ପୁଅ ଇଜହାନ୍ ମିର୍ଜା ମଲିକ୍ ସହ ପାକିସ୍ତାନ ଫେରିଯିବେ କି ସାନିଆ ମିର୍ଜା !

ପହଲଗାମ ଆକ୍ରମଣ ପରେ ଭାରତ-ପାକିସ୍ତାନ ମଧ୍ୟରେ ବିବାଦ ଲାଗି ଯାଇଛି ଏହା ସହ ଅନେକ ନିୟମ ମଧ୍ୟ ପରିବର୍ତ୍ତନ ହୋଇଯାଇଛି । ଭାରତ ସରକାର ପାକିସ୍ତାନୀଙ୍କ ଭିସା ବାତିଲ କରିଛନ୍ତି । ସେମାନଙ୍କୁ ନିଜ ଦେଶକୁ ଫେରି ଯିବା ପାଇଁ ନିର୍ଦ୍ଦେଶ ଦିଆଯାଇଛି । ଅନେକ ପାକିସ୍ତାନୀଙ୍କ ପାଖରେ ଭାରତରେ ରହିବା ପାଇଁ ଦୀର୍ଘକାଳୀନ ଭିସା ମଧ୍ୟ ଥିଲା କିନ୍ତୁ ସମସ୍ତ ଭିସା ବାତିଲ କରାଯାଇଛି ।

ଭାରତୀୟ ଟେନିସ୍ ସେନସେସନ୍ ସାନିଆ ମିର୍ଜା ପାକିସ୍ତାନୀ କ୍ରିକେଟର ଶୋଏବ ମଲିକଙ୍କୁ ବିବାହ କରିଥିଲେ। ବିବାହ ପରେ ମଧ୍ୟ, ସାନିଆଙ୍କ ନାଗରିକତା ଭାରତୀୟ ଥିଲା ଏବଂ ସେ ଭାରତ ପାଇଁ ଟେନିସ୍ ଖେଳିବା ଜାରି ରଖିଥିଲେ। ସାନିଆ ଏବଂ ସୋଏବ ଉଭୟଙ୍କର ମଧ୍ୟ ଛାଡପତ୍ର ହୋଇସାରିଛି।

ସାନିଆ ଦୁବାଇରେ ରହନ୍ତି ଏବଂ ସୋଏବ ପାକିସ୍ତାନରେ ରହନ୍ତି। ବର୍ତ୍ତମାନ ପ୍ରଶ୍ନ ଉଠୁଛି ଯେ, ସାନିଆ ମିର୍ଜାଙ୍କ ପୁଅ ଇଜହାନ୍ ମିର୍ଜା ମଲିକଙ୍କ ପାଖରେ କେଉଁ ଦେଶର ନାଗରିକତା ରହିଛି । ଶୋଏବ ମଲିକ ଥରେ କହିଥିଲେ ଯେ ତାଙ୍କ ପୁଅ ନା ଭାରତ ନା ପାକିସ୍ତାନର ନାଗରିକ ହେବ। ଏଥିରେ UAE ର ଉଲ୍ଲେଖ ଥିଲା, ହେଲେ ଏହା ସମ୍ଭବ ନୁହେଁ। UAE ସରକାର ଅନ୍ୟ ଦେଶର ନାଗରିକଙ୍କୁ ସ୍ଥାୟୀ ନାଗରିକତା ପ୍ରଦାନ କରେ ନାହିଁ। ଗୋଲଡେନ୍ ଭିସା ସହିତ ଜଣେ ସେଠାରେ ଦୀର୍ଘ ସମୟ ପାଇଁ ରହିପାରିବେ। ଜଣେ 30 ବର୍ଷ ଧରି ସେଠାରେ ରହିବା ପରେ UAE ଭିସା ପାଇଁ ଆବେଦନ କରିପାରିବେ। ଏହା ବ୍ୟତୀତ, ଜଣେ UAE ନାଗରିକଙ୍କୁ ବିବାହ କରିବା ପରେ UAE ନାଗରିକତା ପାଇପାରିବେ।

ଅନ୍ୟ ଦେଶର ନାଗରିକତା ହାସଲ କରିବାକୁ ହେଲେ, ଭାରତୀୟ ପାସପୋର୍ଟ ତ୍ୟାଗ କରିବାକୁ ପଡିଥାଏ । ଇଜହାନ୍ ମିର୍ଜା ମଲିକ୍ ନାଗରିକତା ସମ୍ପର୍କରେ ବର୍ତ୍ତମାନ ସ୍ଥିତି ସ୍ପଷ୍ଟ ନୁହେଁ। ଯଦିଓ ସେ ଭାରତରେ ଜନ୍ମଗ୍ରହଣ କରିଥିଲେ। ୧ ଜୁଲାଇ ୧୯୮୭ ପରେ ଭାରତରେ ଜନ୍ମିତ ବ୍ୟକ୍ତିଙ୍କୁ ଭାରତୀୟ ନାଗରିକ ଭାବରେ ବିବେଚନା କରାଯିବ କିନ୍ତୁ ମାଆ କିମ୍ବା ବାପାଙ୍କ ମଧ୍ୟରୁ ଜଣଙ୍କର ଭାରତୀୟ ନାଗରିକତା ଥିବା ଆବଶ୍ୟକ। ଏଠାରେ ସାନିଆଙ୍କ ଭାରତୀୟ ନାଗରିକତା ଅଛି, ତେଣୁ ଇଜାନ ଏହି ଯୋଗ୍ୟତା ପାଇପାରିବେ ।

ଇଜହାନ୍ ମିର୍ଜା ମଲିକ୍ ନାଗରିକତା ସମ୍ପର୍କରେ ସ୍ଥିତି ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ସାନିଆଙ୍କ ଭାରତୀୟ ନାଗରିକତା ଥିବାରୁ ଇଜାନ ହାଇଦ୍ରାବାଦରେ ଜନ୍ମଗ୍ରହଣ କରିଥିବାରୁ ସେ ଭାରତୀୟ ନାଗରିକତା ପାଇଁ ଯୋଗ୍ୟ ହୋଇପାନ୍ତି ।