Hardik Pandya Natasa Divorce: ନିଜ ୧୭୦ କୋଟି ସମ୍ପତ୍ତିର ୭୦ ପ୍ରତିଶତ ନତାଶାଙ୍କୁ ଦେବେ ହାର୍ଦ୍ଦିକ!

Updated: Friday, July 19, 2024, 14:41 [IST]

Hardik Pandya Natasa Stankovic Divorce: ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଶେଷରେ ସ୍ତ୍ରୀ ନତାଶା ଷ୍ଟାନ୍‌କୋଭିକଙ୍କୁ ଛାଡ଼ପତ୍ର ଦେଇଛନ୍ତି। ଗୁରୁବାର ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି କ୍ରିକେଟର ହାର୍ଦ୍ଦିକ ତାଙ୍କ ପତ୍ନୀଙ୍କଠାରୁ ଅଲଗା ହେବା ନେଇ ଘୋଷଣା କରିଛନ୍ତି ।

ହାର୍ଦ୍ଦିକ କହିଛନ୍ତି ଯେ, ୪ ବର୍ଷ ଏକାଠି ରହିବା ପରେ ମୁଁ ଏବଂ ନତାଶା ପରସ୍ପରଠୁ ସହମତିରେ ଅଲଗା ହେବାର ନିଷ୍ପତ୍ତି ନେଇଛୁ। ଯାହା ପରେ ଚର୍ଚ୍ଚା ହେଉଛି ଯେ ହାର୍ଦ୍ଦିକଙ୍କୁ 170 କୋଟି ଟଙ୍କା ମୂଲ୍ୟର 70 ପ୍ରତିଶତ ସମ୍ପତ୍ତି ନତାଶାଙ୍କୁ ଦେବାକୁ ପଡିବ । ହେଲେ କଥାର ସତ୍ୱତା କେତେ ରହିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ ।

ଦୀର୍ଘ ସମୟ ଧରି ନତାଶା ଏବଂ ହାର୍ଦ୍ଦିକଙ୍କୁ ଏକାଠି ସ୍ପଟ୍ କରାଯାଇ ନଥିଲା । ଆଇପିଏଲ୍ 2024 ସମୟରେ ମଧ୍ୟ ନତାଶା ମ୍ୟାଚ୍ ଦେଖିବା ପାଇଁ ଷ୍ଟାଡିୟମରେ ପହଞ୍ଚି ନଥିଲେ, ଏହାପୂର୍ବରୁ ପ୍ରତିବର୍ଷ ନତାଶା ହାର୍ଦ୍ଦିକ ଏବଂ ତାଙ୍କ ଦଳକୁ ସପୋର୍ଟ କରିବା ପାଇଁ ଷ୍ଟାଡିୟମରେ ପଞ୍ଚିଥାନ୍ତି । ଏଥର ହାର୍ଦ୍ଦିକ ନତାଶାଙ୍କୁ ତାଙ୍କ ଜନ୍ମଦିନରେ ମଧ୍ୟ ୱିସ୍ କରି ନଥିଲେ । ଏଭଳି ପରିସ୍ଥିତିରେ ଉଭୟଙ୍କ ମଧ୍ୟରେ ସମ୍ପର୍କ ଭଲ ନଥିବା ନେଇ ଚର୍ଚ୍ଚା ଜୋର ଧରିଥିଲା ।

ବର୍ତ୍ତମାନ ଛାଡପତ୍ର ପ୍ରସଙ୍ଗ ସ୍ପଷ୍ଟ ହେବା ପରେ ଚର୍ଚ୍ଚା ହେଉଛି ଯେ, ହାର୍ଦ୍ଦିକ ପାଣ୍ଡ୍ୟାଙ୍କୁ ତାଙ୍କ ସମ୍ପତ୍ତିର 70 ପ୍ରତିଶତ ନତାଶାଙ୍କୁ ଦେବାକୁ ପଡିବ। ତେବେ ଏ ସମ୍ପର୍କରେ ଏପର୍ଯ୍ୟନ୍ତ କୌଣସି ସରକାରୀ ସୂଚନା ପ୍ରକାଶ କରାଯାଇ ନାହିଁ। ଛାଡପତ୍ର ଖବରକୁ ଚର୍ଚ୍ଚା ହେବା ମଧ୍ୟରେ ବର୍ତ୍ତମାନ ଏହି ଖବରକୁ ନେଇ ମଧ୍ୟ ଚର୍ଚ୍ଚା ହେଉଛି । ପ୍ରଶଂସକମାନେ ସୋସିଆଲ ମିଡିଆରେ ଏପରି ଅନେକ ପ୍ରଶ୍ନ କରୁଥିବାର ଦେଖିବା ପାଇଁ ମିଳୁଛି ।

ତେବେ, ନିକଟରେ 2018 ରେ ହାର୍ଦ୍ଦିକ ଏକ ସାକ୍ଷାତକାର ସମୟରେ କହିଥିଲେ ଯେ ସେ ତାଙ୍କର ସମସ୍ତ ସମ୍ପତ୍ତି ତାଙ୍କ ମାଙ୍କ ନାମରେ ରଖିଛନ୍ତି, କାରଣ ସେ ଭବିଷ୍ୟତରେ ଆୟର 50 ପ୍ରତିଶତ କାହାକୁ ଦେବାକୁ ଚାହୁଁନାହାଁନ୍ତି। ନିୟମ ଅନୁସାରେ ହାର୍ଦ୍ଦିକଙ୍କୁ ରକ୍ଷଣାବେକ୍ଷଣ ଭାବରେ ନତାଶାଙ୍କୁ କିଛି ଟଙ୍କା ଦେବାକୁ ପଡିବ । କିନ୍ତୁ ଏହି ରାଶି କ'ଣ ହେବ ସେନେଇ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ ।