରେ ଏପର୍ଯ୍ୟନ୍ତ ଅନୁଷ୍ଠିତ ହୋଇଥବବା ୧୭ ଟି ଲୋକସଭା ନିର୍ବାଚନରେ ୩ ଟି ନିର୍ବାଚନକୁ ଛାଡ଼ିଦେଲେ ଏହି ଆସନ ପ୍ରତ୍ୟେକ ନିର୍ବାଚନରେ କଂଗ୍ରେସ ପାଖରେ ରହିଆସିଛି । ଦେଶର ୭୨ ବର୍ଷର ନିର୍ବାଚନ ଇତିହାସରେ ଉତ୍ତରପ୍ରଦେଶର ରାଏବରେଲି ଆସନ ୬୬ ବର୍ଷ ଧରି କଂଗ୍ରେସ ପାଖରେ ରହିଛି ।
ତେଲେଙ୍ଗାନା କଂଗ୍ରେସର ପ୍ରସ୍ତାବକୁ ନେଇ ଅନେକ ପ୍ରଶ୍ନ ଉଠିଛି ।
ଯଦିସୋନିଆ ଗାନ୍ଧୀ ରାଏବରେଲି ଆସନ ଛାଡନ୍ତି, ତେବେ ତାଙ୍କ ଝିଅ ତଥା କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଏହି ଆସନରୁ ନିର୍ବାଚନ ଲଢ଼ିବେ କି? ଉତ୍ତରପ୍ରଦେଶ ର କଂଗ୍ରେସ ସଭାପତି ଅଜୟ ରାୟ ନିକଟରେ ପ୍ରିୟଙ୍କା ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ୟୁପି ଆସନରୁ ନିର୍ବାଚନ ଲଢ଼ିବା ପାଇଁ ନିବେଦନ କରିଥିଲେ ।
Click it and Unblock the Notifications
Sign in with Google